Գալֆաեան տան երդիքին տակ տեղի ունեցաւ Ամանորի հանդէս մը, որու բոլոր մասնակիցները բարձր տրամադրութեամբ բարեմաղթանքներ փոխանակեցին։ Սկիւտարի սանուց միութեան հաւաքատեղիին մէջ տեղի ունեցաւ ձեռնարկը, որուն ներկայ գտնուեցաւ Տ. Պետրոս Քհնյ. Պուլտուքեան։
Պոլսոյ Պատրիարքական Աթոռը արդէն հրատարակած է 2024 թուականի Եկեղեցական օրացոյցը։ Այսպէսով տարեմուտի այս աւանդութիւնը հերթական անգամ գտած է իր շարունակութիւնը։
Խոր ցաւով վերահասու եղանք, թէ երէկ օրուան երկրորդ կէսին իր մահկանացուն կնքած է համայնքային շրջանակներու այնքան սիրելի դէմքերէն Արման Փոլատ։
Շիշլի մարզակումբի ընտանիքը Ամանորը կը դիմաւորէ բարձր տրամադրութեամբ։ Ակումբին կողմէ՝ քաղաքիս զանազան հայահոծ շրջաններուն մէջ կազմակերպուած դասընթացքներուն մասնակից զանազան սերունդներէ մարզիկները տարեմուտի խանդավառութիւնը լիուլի ըմբոշխնեցին՝ վարչութեան նախաձեռնութեամբ կազմակերպուած խրախճանքներով։
Մխիթարեան միաբանութեան Իսթանպուլի վանատան համալիրի Անարատ Յղութիւն եկեղեցւոյ մէջ, կաթողիկէ աշխարհի Ս. Ծնունդի Ճրագալոյցին առթիւ մատուցուեցաւ հանդիսաւոր Ս. Պատարագ։
Նախընթաց օր հաճոյքն ունեցանք խմբագրատանս մէջ հիւրընկալելու Տ. Յարութիւն Վրդ. Տամատեանը։ Այս վերջինը Պատրիարքական Աթոռի երիտասարդ միաբաններէն է, իր կենսունակութիւնը երիտասարդութեան հետ ուղիղ համեմատութեան մէջ է, սակայն ապահոված աշխուժութիւնն ու ձգողականութիւնը ընդհակառակն, որովհետեւ այս երիտասարդ տարիքին իսկապէս փորձառու հովիւի մը ձեռքբերումներուն կը հասնի։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ նախագահեց Կէտիկփաշայի Ս. Յովհաննէս եկեղեցւոյ տարեկան անուան տօնախմբութեան, որու ընթացքին տուաւ նաեւ օրուան պատգամը։
Պէյօղլուի «Նարեկեան» սրահին մէջ շաբաթավերջին տեղի ունեցաւ Ամանորի շարժառիթով յատկանշական հաւաքոյթ մը։ Այսպէս, թաղային խորհուրդը Տարեմուտի առթիւ սեղան մը սարքեց՝ թաղի աղքատախնամին կողմէ ցանկագրուած նպաստընկալ ընտանիքներուն համար։
Պոլսահայ վարժարաններու շէնքերու երկրաշարժի դէմ դիմադրունակութեան հրատապ խնդիրը:
Պէյօղլուի երէկուան խորհրդակցութեան ընթացքին մասնագէտներ դարձեալ արժեւորեցին առկայ վիճակի կացութիւնը:
Մխիթարեան վարժարանի երգչախումբը նախընթաց օր երեկոյեան մասնակցեցաւ՝ Աւստրիոյ մշակոյթի կեդրոնին կողմէ Սուրբ Ծնունդի առթիւ կազմակերպուած համերգին։ Սա աւանդական ձեռնարկ մըն է եւ Մխիթարեան վարժարանի երգչախումբին մասնակցութիւնը նոյնպէս։
