Արխիւ

ՃԱՐՏԱՐԱՐՈՒԵՍՏԻ ՀՍԿԱՅ

Հինգշաբթի, Յուլիս 2, 2026

İSO-ի կողմէ հրապարակուած է Թուրքիոյ արդիւնաբերութեան 500 մեծագոյն ընկերութիւններու ցուցակը:
«Nursan Kablo Donanımları San. Ve Tic. A.Ş.»ն տասնամեակներէ ի վեր կը պահէ իր դիրքը յաւակնորդներու շարքին, իսկ այս անգամ առաջին 200-ին մէջ է՝ կայուն նուաճումներով:
Համայնքային երախտաշատ բարերար եւ յայտնի գործարար Արէտ Երկանեան կ՚առանձնանայ իր բարձր վարքով:

ՊԱՔՈՒԷՆ ՎԵՐՋ ԵՐԵՒԱՆ

Հինգշաբթի, Յուլիս 2, 2026

Եւրոյանձնաժողովի նախագահ Ուրսուլա ֆոն տէր Լէյէն այս առաւօտ ժամանեց Երեւան։ Ան այցելութեան մը ձեռնարկած է դէպի Հարաւային Կովկաս՝ ուղեկցութեամբ բարձրաստիճան պատուիրակութեան մը, որու կազմին մէջ կը գտնուի Եւրոյանձնաժողովի ընդլայնման գծով կոմիսար Մարթա Քոս։

ԱՄԵՆ. Ս. ՊԱՏՐԻԱՐՔ ՀԱՅՐԸ ԳՆԱԼԸ ԿՂԶԻԻ ՄԷՋ ԸՆԴՈՒՆԵՑ ՀԱՅԱՍՏԱՆԷՆ ՈՒԽՏԱՒՈՐՆԵՐՈՒ ԽՈՒՄԲ ՄԸ

Հինգշաբթի, Յուլիս 2, 2026

Երէկ, Թուրքիոյ Հայոց Պատրիարք Ամեն. Տ. Սահակ Ս. արք. Մաշալեան ընդունեց Հայաստանէն քաղաքս ժամանած խումբ մը ուխտաւորներ՝ գլխաւորութեամբ Տ. Շաւարշ քահանայ Սիմոնեանի: Ամեն. Ս. Պատրիարք Հայրը Գնալը կղզիի Ս. Գրիգոր Լուսաւորիչ եկեղեցւոյ մէջ հիւրընկալեց՝ 28 ուխտաւորէ բաղկացեալ այս խումբը, որու նկատմամբ ցուցաբերեց ջերմ վերաբերմունք:

ՊԱՔԸՐԳԻՒՂԻ ՏԱՏԵԱՆ ՎԱՐԺԱՐԱՆԻՆ ՄԷՋ ՇՐՋԱՆԱՒԱՐՏԻՑ ՓԱՅԼՈՒՆ ՀԱՆԴԷՍ

Հինգշաբթի, Յուլիս 2, 2026

Պաքըրգիւղի ընտանիքը վերջին օրերուն մեծ ոգեւորութիւն ապրեցաւ՝ թաղի Տատեան վարժարանի շրջանաւարտութեան հանդէսին առթիւ: 2025-2026 կրթական շրջանի աւարտին դպրոցը ունի քառասուն ընթացաւարտ:

ԸՆԹԱՑԱՒԱՐՏՆԵՐՈՒ ՀԱՆԴԷՍ

Հինգշաբթի, Յուլիս 2, 2026

Ֆէրիգիւղի Մէրամէթճեան վարժարանին մէջ վերջերս տեղի ունեցաւ շրջանաւարտութեան հանդէս, որ անցաւ տօնախմբութեան համազօր մթնոլորտով։ Ութերորդ դասարանի տղաքը դպրոցէն հրաժեշտ առին յուզումնախառն զգացումներով՝ իրենց հայեացքը ուղղած դէպի նոր հորիզոններ ու նուաճումներ

