Արխիւ

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան կը սգայ իր սիրեցեալ հօր կորուստը. ոչ եւս է Յակոբճան Մաշալեան։ Խոր ցաւով վերահասու եղանք, թէ ան երէկուայ լուսադէմին կնքած է իր մահկանացուն Սուրբ Փրկիչ Ազգային հիւանդանոցի մէջ, ուր միջոցէ մը ի վեր դարմանման տակ կը գտնուէր։

«Ինքնութեան արահետ. Պոլսոյ Պատրիարքական Աթոռը ժամանակներու մէջ» փաստավաւերագրական ֆիլմի արեւմտահայերէն տարբերակի առաջին ներկայացումը:
Գումգաբուի մէջ փառաշուք կալա:
ԺԱՄԱՆԱԿ Օրաթերթի եւ Երեւանի «Ֆակտում» կեդրոնի համագործակցութեան ողջունելի ու պատկառելի արդիւնքը մատուցուեցաւ Սրբոց Թարգմանչաց տօնի շաբաթավերջին:
Թրքահայ ազգային-եկեղեցական կեանքէն ներս դէպքի վերածուած ձեռնարկը հովանաւորեց Ամեն. Ս. Պատրիարք Հայրը: Երեկոյթը համախմբեց համայնքային ընտրանին, որ ականատեսը դարձաւ աննախընթաց գործի մը:
Բացառիկ նախաձեռնութիւնը դուռ բացաւ նոր հայեացքով մը արժեւորելու բազմաթիւ կենսական հարցեր՝ թարմ շունչ մը տալով եկեղեցի-մամուլ-դպրոց եռամիասնութեան:

ՏԻԳՐԱՆ ԳԱԲՈՅԵԱՆ

Մարդկութիւնը ունի յաւերժական մարմանջ մը եւս, որ յղացումն է։ Մարդը պէտք է յղում ունենայ ու ապրի այդ յղումով՝ կախուածութեամբ։ Եթէ չկայ այդ մէկը, մենք անդիմագիծ կը դառնանք ու մեր կեանքը ապարդիւն:

ՍԵՒԱՆ ՍԵՄԷՐՃԵԱՆ

Թարգմանչաց է։ 
Շաբթուան սկիզբէն Մեսրոպ Մաշտոցին եւ անոր ըրածին մասին կը խօսինք մանուկներուն։ Նկարներ կը դիտեն անոնք, Մաշտոցին հոս-հոն տեղադրուած արձանները, այբուբենին նկարները, ամէն մէկ տառին գծագրութեան ձեւերը, թռչնագիրը եւ անոր սքանչելի գոյները... այս բոլորը լսելէն, դիտելէն եւ «Ո՛վ մեծագործ Մեսրոպ Մաշտոց» սորվելէն վերջ ահագի՜ն հարցումներ կը հարցնեն անոնք, հաւատացէ՛ք։ 

ՎԱՐԱՆԴ ՔՈՐԹՄՈՍԵԱՆ

Այսօր, 11 հոկտեմբեր 2025, Հայ Առաքելական Սուրբ Եկեղեցին կը նշէ Սրբոց Թարգմանչաց տօնը: Տօն մը, որ իր բնոյթով եւ էութեամբ ազգային է՝ հոգեւոր դրոշմով միասին: Տօն մը, որ տարբեր մեր ազգային-եկեղեցական միւս բոլոր տօներէն, որովհետեւ այս տօնը մեր ինքնութեան ու գոյատեւութեան գլխաւոր կռուաններէն մէկն է, եթէ ոչ ամենէն գլխաւորը:

ՀՐԱՅՐ ՏԱՂԼԵԱՆ

Նեղութեան ժամանակ օգնութիւն ուզելը կենսաբանական պահանջ մըն է, որովհետեւ նման հոգեվիճակներու մէջ մարդ արտաքին միջամտութիւն մը կ՚ակնկալէ, բայց, Աշուղ Ջիւանի այդ օգնութիւնը կը մերժէ, որովհետեւ կը գիտակցի, որ շատ անգամ օգնութիւնը իր հետ ազատութեան եւ անկախութեան սահմանափակում կը բերէ.

Հայաստանի վարչապետ Նիկոլ Փաշինեան յայտարարեց, որ երկիրը պատրաստ է կամրջել Եւրոպան եւ Կեդրոնական Ասիան։
Երէկ, Պրիւքսէլի մէջ «Համաշխարհային դարպաս» (Global Gateway) համաժողովի ընթացքին Նիկոլ Փաշինեան հանդէս եկաւ ելոյթով մը։ 

Ամեն. Սրբազան Պատրիարք Հայրը շնորհաւորեց Թուրքիոյ հրեայ համայնքի նորընտիր րաբունապետը:
Խախամապետարանի մէջ կայացած սիրալիր զրոյցի ընթացքին շօշափուեցան փոքրամասնութիւններու օրակարգին շուրջ հարցեր:

ՊԻԱՆՔԱ ՍԱՐԸԱՍԼԱՆ

Մարդկային բնոյթը դարեր շարունակ քննարկուած է փիլիսոփայութեան, հոգեբանութեան եւ կրօնի շրջանակներուն մէջ։ Արդեօք մարդը ի ծնէ բարի՞ է, թէ ունի չարութեան սերմեր, որոնք ժամանակի ընթացքին կը ծաղկին։