Արխիւ

ԽԱԺԱԿ ԱՐՔ. ՊԱՐՍԱՄԵԱՆ

Խաչվերացի սուրբ տօնը ամէն տարի մեզ դարձեալ կը բերէ Սուրբ եւ Կենարար Խաչին դիմաց՝ այն խորախորհուրդ սրբութեան առջեւ, ուր անճար լոյսով կը փայլի Աստուծոյ սէրը, ողորմութիւնն ու փրկագործ կամքը։ Քրիստոնեային համար խաչը սոսկ տառապանքի կամ մահուան խորհրդանիշ մը չէ. ան կեանքի ծառ է, յաղթանակի նշան եւ փրկութեան դրոշմ։

ՊԻԱՆՔԱ ՍԱՐԸԱՍԼԱՆ

Մարդ արարածը թերեւս աշխարհ եկած առաջին իսկ օրէն սկսած է փնտռել։ Նախ՝ ապաստան մը մթութեան մէջ, կրակ մը ցուրտին դէմ, սնունդ մը սովը յագեցնելու համար։ Յետոյ՝ անուններ տուաւ զինք շրջապատող բաներուն, նայեցաւ երկինքին, հաշուեց աստղերը եւ սկսաւ հարցնել այն հարցումները, որոնց պատասխանները դեռ այսօր ալ ամբողջութեամբ չունինք։

ՀՐԱՅՐ ՏԱՂԼԵԱՆ

Այն, ինչ որ այսօր վտանգաւոր կը նկատենք, անցեալին դրական ընկալում մը ունէր։ Հայ ժողովուրդը կարեւոր կը նկատէր ունենալ անհատներ, որոնք հայ ըլլալով հանդերձ կը յաջողին որպէս ֆրանսացի, որպէս ամերիկացի մտածել, որովհետեւ այդ մէկը թէ՛ առեւտուրի եւ թէ այլ ոլորտներու մէջ կրնար դրական արդիւնք տալ։

Երէկ, հաճոյքն ունեցանք խմբագրատանս մէջ հիւրընկալելու սփիւռքահայ երէց սերունդի մտաւորական Գէորգ Պետիկեանը, որ այս օրերուն քաղաքս կ՚այցելէ իր կողակցին՝ Լիզա Պետիկեանի հետ։ Գէորգ եւ Լիզա Պետիկեան ամոլը յառաջիկայ օրերուն պիտի միանայ Ամերիկայի Միացեալ Նահանգներէն զբօսաշրջիկներու խումբի մը, որ շրջագայութիւն մը պիտի իրականացնեն դէպի Անատոլու՝ տեսնելու համար երբեմնի հայաբնակ գաւառները։

Երէկ, Փարիզի մէջ տեղի ունեցաւ՝ Ֆրանսայի եւ Գերմանիոյ համատեղ նախաձեռնութեամբ կազմակերպուած, տիեզերական հարցերուն ձօնուած միջազգային գագաթաժողովը, որուն մասնակցեցաւ նաեւ Հայաստանի վարչապետ Նիկոլ Փաշինեան։

Երէկ, Հայաստանի Սենֆոնիք նուագախումբը բացաւ իր 21-րդ համերգաշրջանը։ Այսպէս, Երեւանի Օփերայի համալիրէն ներս տեղի ունեցաւ հանդիսաւոր համերգ մը, որ համախմբեց հոծ թիւով երաժշտասէրներ:

Երէկ, Հայաստանի վարչապետ Նիկոլ Փաշինեան հիւրընկալուեցաւ Ֆրանսայի Հանրապետութեան նախագահ Էմմանիւէլ Մաքրոնի կողմէ։ Հարկ է նշել, որ Փաշինեան Փարիզ մեկնած է՝ մասնակցելու համար Միջազգային տիեզերական գագաթաժողովին, որ կը համախմբէ աշխարհի զանազան երկիրներու ղեկավարները։

Գոհունակութեամբ վերահասու կ՚ըլլանք, որ դաշնակահար Պարէտ Չաղլըչուպուքճու յառաջիկայ շրջանին պիտի մեկնի Վիեննա՝ երաժշտական ուսումը կատարելագործելու համար։ 

ՎԱՐԱՆԴ ՔՈՐԹՄՈՍԵԱՆ

Սեպտեմբեր մէկը Հայաստանի մէջ առանձնայատուկ նշանակութիւն ունեցող օր է, որ կրթական աշխարհէն ներս կը յայտարարէ նոր ուսումնական տարեշրջանի սկիզբը, կը նշէ վերամուտը՝ վերադարձ դէպի դպրոցական եւ ուսանողական սեղաններ, վերադարձ դէպի գիրք, ուսում եւ գիտութիւն, միաժամանակ՝ մուտք դէպի կրթութեան ու դաստիարակութեան այն աշխարհը, ուր կը ձեւաւորուի մարդը, կը կերտուի անոր միտքը, նկարագիրը եւ ապագայի տեսլականը։