Արխիւ

ՍԵՒԱՆ ՍԵՄԷՐՃԵԱՆ

«Սո՛ւտ» է ըսուեցաւ բոլոր անոնց, որոնք առաջ բերին, ակնարկեցին, դիտել տուին ու մէջբերեցին Ատրպէյճանի նախագահին եւ իշխանութեան բարձրաստիճան պաշտօնեաներուն ամիսներէ ի վեր անվարան տարածած յայտարարութիւնները «Արեւմտեան Ատրպէյճանի» մասին: 

ՊԻԱՆՔԱ ՍԱՐԸԱՍԼԱՆ

Արհեստական բանականութիւնը մեր ժամանակներու ամենաարագ զարգացող երեւոյթներէն մէկն է։ Ան այլեւս միայն գիտաֆանթասթիք պատմութիւններու կամ ապագայի երազանքներու մաս չի կազմեր, այլ ներկայ է մեր առօրեային մէջ՝ մեր հեռաձայններուն, համակարգիչներուն, աշխատանքային միջավայրերուն եւ նոյնիսկ մեր անձնական յարաբերութիւններուն մէջ։

ՀՐԱՅՐ ՏԱՂԼԵԱՆ

Հայ մտաւորականութիւնը ամէ՛ն բանէ աւելի, աւելի քան մէկ դար գրեց հայրենասիրութեան ինչութեան մասին, սակայն, մինչեւ օրս ալ չյստակացաւ, թէ ի՛նչ է հայրենասիրութիւնը։ Մարդկութիւնը նոյն դժուարութեամբ փորձեց բացատրել, թէ ի՛նչ է հաւատքը, սակայն, այնպէս ալ հաւատքին կատարեալ սահմանումը չկրցան տալ: 

Զուիցերիոյ տանտիրութեամբ կազմակերպուած Միացեալ Նահանգներ-Իրան բանակցութիւնները անցան շինիչ մթնոլորտի մէջ:
Լիբանանէ ներս Իսրայէլի ռազմական գործողութիւններու դադրեցման ուղղութեամբ դրական լուրեր: Տարածաշրջանի իրադրութիւնը արժեւորուեցաւ՝ Թուրքիոյ, Եգիպտոսի, Փաքիստանի եւ Սէուտական Արաբիոյ առանցքին վրայ, արտաքին գործոց նախարարներու մակարդակով:

ՀՐԱՅՐ ՏԱՂԼԵԱՆ

Բնականաբար, բոլորս պիտի ուզենք, որ Հայաստանը իր ներկայով ու ապագայով ունենայ նախանձելի դիրք մը. թէ՛ քաղաքական, թէ՛ դիւանագիտական, թէ՛ ռազմական եւ թէ տնտեսական գետնի վրայ գրաւէ ազդեցիկ տեղ մը բովանդակ քաղաքակրթութիւններուն մէջ։

Երէկ, Պէզճեան Մայր վարժարանի մէջ տեղի ունեցաւ մանկապարտէզի փոքրիկներու տարեվերջի հանդէսը, որ բացառիկ խանդավառութեան առիթ դարձաւ։ 

Միջին Արեւելքէ ներս եկեղեցիներու դիմագրաւած բարդ խնդիրները առարկայ կը դառնան առաջնահերթ ուշադրութեան: Արամ Ա. Կաթողիկոս եւ Եփրեմ Բ. Պատրիարքը անդրադարձան արեւելեան ուղղափառ-կաթոլիկ երկխօսութեան ընթացքին շուրջ մանրամասնութիւններ:

Երէկ, Կեդրոնական սանուց միութեան մէջ տեղի ունեցաւ՝ «Ինքնութիւն եւ որոնում» անուանեալ լուսանկարչութեան խառն ցուցահանդէսին բացումը։ Ձեռնարկը կազմակերպուած է «Պոլիս լուսատու» միաւորման նախաձեռնութեամբ։

Համայնքային անմոռանալի բարերար Տիգրան Կիւլմէզկիլ այս շաբաթավերջին կ՚ոգեկոչուի՝ իր մահուան առաջին տարելիցին առթիւ։ Թրքահայ ազգային-եկեղեցական կեանքի արդի տարեգրութեանց մէջ իր ուրոյն հետքը թողած է ան՝ որպէս երախտաշատ բարերար եւ հեռատես վարչային գործիչ։