«ՄԱՐԱԼ» ՀԱՄՈՅԹԸ ԱՄՐԱՆ ԴԱՍԸՆԹԱՑՆԵՐ ԿԸ ԿԱԶՄԱԿԵՐՊԷ ԳՆԱԼԸ ԿՂԶԻԻՆ ՄԷՋ

Հինգշաբթի, Յուլիս 2, 2026

Էսաեան սանուց միութեան «Մարալ» երգի-պարի համոյթը այս տարի ամրան դասընթացներ կը կազմակերպէ Գնալը կղզիին մէջ: Երէկ, եղանակի առաջին փորձը տեղի ունեցաւ՝ Գնալը կղզիի Ս. Գրիգոր Լուսաւորիչ եկեղեցւոյ համալիրէն ներս:

ԼՈՍ ԱՆՃԵԼԸՍԻ ՀԱՅԵՐՈՒ ԽՆՋՈՅՔԻ ՍՐԱՀՆԵՐԸ՝ ԻՆՔՆՈՒԹԵԱՆ ԵՒ ԴԻՄԱԴՐՈՂԱԿԱՆՈՒԹԵԱՆ ՎԱՅՐԵՐ

Հինգշաբթի, Յուլիս 2, 2026

ԱՆՈՒՇ ԹՐՈՒԱՆՑ

«Լոս Անճելըս Թայմզ» («Los Angeles Times») պարբերականը հրապարակած է ծաւալուն յօդուած մը՝ նուիրուած Լոս Անճելըսի հայկական հարուստ աւանդութիւններուն եւ հանդիսութիւններու իւրայատուկ մշակոյթին։

ԱԿՆԱՐԿ - 169 - «ՀԱՅԱՍՏԱՆՈՒՄ ԱՊՐՈՂԸ ԼԱՒ Կ՚ԵՂՆԻ՞»

Հինգշաբթի, Յուլիս 2, 2026

ՎԱՐԱՆԴ ՔՈՐԹՄՈՍԵԱՆ

Հայաստանի Հանրապետութեան խորհրդարանական ընտրութիւններէն արդէն շուրջ մէկ ամիս անցած է: Ինչպէս նախքան ընտրութիւնները, այդպէս ալ ընտրութիւններէն ետք մարդիկ կը շարունակեն դժգոհիլ Հայաստանէն, կը շարունակեն դժգոհիլ իրենց հայրենիքէն:

ԱՆԶՈՒՍՊ ԼԵԶՈՒՆ

Հինգշաբթի, Յուլիս 2, 2026

ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ

«Լեզուն ալ կրակ է։ Անիրաւութեան աշխարհ մըն է անիկա։ Թէեւ պարզ մէկ անդամն է մարմինին, բայց ամբողջ մարդը կ՚ապականէ եւ գեհենի կրակով բռնկած՝ մեր ամբողջ կեանքը կրակով կը վառէ։

ՀԱՅԱՍՏԱՆ՝ ՈՒՐ ԱՐԴԱՐՈՒԹԻՒՆԸ ՊԱՅՄԱՆԱԿԱՆ Է

Հինգշաբթի, Յուլիս 2, 2026

ՀՐԱՅՐ ՏԱՂԼԵԱՆ

Եթէ ներկայ օրերուն հանդիպիք մարդու, որ կը պնդէ, թէ Հայաստանի մէջ գոյութիւն ունի ժողովրդավարութիւն եւ կամ արդարադատութիւն, ապա վստահ կրնաք ըլլալ, որ այդ անձը կա՛մ կառավարական պաշտօնեայ է եւ կամ անոնց սեղանէն փշրանք հաւաքող մարդ, որովհետեւ հայրենիքէն ներս ժողովրդավարութեան ու արդարութեան ձայնն ու աղաղակը կայ, սակայն, ինք չկայ:

ՎԵՑ ԱՐԾԻՒՆԵՐ ԵՒ ԵՐԵԽԱՅ ՄԸ

Չորեքշաբթի, Յուլիս 1, 2026

ՂԱՍԱՆ ՔԱՆԱՖԱՆԻ
Արաբերէնէ թարգմանեց՝
ՎԱՐԱՆԴ ՔՈՐԹՄՈՍԵԱՆ

Երբ այդ օրը վերադարձայ, ինքնաշարժին մէջ առանձին էին…, սակայն, վարորդը հանգիստ չձգեց զիս…, ժայռը ցոյց տուաւ եւ ինքնաշարժի շարժիչի հանած ձայնին մէջէն գոռալով ըսաւ.

