Ֆէրիգիւղի ընտանիքը երէկ մեծ խանդավառութիւն ապրեցաւ թաղի Ս. Վարդանանց դպրաց դաս-երգչախումբի հիմնադրութեան տարեդարձին առթիւ։ Բուն Բարեկենդանի տօնակատարութիւններուն նախագահեց Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան։
Համայնքային շրջանակներէն ներս շաբաթավերջին խոր ցաւ յառաջացուց Ֆէրիգիւղի Ս. Վարդանանց եկեղեցւոյ թաղային խորհուրդի նախկին փոխ-ատենապետ Որդիք Մկրտիչ Փափազեանի մահը։
ԱՔ կուսակցութեան կողմէ Իսթանպուլի գլխաւոր քաղաքապետի թեկնածու առաջադրուած Մուրատ Քուրումի երէկուան Գումգաբու այցելութեան արձագանգները կը շարունակուին։ Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեանի կողմէ հիւրընկալուած քաղաքապետի թեկնածուն լուրջ յաւակնութիւնով կը պատրաստուի յառաջիկայ մարտի 31-ին նախատեսուած տեղական ինքնակառավարման մարմիններու ընտրութիւններուն։
ԱՔ կուսակցութեան կողմէ Իսթանպուլի գլխաւոր քաղաքապետի թեկնածու առաջադրուած Մուրատ Քուրում այս առաւօտ այցելեց Գումգաբու։ Մինչ յառաջիկայ մարտի 31-ին նախատեսուած տեղական ինքնակառավարման մարմիններու ընտրութեան ընդառաջ ընտրապայքարը կը խստանայ, Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան այս առաւօտ ընդունեց Մուրատ Քուրումը, որուն ընկերացան ԱՔ կուսակցութեան զանազան քաղաքապետներ եւ կուսակցական ներկայացուցիչներ։
Մխիթարեան վարժարանին մէջ Բարեկենդանի առթիւ տեղի ունեցան իրերայաջորդ երկու խրախճանքներ, որոնք բացառիկ ոգեւորութեան առիթ դարձան։ Այս խրախճանքները թէ՛ աշակերտներուն մօտ բարձր տրամադրութիւն ստեղծեցին եւ թէ Մեծ պահոց ընդառաջ առիթ դարձան, որպէսզի անոնք թարմացնեն իրենց գիտելիքները։
Պաքըրգիւղի Տատեան վարժարանին մէջ նախընթաց օր տեղի ունեցաւ Բարեկենդանի խրախճանք մը, որ մեծ խանդավառութեան առիթ դարձաւ։
Կեդրոնական վարժարանին մէջ երէկ հիւրընկալուեցաւ յայտնի դերասան Գէորգ Մալիքեան, որ ասուլիսի ձեւաչափով հաճելի զրոյց մը ունեցաւ ուսուցչական կազմի անդամներուն եւ աշակերտութեան հետ։
Մխիթարեան վարժարանի մէջ երէկ երեկոյեան տեղի ունեցաւ «Türkiye Florasına Katkıda Bulunan Ermeni Botanikçiler» գիրքին շնորհանդէսը, որուն պատուոյ հիւրն էր Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան։ Հարկ է նշել, որ այս գիրքը լոյս տեսած է «Փարոս» հրատարակչութենէն։
Գատըգիւղի Արամեան-Ունճեան վարժարանին մէջ կազմակերպուած Բարեկենդանի խրախճանքը առիթ հանդիսացաւ մեծ ոգեւորութեան։ Թէ՛ դպրոցի դասարաններուն եւ թէ յարակից սանուց միութեան սրահին մէջ կեանքի կոչուեցաւ յայտագիրը, որու ընթացքին տղաքը թէ՛ հաղորդ դարձան աւանդութիւններուն եւ թէ ապրեցան ուրախ պահեր։
Պաքըրգիւղի Տատեան վարժարանին մէջ հիւրընկալուեցաւ «Հապա եթէ»ի աշխատակազմէն Գայիանէ Կաւրիլօֆ, որ շուրջ տարիէ մը ի վեր աշխատանք կը տանի դպրոցի սաներուն հետ։ «Հապա եթէ»ն առցանց հարթակ մըն է, ուր հայերէնի ուղղեալ գործունէութիւն կը ծաւալուի։
