Երէկ, Թուրքիոյ Հայոց Պատրիարք Ամեն. Տ. Սահակ Ս. արք. Մաշալեան մասնակցեցաւ Հարպիյէի Սեն թ՚Էսփրի լատին կաթոլիկ եկեղեցւոյ մէջ մատուցուած գոհաբանական Սուրբ Պատարագին։
Միջմիութենական 27-րդ գիտական մրցոյթի հինգերորդ փուլը երէկ երեկոյեան տեղի ունեցաւ Մխիթարեան վարժարանի սրահին մէջ։
Երէկ, Թուրքիոյ Հայոց Պատրիարք Ամեն. Տ. Սահակ Ս. արք. Մաշալեան ընդունեց Էսաեան սանուց միութեան վարչութեան ատենապետուհի Մարիամ Տրամէրեանն ու «Մարալ» երգի-պարի համոյթի պարուսոյց Կարպիս Չափքանը։
Թոփգաբուի Լեւոն-Վարդուհեան վարժարանին մէջ տեղի ունեցաւ՝ անգլիախօսութեան օր մը, որ առիթ դարձաւ, որպէսզի աշակերտները չափեն իրենց անգլերէնի իմացութիւնը։
Հայոց հաւատքի հօր՝ Ս. Գրիգոր Լուսաւորչի Խոր Վիրապ մուտքի յիշատակութիւնը շաբաթավերջին նշուեցաւ Ղալաթիոյ Ս. Գրիգոր Լուսաւորիչ եկեղեցւոյ մէջ, ուր հոծ թիւով հաւատացեալներ հետեւեցան արարողութեան, որուն հանդիսապետեց Տ. Գասպար աբեղայ Կարապետեան։
Կեդրոնական վարժարանի նախաձեռնութեամբ եւ հիւրընկալմամբ, վերջին օրերուն կազմակերպուեցաւ ձեռնարկ մը, որ ուղղուած էր անգլերէնի գործածութեան խրախուսման: Պոլսահայ հինգ լիսէներուն առընթեր, քաղաքիս յոյն համայնքի լիսէին աշակերտներն ալ մասնակցեցան երկօրեայ այս ձեռնարկին, որ տեղի ունեցաւ անցեալ շաբաթավերջին:
Իսլամական աշխարհի Ռամազանի տօնին առթիւ, ըստ ընկալեալ սովորութեան, թերթս կարճ դադար մը կ՚առնէ՝ ապահովելու համար մեր անձնակազմի մահմետական անդամներուն հանգիստը։ Թուրքիան արդէն մտած է արձակուրդի։
Երէկ, Թուրքիոյ Հայոց Պատրիարք Ամեն. Տ. Սահակ Ս. արք. Մաշալեան ընդունեց Գերմանիոյ մէջ ծառայող կաթոլիկ երիտասարդ հոգեւորականներու խումբը՝ առաջնորդութեամբ Իսթանպուլի գերման կաթոլիկ Սուրբ Պօղոս եկեղեցւոյ հոգեւոր հովիւ Հայր Ճոշուա վարդապետի։
Շիշլի մարզակումբի վարչութեան ատենապետ Ալէն Թեքպըչաք եւ գործակից ընկերները երէկ հանդիպում մը ունեցան Ֆէնէրպահչէ մարզակումբի վարչութեան նախագահ Սատեթթին Սարանի հետ։
Գատըգիւղի Արամեան-Ունճեան վարժարանէն խումբ մը աշակերտներ վերջերս իրականացուցին շրջայց մը, որու շնորհիւ հնարաւորութիւն ունեցան մօտէն ծանօթանալու արքունի ճարտարապետներ Պալեան գերդաստանի անդամներու գործերուն։