ՀԱՒԱՏՔԻ ԴԱՍՏԻԱՐԱԿՈՒԹԻՒՆ

Չորեքշաբթի, Յուլիս 1, 2026

ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ

Մանուկներու դաստիարակութիւնը ծնողներու լուրջ պատասխանատուութեան յանձնուած գործ մըն է։ Մանուկներու դաստիարակութիւնը պէտք է բնորոշել հաւատքը փոխանցելու ճամբով. բան մը՝ որ այժմեան կեանքի ոճին, աշխատանքի օրակարգերուն, ժամանակակից աշխարհի բարդութիւններուն կողմէ դժուարացած է, ուր շատեր կարենան ապրելու համար՝ ծայրայեղ արագութեամբ կ՚ընթանան։

ԽՈՐՀՐԴԱՅԻՆ ՄԻՈՒԹԻՒՆ՝ ՈՒՐ ԽՕՍՔԸ ԽՕՍՔՈՎ «ԱԶԱՏ» ԷՐ

Չորեքշաբթի, Յուլիս 1, 2026

ՀՐԱՅՐ ՏԱՂԼԵԱՆ

Պարոյր Սեւակ լաւապէս կը գիտակցէր, որ կան մտաւորականներ, որոնք պատրաստ են պատիւ ստանալու սիրոյն ամէն տեսակ ցածոգի արարքներ ընելու. գիտէր, որ թիւով քիչ չեն մարդիկ, որոնք ամենայն սիրով իր գրութիւններուն մէջ ուղղակի կամ անուղղակի քննադատութիւնները, հայրենասիրական կոչերը պիտի մատնեն իշխանութիւններուն։

ՕՐԹԱԳԻՒՂԻ ՄԷՋ ՇՐՋԱՆԱՒԱՐՏՈՒԹԵԱՆ ՀԱՆԴԷՍ

Չորեքշաբթի, Յուլիս 1, 2026

Օրթագիւղի ընտանիքը բարձր տրամադրութեամբ հրաժեշտ տուաւ՝ թաղի Ս. Թարգմանչաց վարժարանի 2025-2026 կրթական շրջանի ընթացաւարտներուն: Անցեալ շաբաթավերջին տեղի ունեցաւ շրջանաւարտութեան հանդէսը, որ պսակուեցաւ փայլուն յաջողութեամբ:

ԿԱՐԳԱՎԻՃԱԿԻ ՃԱՆԱՉՈՒՄ

Չորեքշաբթի, Յուլիս 1, 2026

Կը տեղեկանանք, որ Սուրբ Խաչ դպրեվանքը «College Board»ի կողմէ ճանչցուած է՝ որպէս «Level II Approved School»։
Վարժարանը աւելի քան տարի մը առաջ դիմած է այս ճանաչումը ունենալու համար:

ԱՆՏԻՈՔԻ ՔԱՐԱՅՐ-ԵԿԵՂԵՑՒՈՅ ՄԷՋ ՍՈՒՐԲԵՐՈՒ ՅԻՇԱՏԱԿՈՒԹԻՒՆ

Չորեքշաբթի, Յուլիս 1, 2026

Գաւառի հայոց հոգեւոր տեսուչ Տ. Աւետիս քահանայ Թապաշեան նախընթաց օր Անտիոքի մէջ մասնակցեցաւ՝ Ս.Պօղոս-Ս.Պետրոս առաքեալներու յիշատակութեան տօնակատարութեան: Հարկ է նշել, որ Կաթոլիկ եկեղեցւոյ տօնացոյցին վրայ ամէն տարի յունիսի 29-ը նախատեսուած է՝ որպէս այս սուրբերու յիշատակութեան օրը: