Արխիւ

Հայաստանի մէջ, վարչապետ Նիկոլ Փաշինեանի կողմէ գլխաւորուած «Քաղաքացիական պայմանագիր» (ՔՊ) կուսակցութեան խորհրդարանական մեծամասնութեամբ կը ձեւաւորուի նոր իշխանութիւն մը, որու յառաջատար դէմքերու պարագային կը նկատուին փոփոխութիւններ:

Արտաքին գործոց նախարար Հաքան Ֆիտան յայտարարեց, որ Թուրքիա եւ Եգիպտոս համակարծիք են, որպէսզի Կազզէի պարագային աւելի լուրջ նախազգուշական միջոցներ ձեռք առնուին: 

ՍԱԳՕ ԱՐԵԱՆ

Սպիտակ տան գագաթաժողովէն տարի մը անց. ժողովուրդները պիտի կարողանա՞ն զգալ խաղաղութեան իսկական արդիւնքը իրենց առօրեայ կեանքին մէջ:
Պատերազմի ժառանգութենէն դէպի նոր իրականութիւն:
Հակամարտութեան տրամաբանութիւնը կրնայ փոխուիլ համագործակցութեան, եթէ Հայաստանի եւ Ատրպէյճանի շահերուն տեսակէտէ հաշտութիւնը դառնայ աւելի նպաստաւոր:

ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ

«Դուք իմ բարեկամներս էք». (ՅՈՎՀ. ԺԵ 11)։
Բարեկամը, աշխարհի վրայ ամէն հարստութենէ գերիվեր է եւ գերազա՛նց։ Բայց, մարդու բարեկամութիւնը ժամանակաւոր է եւ յարաբերական՝ կրնայ աւրուիլ, մինչեւ իսկ թշնամութեան վերածուիլ։ Իսկ Յիսուսի բարեկամութիւնը անփոփոխ է եւ յաւիտենակա՛ն։ 

ԱՆՈՒՇ ԹՐՈՒԱՆՑ

Հայ ժողովուրդի պատմութեան ամենաօրհասական պահերուն Սուրբ Էջմիածնը դադրած է զուտ հոգեւոր կեդրոն ըլլալէ եւ դարձած է ազգային դիմադրութեան, հեռատեսութեան եւ հաւաքական յիշողութեան պահպանման առանցքը։

ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ

Ազատութիւնը սքանչելի՜ բան մըն է, բայց զայն վայելողը կրնայ զայն փճացնել։ Ուստի, բարոյական դաստիարակութիւնը ազատութեան կազմաւորում մըն է, ի դիմաց դրդապատճառներու, առաջարկներու, անոր գործնական կիրարկումին, անոր գործադրումին, դրդումին, վարձատրութիւններուն, գնահատումներուն, նմոյշներուն, օրինակներուն, խորհրդանիշներուն, խորհրդածութիւններուն, յորդորներուն, վարուելակերպին եւ երկխօսութիւններուն՝ որոնք մարդոց կ՚օգնեն զարգացնելու այն ներքին եւ կայուն սկզբունքները՝ որոնք կ՚առաջնորդեն ինքնաբուխ կերպով բարիք գործելու։

Սփիւռքէն բազմատասնեակ երիտասարդներ վերապատրաստութենէ կ՚անցնին Մայր Աթոռ Ս. Էջմիածնի մէջ:
Հայագիտութեան եւ կրօնագիտութեան նիւթերու դասընթացները կ՚ընթանան «Գարեգին Ա.» կեդրոնէն ներս:

Վաղը, Թուրքիոյ Հայոց Պատրիարք Ամեն. Տ. Սահակ Ս. արք. Մաշալեան պիտի մեկնի դէպի Վաքըֆլըգիւղ: Ինչպէս ամէն տարի, այս տարի եւս Սուրբ Աստուածածնի Վերափոխման տօնին առթիւ համայնքէն ներս, Պատրիարքական Աթոռի բարձր հովանաւորութեան ներքեւ կազմակերպուած է ուխտագնացութիւն մը՝ դէպի Վաքըֆլըգիւղ:

Վրաստանի վարչապետ Իրակլի Քոպախիծէ յայտարարեց, որ տարաձայնութիւնները պէտք չէ հիմք դառնան Ռուսաստանի դէմ թշնամութեան համար:
«Արմէնփրէս»ի հաղորդումներով՝ Քոպախիծէ համոզուած է, թէ քաղաքական տարաձայնութիւնները եւ անցեալի սխալները պէտք չէ պատճառ դառնան վրացի եւ ռուս ժողովուրդներու միջեւ թշնամութեան համար: