Արխիւ

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան շաբաթավերջին այցելեց Տիարպաքըր։ Հովուական բնոյթով այցելութիւն մըն էր այս մէկը, որու ընթացքին Ամեն. Ս. Պատրիարք Հայրը տեղւոյն վրայ ծանօթացաւ՝ պատմական քաղաքի այժմ խոնարհուած Ս. Սարգիս եկեղեցւոյ վերանորոգման աշխատանքներու ընթացքին։

Արտաքին գործոց նախարար Հաքան Ֆիտան, որ Մոսկուայէ վերջ երէկ շփումներ ունեցաւ Քիեւի մէջ, ամենաբարձր մակարդակի վրայ հիւրընկալուեցաւ Ուքրայնայի ղեկավարութեան կողմէ։ Նախագահ Վոլոտիմիր Զելենսքիի առընթեր, ան մէկտեղուեցաւ պետական աւագանիէն յառաջատար դէմքերու հետ։

Եշիլգիւղի վարժարանին մէջ նախընթաց օր տեղի ունեցաւ անմահ գրող Զապէլ Եսայեանի յիշատակին ձօնուած հանդիսութիւն մը, որ մեծ խանդավառութեան առիթ դարձաւ։ Գրական այս ծրագիրը համախմբեց հոծ թիւով հիւրեր, որոնք ամբողջութեամբ լեցուցած էին սրահը եւ որոնց շարքին էին Եշիլգիւղի ընտանիքէն վարիչներ։

Օրթագիւղի ընտանիքին տեսակէտէ երէկուան օրը նշանաւորուեցաւ՝ թաղի Թարգմանչաց վարժարանի լուսանկարչութեան ակումբի աշակերտներու ցուցահանդէսով։ «Մեր Իսթանպուլը» խորագրեալ այս ցուցահանդէսով ներկայացուեցան՝ լուսանկարչութեան ակումբի աշխատանքներուն մասնակից աշակերտներու կողմէ նկարահանուած դրուագները։

ՍԱԳՕ ԱՐԵԱՆ

Տխուր իրականութիւն է, անշուշտ, որ յատկապէս աւանդական անուանուած հայագաղութներուն մէջ սերունդներու եւ սերնդափոխութեան մեծ, նոյնիսկ ահեղ պայքար մը գոյութիւն ունի։ Հինը, երբեք պիտի չուզէր, որ նորը գայ…

ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ

Մարդը ինքն է ամբողջ տնտեսական եւ ընկերային կեանքին հեղինակը, կեդրոնը եւ նպատակը։ Ընկերային հարցը վճռողը այն է, որ Աստուծոյ կողմէ բոլորին համար ստեղծուած բարիքները իսկապէս հասնին բոլորին՝ արդար եւ հաւասարակշռեալ չափով եւ եղբայրսիրութեան նպաստով։

Պատրաստեց՝ ՎԱՐԱՆԴ ՔՈՐԹՄՈՍԵԱՆ

Ներկայ դարը կարելի է կոչել Տիրապետութեան դար, նկատի ունենալով հսկայ եւ զօրաւոր պետութիւններու մնայուն պայքարը՝ քաղաքական, ռազմական, տնտեսական, մշակութային եւ ընկերային գետիններու վրայ: Մեր թուականութենէն շուրջ 117 տարիներ առաջ, տիրապետութեան մասին թերթիս Ընկերային հարցեր վերնագրուած բաժինին մէջ՝ «Տիրապետութեան ոգին» խորագիրը կրող գրութիւն մը ունի Ռուբէն Զարդարեանը, ուր անդրադարձ կատարելէ ետք տիրապետութեան ինչութեան, կը խօսի նաեւ այդ տարիներուն Թուրքիոյ մէջ տիրող վիճակին մասին:

Մատաղ սերունդին ժամանակակից միջավայրով ժամանց ապահովելու ուղղեալ կարեւոր նախաձեռնութիւն:
Մայրաքաղաքին եւ բնակիչներուն համար յատկանշական նուէր՝ Հայաստանի «Կերոն» զարգացման հիմնադրամին կողմէ:

Երէկ երեկոյեան, Կեդրոնական սանուց միութեան մէջ տեղի ունեցաւ եզակի ձեռնարկ մը։ Սա, խորքին մէջ, գիրքի շնորհանդէս մըն էր, սակայն, ձեռնարկը միայն գրականութեամբ սահմանափակուած չէր, քանի կ՚ընդգրկէր նաեւ թատրոնը։