Վերափոխման տաղաւարին ընդառաջ Ամենապատիւ Սրբազան Պատրիարք Հայրը հովուական այցելութիւն կու տայ դէպի Թուրքիոյ հարաւը:
Տարեկան անուան տօնախմբութեան առթիւ Վաքըֆլըգիւղի Ս. Աստուածածին եկեղեցին հասնելէ առաջ Նորին Ամենապատուութիւնը զանազան հանդիպումներ ունեցաւ Մերսինի մէջ:
Ուրախութեամբ կը տեղեկանանք, որ Վարդան-Ճուլիա Յովհաննէսեան ամոլը բախտաւորուած է դուստրով մը, որ կոչուած է՝
ԺՊՏՈՒՆ
Մայրը եւ նորածինը քաջառողջ են։ Ան իր ծնողներուն առաջնեկն է։
Գնալը կղզիի Ս. Գրիգոր Լուսաւորիչ եկեղեցւոյ մէջ, երէկ երեկոյեան տեղի ունեցաւ «Մենք հայ երգ ենք» խորագրեալ երաժշտական ձեռնարկներու շարքի հերթականը։ Կղզեբնակ երիտասարդներու երաժշտական կատարումները այս փուլին եւս արժանացան բոլորի ծափահարութիւններուն։
Համահայկական խաղերու համաշխարհային կոմիտէի նախագահ Իշխան Զաքարեանին երէկ յուշանուէր մը յանձնուեցաւ՝ Էսաեան սանուց միութեան «Մարալ» երգի-պարի համոյթին կողմէ։ Յուշանուէրը յանձնեց համոյթի անդամներէն Սարգիս Մենշուր, որ կը բնակի Երեւանի մէջ։
Պատրիարքական Աթոռի կարգադրութեամբ Տ. Արամ Արք. Աթէշեան վերջին օրերուն այցելեց Տիարպաքըր։ Նորին Սրբազնութիւնը տեղւոյն Ս. Կիրակոս եկեղեցւոյ ընդարձակ համալիրէն ներս՝ յարակից Ս. Յակոբ Մծբնայ Հայրապետի մատրան նորակերտ խորանի օծումը։
Գնալը կղզիի Ս. Գրիգոր Լուսաւորիչ եկեղեցւոյ մէջ այս տարի ալ խանդավառ մթնոլորտ ստեղծուած է Ս. Աստուածածնի տաղաւարին ընդառաջ։ Ամրան շրջանին կը համընկնի այս կարեւոր տաղաւարը, որու իմաստը եւ առթած հոգեւոր ուրախութիւնը կը բազմապատկուին աւանդական խաղողօրհնէքով։
Տ.Տ. Գարեգին Բ. Ամենայն Հայոց Կաթողիկոսը երէկ Մայր Աթոռ Սուրբ Էջմիածնի մէջ հիւրընկալեց Էսաեան սանուց միութեան «Մարալ» երգի-պարի համոյթի անդամները, որոնք այս շրջանին մեկնած են Հայաստան։ Մարալցիները, որոնք Համահայկական 8-րդ խաղերու բացման ելոյթ ունենալու համար Հայաստանի մէջ կը գտնուին, ուխտի այցելութիւն մը տուին համայն հայութեան հոգեւոր կեդրոնին, որու խորախորհուրդ մթնոլորտի իսկական ներշնչման առիթ մը դարձաւ իրենց համար։
Գնալը Կղզիի Ս. Գրիգոր Լուսաւորիչ եկեղեցւոյ մէջ Ս. Աստուածածնայ ուխտի շաբթուան ծիրէն ներս, երէկ տեղի ունեցաւ Հայ երաժշտութեան երեկոյ, Մարալ Այվազ Չաղլըչուպուքճուի եւ Գերմանիայէն հիւրաբար քաղաքս եկած Առէն Էմիրզէի մասնակցութեամբ։
Գնալը կղզիի Ս. Գրիգոր Լուսաւորիչ եկեղեցիէն խումբ մը հաւատացեալներ շաբաթավերջին այցելեցին Հէյպէլի կղզիի յունաց պատմական վանքը։ Հաւատացեալները գլխաւորեց հոգեւոր հովիւ Տ. Յարութիւն Վրդ. Տամատեան։
Համահայկական 8-րդ խաղերը այսօր արդէն կը սկսին Կիւմրիի մէջ։ Աշխարհի հայ երիտասարդութեան տեսակէտէ՝ այլեւս աւանդական դարձած մեծ ժամադրութիւն մըն է այս մրցաշարքը, որ կը կազմակերպուի ողիմպիականներու տրամաբանութեամբ։
