Արխիւ

ՊԻԱՆՔԱ ՍԱՐԸԱՍԼԱՆ

Մարդու իրաւունքներու ոտնահարումն ու բռնութիւնը, որ համաշխարհային խնդիր է, հասարակութեան վրայ կործանարար ազդեցութիւն ունեցող երեւոյթ մըն է։ Բռնութեան զոհերու մեծամասնութիւնը կը կազմեն կիներ, ինչ որ վերջին օրերուն ողողած է օրակարգը։

ՀՐԱՅՐ ՏԱՂԼԵԱՆ

Միաւորուած ազգերու կազմակերպութեան գործունէութեան հաւատացող մը չեմ, պարզապէս այն պարզ պատճառով, որ հեռու են «արդարութիւն» ըսուած ամենէն կարեւոր սկզբունքէն, որովհետեւ արդարութիւնը իր մէջ խտրականութիւն չ՚ունենար:

ՎԱՐԱՆԴ ՔՈՐԹՄՈՍԵԱՆ

Ներկայ ժամանակաշրջանին զաւակ դաստիարակելը ամենէն դժուար մասնագիտութիւնը դարձած է, նկատի ունենալով արժէքներու փոփոխութեան, սրբութիւններու ոտնակոխումին, նորարարութեան լայնամաշտաբ տիրակալութեան եւ նիւթի ու նիւթականին գերիշխանութեան հանգամանքները:

ՀՐԱՅՐ ՏԱՂԼԵԱՆ

Մեր հրապարակախօսութիւններուն մէջ վստահաբար բազմիցս խօսած ենք կորսուող սփիւռքին մասին. մերօրեայ սփիւռքը այսպէս կամ այնպէս, կէս մը կիսամահ, կէս մը մահամերձ կը փորձէ իր գոյութիւնը պահել, սակայն կան որոշ գաղութներ, որոնք շատ աւելի շուտ մահանալու դատապարտուած են՝ քան ուրիշներ. անոնցմէ մէկն է, օրինակ, Եգիպտոսի հայ գաղութը. այս գաղութը հայ ժողովուրդի պատմութեան մէջ ունի եւ պէտք է ունենայ իր ուրոյն դերն ու տեղը, որովհետեւ այսօր թէեւ լճացած, անցեալին եղած է սփիւռքի ամենէն աշխոյժ գաղութը՝ իր ազգային գործունէութեամբ:

Հայաստանի Հանրապետութեան նախագահ Վահագն Խաչատուրեան, որ Համպուրկի կայունութեան համաժողովին մասնակցեցաւ, երէկ, Պերլինի մէջ ընդունուեցաւ Գերմանիոյ նախագահ Ֆրանք-Վալթեր Շթայնմայէրի կողմէ։ Պաշտօնական աղբիւրներու հաղորդումներով, երկու նախագահները զրոյցի ընթացքին անդրադարձան նաեւ Թուրքիա-Հայաստան յարաբերութիւններու բնականոնացման գործընթացին։

ԺԱՄԱՆԱԿ-ի գլխաւոր խմբագիր Արա Գօչունեան կը տեղեկացնէ Նիւ Եորքէն.-

Հայ իրականութեան մեծագոյն բարենպատակ հաստատութիւնը այս շաբաթավերջին վերստին կը պայմանաւորէ հայութեան օրակարգը՝ իր ձգողականութեամբ եւ ազդեցութեամբ: Նիւ Եորքի մէջ կը գումարուի 93-րդ ընդհանուր ժողովը, որ յարակից ձեռնարկներով հանդերձ նախատեսուած է Տ.Տ. Գարեգին Բ. Ամենայն Հայոց Վեհափառ Հայրապետի օրհնութեամբ եւ բարձր հովանաւորութեամբ: Աշխատանքային ծրագիրը կ՚ընդգրկէ նաեւ «ԱՊՐԻ Արմենիա» վերլուծական կազմակերպութեան ֆորումը:
ՀԲԸՄ-ի անցումային հանգրուանը: Համազգային վստահութեան առանցք:
Աշխարհատարած հեղինակաւոր կազմակերպութեան շրջադարձին անվերապահ երախտագիտութեամբ կը մեծարուի Պերճ եւ Վերա Սեդրակեան ամոլը՝ շուրջ յիսուն տարիներու յանձնառու ղեկավարութեան համար: Մեծարանքի ընթրիքը տեղի կ՚ունենայ Մենհեթթընի «Մենտըրին Օրիէնթըլ» պանդոկի սրահներէն ներս: Արդէն 118-ամեայ կառոյցի կեդրոնական վարչութեան գլուխը կ՚անցնի Սեմ Սիմոնեան՝ որպէս 8-րդ նախագահ, որ օղակը կը հանդիսանայ՝ Պօղոս Նուպար փաշայով սկիզբ առած եւ երջանկայիշատակ Ալեք Մանուկեանով շարունակուած առասպելական անուններու ոսկէ շղթային. փաղանգ, որու բոլոր անդամները հայոց ազգային-եկեղեցական կեանքի մղիչ ուժերը եղած են իրենց գործած ժամանակաշրջաններուն:

Երէկ, հաճոյքն ունեցանք խմբագրատանս մէջ ընդունելու Թրքահայ ուսուցչաց հիմնարկին կողմէ՝ Մարի Նալճըն եւ Մարիամ Տրամէրեանը։ Հաճելի զրոյցի ընթացքին անոնք մեզի յանձնեցին հիմնարկին կողմէ վերջերս տպագրուած հայերէնի եւ թուաբանութեան նոր դասագիրքերը։

ՍԱԳՕ ԱՐԵԱՆ

Պաղեստինի խնդիրին շուրջ Իրան այսօր երեւելի հովանաւոր մըն է, բայց 40 տարի առաջ այդպէս չէր:
Կազզէի արիւնալի պատերազմ. Իսրայէլի ծայրայեղութենէն անդին կը հարցաքննուի նաեւ միւս կողմին ընթացքը:

ԺԱՄԱՆԱԿ-ի գլխաւոր խմբագիր Արա Գօչունեան, որ այս օրերուն կը գտնուի Նիւ Եորքի մէջ, երէկ երեկոյեան հիւրընկալուեցաւ նախկին պոլսահայ շրջանակներու կողմէ։ Իր մասնակցութեամբ երեկոյթ մը տեղի ունեցաւ՝ Հայաստանեայց Առաքելական Եկեղեցւոյ Հիւսիսային Ամերիկայի Արեւելեան թեմէն ներս։ Նիւ Եորքի առաջնորդարանի համալիրի այս ձեռնարկը կազմակերպուած էր Պոլսահայ օգնութեան միութեան (C.A.R.S.) կողմէ, շրջանի հայկական այլ կազմակերպութիւններով հանդերձ։