Թրքահայ կեանք

ԱԶԳԱՅԻՆ ՅՈՒՂԱՐԿԱՒՈՐՈՒԹԻՒՆ

​Այսու խոր յուզումով կը յայտնուի մերազն ժողովուրդին, թէ հայ մամլոյ վաստակաշատ խմբագիրներէն, «Նոր Մարմարա» օրաթերթի խմբագրապետ, Հայաստանեայց Եկեղեցւոյ «Ս. Սահակ-Ս. Մեսրոպ» շքանշանակիր, Հայաստանի Հանրապետութեան «Մեսրոպ Մաշտոց» եւ «Մովսէս Խորենացի» շքանշաններով մեծարեալ, Հայաստանի Մշակոյթի նախարարութեան Ոսկեայ շքանշանակիր, Պոլսոյ Պատրիարքական Աթոռոյ Ա. կարգի շքանշանակիր, Հայաստանի Գրողներու միութեան Ոսկեայ շքանշանակիր՝ 
ՏԻԱՐ
ՌՈՊԷՐ ՀԱՏՏԷՃԵԱՆ
6 սեպտեմբեր 2025, շաբաթ, ժամը 08.30-ին իր հոգին աւանդած է Երկնաւոր Հօր ձեռքերուն մէջ։

ՄԱՀ՝ ՌՈՊԷՐ ՀԱՏՏԷՃԵԱՆԻ

Ցաւով վերահասու եղանք, թէ շաբաթավերջին իր մահկանացուն կնքած է մեր պաշտօնակից «Մարմարա» օրաթերթի խմբագրապետ Ռոպէր Հատտէճեան։ Այս կորուստը լայն արձագանգ ստեղծած է թրքահայ ազգային-եկեղեցական կեանքէն ներս՝ հաշուի առնելով, որ աւելի քան յիսուն տարիէ ի վեր ան կը գտնուէր «Մարմարա» օրաթերթի գլուխը։

ԿԱՐԵՒՈՐ ՆԱԽԱՁԵՌՆՈՒԹԻՒՆ

Ազգային կրթութեան նախարարութեան կողմէ քայլ՝ «Թուրքիոյ դարու ուսուցման մոտել»ի ծիրէն ներս:
Համայնքային վարժարաններու մէջ հայոց լեզուի եւ գրականութեան առարկաներու դասաւանդման համար նոր ծրագիր մը պիտի մշակուի: Շուրջ տարուան մը աշխատանքը կը ղեկավարէ փրոֆ. Մուսթաֆա Էօզթիւրք, համակարգող նշանակուած է Սարին Թաշհան:

ՍԻՐՈՅ ՍԵՂԱՆՆԵՐՈՒ ԵՂԱՆԱԿԸ ԿԸ ՍԿՍԻ

Համայնքային շրջանակները արդէն լծուած են 2025-2026 շրջանի՝ վարժարաններու պիւտճէի հաւասարակշռման աշխատանքներուն։ Ըստ ընկալեալ սովորութեան, այս եղանակին եւս առաջին մատաղօրհնութիւնը տեղի պիտի ունենայ Սամաթիոյ մէջ։

ԳԵՐՄԱՆԻԱՅԷՆ ՀԱՄԱԼՍԱՐԱՆԱԿԱՆ ՀԻՒՐԵՐ

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ հիւրընկալեց Գերմանիայէն խումբ մը համալսարանականներ։ Պոննի համալսարանի ուսանողներէն բաղկացած էր խումբը, որու գլուխը կը գտնուէին երեք դասախօսներ՝ փրոֆ. Պերթ Ռէօպըն, փրոֆ. Քրիստիան Հորնունկ եւ տքթ. Մարինա Քիրուտի։

ՊԷՅՔՈԶԻ ԵԿԵՂԵՑԻՆ ՆՈՐՈԳՈՒԹԵԱՆ ՈՒ ԲԱՐԵԶԱՐԴՄԱՆ ՊԻՏԻ ԵՆԹԱՐԿՈՒԻ

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ ընդունեց Պէյքոզի Ս. Նիկողայոս եկեղեցւոյ թաղային խորհուրդի ատենապետ Վարուժան Մաղաքեանն ու գործակից ընկերները։ Ներկայ էր նաեւ հոգեւոր հովիւ Տ. Մելքոն Քհնյ. Փնարճեան։

ԱՄԵՆ. Ս. ՊԱՏՐԻԱՐՔ ՀԱՅՐԸ ԸՆԴՈՒՆԵՑ ՍԿԻՒՏԱՐԻ ԹԱՂԱԿԱՆՆԵՐԸ

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ ընդունեց Սկիւտարի Ս. Խաչ եկեղեցւոյ թաղային խորհուրդի ատենապետ Պերճ Զնկըքն ու գործակից ընկերները։ Ներկայ էր նաեւ հոգեւոր հովիւ Տ. Մելքոն Քհնյ. Փնարճեան։

Էջեր