Արխիւ

Ս. Աստուածածնի վերափոխման տաղաւարին ընդառաջ, Գնալը կղզիի Ս. Գրիգոր Լուսաւորիչ եկեղեցիէն ներս արդէն ընթացքի մէջ է ուխտի շաբաթը, որու նախընթացը ձեւաւորուած է վերջին տարիներուն:

Երէկ, Հայաստան, Ամերիկայի Միացեալ Նահանգներ եւ Ատրպէյճան համատեղ յայտարարութեամբ մը հանդէս եկան՝ 8 օգոստոս 2025 թուականին, Սպիտակ տան մէջ կազմակերպուած խաղաղութեան գագաթաժողովի առաջին տարեդարձին առթիւ: 

Երէկ, Հանրապետութեան նախագահ Ռեճեփ Թայյիպ Էրտողան հիւրընկալեց Աւստրիոյ վարչապետ Քրիստիան Սթոքէրը: 

Արտաքին գործոց նախարար Հաքան Ֆիտան յայտարարեց, որ Հայաստան եւ Ատրպէյճան կ՚ընթանան դէպի մշտական խաղաղութեան համաձայնագիր:

Հայաստանի իշխանութիւններուն կողմէ որդեգրուած հակաեկեղեցական արշաւը՝ մանաւանդ Տ.Տ. Գարեգին Բ. Ամենայն Հայոց Կաթողիկոսի ակնյայտ թիրախաւորումը հետզհետէ լայն արձագանգ կը գտնէ նաեւ միջազգային հարթութեան վրայ:

Տ.Տ. Գարեգին Բ. Ամենայն Հայոց Կաթողիկոսի եւ վեց սրբազաններու դէմ ձեռնարկուած քրէական վարոյթի շրջանակներէն ներս կը սպասուի նոր դատաւորի մը նշանակման։ «Իշխանութիւնը պարտաւոր է գործել՝ առանց եկեղեցւոյ ձայնը լռեցնելու որեւէ նպատակի կամ ընտրովի վերաբերմունքի»։ Երուսաղէմի Պատրիարքութիւն. «Անընդունելի է դատական գործընթացի թիրախ դարձնել Վեհափառ Հայրապետը, որու դատարան ներկայանալու պարտադրանքին ենթարկումը առանձնապէս մտահոգիչ եւ վտանգաւոր նախադէպ մը կը ստեղծէ»։ Սուրբ Աթոռը կոչ կ՚ուղղէ՝ պաշտպան կանգնիլ հայոց եկեղեցւոյ ազատութեան, միասնականութեան, ինքնավարութեան եւ արժանապատուութեան՝ քանի Նորին Սրբութեան դէմ որեւէ  հարուած սպառնալիք է Հայաստանեայց Առաքելական Սուրբ Եկեղեցւոյ ամբողջական կառոյցին, հայ ժողովուրդի հոգեւոր միասնութեան, ազգային ինքնութեան եւ պետական հիմքերուն։  

​ՀՐԱՅՐ ՏԱՂԼԵԱՆ

​Խորհրդային Միութեան տարիներուն նման կոմիտէութեան մը ստեղծումը քիչ մը կրնայ տարօրինակ թուիլ, որովհետեւ բացայայտ կամ անյայտ ձեւերով կոմիտէութիւնը իր աշխատանքով հայրենասիրութիւն եւ հայապահպանութիւն կը քարոզէր։ Կոմիտէի գործունէութիւնը ունէր գաղափարական բնոյթ, ինչ որ շատ անգամ կրնար հակասել Խորհրդային Միութեան սպասումներուն:

​ՍԱԳՕ ԱՐԵԱՆ

Խողովակաշարները երբեմն քաղաքականութեան մասին աւելի շատ կը խօսին՝ քարիւղի բաղդատմամբ. տարածաշրջանային մրցակցութիւններ եւ միջազգային դերակատարներու ազդեցութեան պայքարներ

Շաբաթավերջին, Թուրքիոյ Հայոց Պատրիարք Ամեն. Տ. Սահակ Ս. արք. Մաշալեան ընդունեց թրքահայ այն երիտասարդները, որոնք այս տարուայ համալսարանի մտից քննութիւններուն արձանագրած են բացառիկ յաջողութիւն: Այսպէս, թիւով 12 յաջող երիտասարդները Գումգաբու փութացին՝ Նորին Ամենապատուութեան օրհնութիւնը ստանալու համար, արժանացան նաեւ անոր բարձր գնահատանքին: