Պոլսահայ վարժարաններու տնօրէնները երէկ կարեւոր ժողովի մը մասնակցեցան՝ Իսթանպուլի Կրթական տնօրէնութենէն ներս։ Այս ժողովը նախատեսուած էր քաղաքիս բոլոր փոքրամասնական վարժարաններու ղեկավարներուն համար եւ, հասկնալիօրէն, մասնակիցներու շարքին գերակշիռ էին հայկական վարժարաններու տնօրէնները։
Պատրիարքական Աթոռի տնօրինութեամբ, Ամանորի եւ Սուրբ Ծնունդի շրջանի տօնական հոգեւոր ուրախութենէն բաժին կը վիճակի նաեւ գաւառի հայութեան։
Գարակէօզեան տան ընտանիքը կը շարունակէ հետեւողականօրէն յարգանք դրսեւորել հաստատութեան լուսահոգի հիմնադիր Տիգրան էֆէնտի Գարակէօզեանի յիշատակին նկատմամբ։ Գարակէօզեանցիները երախտագիտութեան մէջ չեն թերանար եւ ամէն տարի կ՚ոգեկոչեն մեծանուն բարերարը, որ դրած է որբանոցին հիմքերը։
Պէշիկթաշի Ս. Աստուածածին եկեղեցւոյ երդիքին տակ երէկ երեկոյեան տեղի ունեցաւ տարեմուտի աւանդական հոգեւոր համերգը, որ անցաւ շատ խանդավառ մթնոլորտի մը մէջ։ Պատրիարքական Աթոռի հովանաւորած այս ծրագրի գեղարուեստական ղեկավարն էր Էտվին Կալիպօղլու։
Շաբաթավերջին նորոգ հանգուցեալ տքթ. Մարտիրոս Ենիեորկան ոգեկոչուեցաւ իր մահուան քառասնից լրման առթիւ։ Պալըքլըի գերեզմանատան մէջ, հանգուցեալի ընտանեկան դամբարանին մօտ տեղի ունեցաւ մասնաւոր հոգեհանգստեան պաշտօն՝ գլխաւորութեամբ Տ. Գէորգ Աւ. Քհնյ. Չընարեանի եւ Տ. Պետրոս Քհնյ. Պուլտուքեանի։
Գարթալի խնդրակատար Ս. Նշան եկեղեցւոյ մէջ շաբաթավերջին մատուցուեցաւ Ս. Պատարագ, որ զուգադիպեցաւ Ս. Ծնունդի եւ Աստուածայայտնութեան տաղաւարի վեցերորդ օրուան։ Ս. Պատարագը մատոյց Պատրիարքական փոխանորդ Տ. Գրիգոր Աւ. Քհնյ. Տամատեան։
Կը տեղեկանանք, որ «Արաս» հրատարակչութիւնը ընթերցասէրներու տրամադրութեան տակ դրած է հետաքրքրական գիրք մը. «Օսմանեան կայսրութեան ուշ շրջանին հայերն ու քիւրտերը»։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան Ամանորի եւ Ս. Ծնունդի տօներուն առթիւ կը շարունակէ Գումգաբուի մէջ ընդունիլ շնորհաւորութեան այցելութիւններ։ Այս ծիրէն ներս երէկ Պատրիարքարան այցելեցին տեղական ինքնակառավարման մարմիններու ներկայացուցիչներ, զանազան հասարակական կազմակերպութիւններէ դէմքեր եւ այլ հիւրեր։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ Գումգաբուի մէջ հիւրընկալեց Պոլսոյ քրիստոնեայ յարանուանութիւններու հոգեւոր առաջնորդները՝ որոնք Ամանորի եւ Սուրբ Ծնունդի տօներուն առթիւ շնորհաւորութեան փութացած էին։
Տանն Կիլիկիոյ Կաթողիկէ Հայոց Ռաֆայէլ-Պետրոս ԻԱ. Կաթողիկոս-պատրիարքը աւարտեց իր շփումները Պոլսոյ մէջ։ Ան վերջին օրերուն հովուական այցելութիւն մը տուաւ Թուրքիոյ Հայ կաթողիկէ հասարակութեան՝ Արքեպիսկոպոսարանի Պատրիարքական կառավարիչ Տ. Վարդան Ծայրագոյն Վարդապետ Գազանճեան Գերապայծառի իշխանական նշաններու տուչութեան եւ այդ պաշտօնին մէջ վերահաստատման արարողութեան առթիւ։
