Շաբաթավերջի Ս. Աստուածածնի տաղաւարին ընդառաջ, Գնալը կղզիի Ս. Գրիգոր Լուսաւորիչ եկեղեցւոյ մէջ կը շարունակուի ուխտի շաբաթը։ Երէկ, Տ. Յարութիւն Վրդ. Տամատեանի գլխաւորութեամբ, արդէն պատրաստուեցան այն ամանները, որոնց մէջ օրհնեալ խաղողի ողկոյզները պիտի բաժնուին հաւատացեալներուն։
Թուրքիոյ հայ կաթողիկէ արքեպիսկոպոսարանի նախաձեռնութեամբ, այս տարի առաջին անգամ մանկանց ամառնային ձեռնարկ մը տեղի ունեցաւ, ինչ որ մեծ ոգեւորութեան առիթ դարձաւ։
ԱՔ կուսակցութեան Իսթանպուլի երեսփոխան տքթ. Սեւան Սվաճըօղլուի մասնակցութեամբ, Վաքըֆներու Իսթանպուլի Ա. շրջանի տնօրէն Եավուզ Կիւնէր երէկ ընդունեց խումբ մը թրքահայ համայնքային վարիչներ։ Այսպէս, Ղալաթիոյ խնամակալութեան ատենապետ Մկրտիչ Արծիւեան, Ֆէրիգիւղի Ս. Վարդանանց եկեղեցւոյ թաղային խորհուրդի ատենապետ Մանուկ Էօղէր, Սամաթիոյ Ս. Գէորգ եկեղեցւոյ թաղային խորհուրդի ատենապետ Նուրհան Տավուլճեան եւ իրենց խորհուրդներէն Քորայ Աշճը, Տայք Տանձիկեան, Խաչիկ Էօզտեմիր եւ Արման Թոկաչ ներկայացան Վաքըֆներու Ա. շրջանի տնօրէնութիւն։
Գնալը կղզիի Ս. Գրիգոր Լուսաւորիչ եկեղեցւոյ թաղային խորհուրդը երէկ հոգեճաշ մը սարքեց՝ Մեթամորֆոսիս յունաց վանքի ամրան ճամբարին մէջ տեղակայուած հայ մանուկներուն եւ պատանիներուն համար։
Շաբաթավերջին Ս. Աստուածածնի տաղաւարին ընդառաջ, Գնալը կղզիի Ս. Գրիգոր Լուսաւորիչ եկեղեցիէն ներս սկիզբ առած է ուխտի շաբաթ մը։ Սա վերջին տարիներուն ձեւաւորուած նախընթաց մըն է, որ կ՚ունենայ դրական արդիւնք։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ մէկտեղուեցաւ մեր համայնքի այն մանուկներուն եւ պատանիներուն հետ, որոնք ամրան արձակուրդի առթիւ կը հիւրնկալուին Գնալը կղզիի Մեթամորֆոսիս յունաց վանքի համալիրի ճամբարէն ներս։
Գարակէօզեան տան Գնալը կղզիի Կազդուրման կայանը աւանդաբար այն հիմնական կէտն է, ուր կը տրոփէ համայնքին սիրտը։ Թրքահայ ազգային-եկեղեցական կեանքի այս եզակի կառոյցը թէեւ վերջին տարիներուն ստիպողաբար փակ կը մնայ, սակայն, անոր դերակատարութիւնն ու առաքելութիւնը երբեք ստուերի տակ չի մնար։
Շիշլի մարզակումբի նախաձեռնութեամբ, երէկ, Գնալը կղզիի մէջ տեղի ունեցաւ մինի ֆութպոլի մրցաշարք մը, որ առիթ դարձաւ մեծ ոգեւորութեան։ Այս նախաձեռնութիւնը ձօնուած էր Շիշլիի անմոռանալի երախտաւորներէն ողբացեալ Տիգրան Սարկաւագեան-Արզուեանի յիշատակին։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեանի մասնակցութեամբ, շաբաթավերջին Գնալը կղզիի մէջ տեղի ունեցաւ՝ վերջին տարիներուն աւանդական դարձած համայնքային վարիչներու քայլարշաւը, որ կազմակերպուած էր Շիշլի մարզակումբի նախաձեռնութեամբ։
Շիշլի մարզակումբի նախաձեռնութեամբ, շաբաթավերջին, Կեդրոնական սանուց միութեան մէջ տեղի ունեցաւ ճատրակի մրցաշարք մը, որ կազմակերպուած էր ի զօրակցութիւն Թոփգաբուի Լեւոն-Վարդուհեան վարժարանին։
