Թրքահայ կեանք

ՅԻՍՆԱՄԵԱՅ ՎԱՍՏԱԿ…

Պոլսահայ գեղարուեստասէր շրջանակները երէկ երեկոյեան Շիշլիի «Ճեմիլ Ճանտաշ» գեղարուեստասրահի երդիքին տակ համախմբուեցան եզակի ձեռնարկի մը առթիւ։ Այսպէս, ժողովրդական պարերու եւ ժողովրդական արուեստի երախտաշատ վարպետ Ժուլիա Մութլու նշեց իր գեղարուեստական գործունէութեան 50-ամեակը։

ՊԱՏԱՆԻՆԵՐՈՒՆ ՅԱՂԹԱՆԱԿԸ

Շիշլի մարզակումբը հետեւողական ջանքեր կը գործադրէ նոր սերունդէ մարզիկներ հասցնելու ուղղութեամբ եւ այդ ջանքերուն պտուղներն ալ աստիճանաբար կը քաղէ։ Շիշլիցիները վերջին օրերուն այս առումով մեծ ուրախութիւն ապրեցան՝ ականատես ըլլալով այդ հետեւողական ջանքերու արդարացման հերթական դրսեւորման։

ՔԱՂԱՔԱՎԱՐԱԿԱՆ ԱՅՑԵՐ

Գաւառի հոգեւոր տեսուչ եւ Վաքըֆլըգիւղի Ս. Աստուածածին եկեղեցւոյ հոգեւոր հովիւ Տ. Աւետիս Քհնյ. Թապաշեան վերջերս տարեմուտի առթիւ շարք մը այցելութիւններ տուաւ՝ իրեն վստահուած շրջանի քրիստոնեայ հոգեւոր առաջնորդներուն։

ՇԱԲԱԹԱՎԵՐՋԻՆ՝ ՆՈՒԻՐԱՀԱՒԱՔ

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան շաբաթավերջին հիւրընկալեց Արթօ եւ Դալար Հորոզօղլու ամոլը, որ Կէտիկփաշայի «Հրանդ Տինք» վարժարանի կամաւոր հոգաբարձութիւնը կը գլխաւորէ։

ՈՒՇԱԳՐԱՒ ԱՌՑԱՆՑ ԾՐԱԳԻՐ

Գոհունակութեամբ վերահասու կ՚ըլլանք, թէ մեր համայնքէն Արի Նուպար Պոյաճըօղլուի ջանքերով ստեղծուած է արեւմտահայերէն-անգլերէն թուային թարգմանիչը, որ կառուցուած է Մեթայի (Դիմատետրի) «No Language Left Behind» տիպարի հիման վրայ։

ԱՐՈՒԵՍՏ, ՎԱՍՏԱԿ, ՅՈԲԵԼԵԱՆ

Պոլսահայ գեղարուեստասէր շրջանակները այս շաբաթավերջին ժամադրուած են եզակի ձեռնարկի մը։ Այսպէս, ժողովրդական պարերու եւ ժողովրդական արուեստի երախտաշատ ու տիրական դէմքերէն Ճուլիա Մութլու կը նշէ իր գործունէութեան 50-ամեակը եւ այս յոբելեանը բոլորին կողմէ կը համարուի բացառիկ իրադարձութիւն մը։