Արխիւ

Տ.Տ. Գարեգին Բ. Ամենայն Հայոց Կաթողիկոսի եւ Գերագոյն հոգեւոր խորհուրդի (ԳՀԽ) անդամ վեց սրբազաններու դատավարութիւնը պիտի շարունակուի Արմաւիրի մարզի Առաջին ատեանի ընդհանուր իրաւասութեան դատարանէն ներս։ «Արմէնփրէս»ի հաղորդումներով, երէկ, Հայաստանի Վճռաբեկ ատեանը առաւ այս որոշումը՝ Վեհափառ Հայրապետի եւ միւս վեց սրբազաններու քրէական վարոյթին կապակցութեամբ։

Երէկ, Հայաստանի արտաքին գործոց նախարար Արարատ Միրզոյեան պաշտօնական այցելութիւն մը տուաւ Ռիկա, ուր ամենաբարձր մակարդակի վրայ հիւրընկալուեցաւ Լաթվիոյ իշխանութիւններուն կողմէ։

Հայաստանի Հանրապետութեան նախագահ Վահագն Խաչատուրեան յայտարարեց, որ երկիրը պէտք է հարեւաններուն հետ իրականացնէ տարածաշրջանային ծրագրեր։

Պատրիարքական Աթոռի հովանաւորութեամբ դէպի Վան կազմակերպուած աւանդական ուխտագնացութիւնը այս տարի պսակուեցաւ բացառիկ յաջողութեամբ։ Ուխտագնացութիւնը թէեւ հերթական էր, սակայն, առանձնացաւ իր մթնոլորտով եւ այդ առումով դարձաւ իսկապէս բացառիկ։

ՍԵՒԱՆ ՍԵՄԷՐՃԵԱՆ

Իր յատուկ պատկերն ու գծագրութիւնը ունի իւրաքանչիւր ամիս մանուկներու դասագիրքերուն, առաւել եւս՝ հայերէն դասագիրքերուն մէջ… հայոց այբուբենն ու Մաշտոցն է, օրինակ, հոկտեմբերը, նոյեմբերը՝ անձրեւ, դեկտեմբերը՝ Կաղանդ պապա, ձիւնեմարդ է յունուարը, վզկապ, ձեռնոց ու փոթորիկ է մարտը, ապրիլը՝ եղեռնի յուշարձան մը (այսուհետեւ հաւանաբար փոխուի), մայիսը վարդ ու ծաղիկ է, ամրան երեք ամիսները՝ ծովափ ու հովանոց:

ՊԻԱՆՔԱ ՍԱՐԸԱՍԼԱՆ

«Քու վարդդ միւս վարդերէն աւելի կարեւոր դարձնողը անոր յատկացուցած ժամանակն է», կ՚ըսէ Փոքրիկ Իշխանը։ Այս պարզ նախադասութեան մէջ թաքնուած է մարդկային յարաբերութիւններու ամենախոր ճշմարտութիւններէն մէկը։

ՀՐԱՅՐ ՏԱՂԼԵԱՆ

Հայաստանի մէջ, երբ տակաւին իշխանութիւն-եկեղեցի հարցը կը շարունակուի ծեծուիլ, կը շարունակենք կարդալ հրապարակախօս Սիմոն Սիմոնեանի «Հայոց եկեղեցիի իսկական վերակենդանացման համար» խորագրեալ շարունակական երկու-երեք գրութիւնները, ուր մտաւորականը կը խօսի եկեղեցւոյ բարեկարգութեան մասին իր ունեցած համոզումներուն ու ակնկալութիւններուն մասին: 

​ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ

Ինչպէս բանաստեղծը կ՚ըսէ, շատ անգամ դէպի առաջ կը քալենք, բայց երբեք չե՛նք յառաջանար։

ՎԱՐԱՆԴ ՔՈՐԹՄՈՍԵԱՆ

Կրթական մշակ, մտաւորական, հասարակական գործիչ, Հայկական բարեգործական ընդհանուր միութեան (ՀԲԸՄ) երկարամեայ տնօրէն Գրիգոր Կիրակոսեան ծնած է Սեբաստիոյ Կամիս գիւղը, 1888 թուականի յուլիսի 15-ին: