Երէկ երեկոյեան, Գնալը կղզիի Ս. Գրիգոր Լուսաւորիչ եկեղեցւոյ մէջ տեղի ունեցաւ երաժշտական երեկոյթ մը, որ կազմակերպուած էր Վարդավառի տօնին առթիւ։ «Ցնծա՛ հայ երաժշտութիւն» խորագրեալ համերգը համախմբեց հոծ թիւով կղզեբնակ երաժշտասէրներ։
Գնալը կղզիի Ս. Գրիգոր Լուսաւորիչ եկեղեցւոյ շրջափակը երէկ հոծ թիւով հաւատացեալներու ժամադրավայրը հանդիսացաւ՝ Պայծառակերպութեան տօնին առթիւ։
Գնալըի բարձուքին երէկ երեկոյեան տեղի ունեցաւ համայնքային աւանդական ամրան մարզական փառատօնի փակման հանդիսաւոր արարողութիւնը, որու պատուոյ հիւրն էր Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան։
Թուրքիոյ Հայոց Պատրիարք Ամենապատիւ. Տ. Սահակ Ս. Արք. Մաշալեան երէկ Գնալը կղզիի մէջ ընդունեց Անգարայի մօտ Չախիոյ դեսպան Փեթըր Սթեփանեքը, որուն կ՚ընկերանար Իսթանպուլի աւագ հիւպատոս Օլկա Հայֆլերովա։
Թրքահայ վաքըֆներու միութեան (ԹՎՄ-ERVAB) կողմէ երէկ համայնքային մամուլին ներկայացուեցաւ՝ «İtimat Bürosu»ի տագնապով պայմանաւորուած մթնոլորտին մէջ կատարուած քննութեան արդիւնքը։
Երէկ երեկոյեան, Թրքահայ վաքըֆներու միութիւնը (ԹՎՄ-ERVAB) Սուրբ Փրկիչ Ազգային հիւանդանոցի մէջ գումարեց իր հերթական ժողովը։ «Կոմիտաս» սրահի երդիքին տակ տեղի ունեցաւ հաւաքը, որուն ներկայ գտնուեցաւ նաեւ Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան։
Երէկ երեկոյեան, Գնալը կղզիի մէջ սկսաւ մարզական փառատօն մը, որ կը համախմբէ նոր սերունդէ բազմաթիւ ներկայացուցիչներ։
Գնալը կղզիի Ս. Գրիգոր Լուսաւորիչ եկեղեցւոյ թաղային խորհուրդի ատենապետ Լեւոն Շատեան եւ իր գործակից ընկերները շաբաթավերջին այցելեցին նոյն կղզիի յունաց ամառնային ճամբարը։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ ընդունեց Ռումելիհիսարի Ս. Սանդուխտ եկեղեցւոյ թաղային խորհուրդի ատենապետ Օշին Փոլատն ու փոխ-ատենապետ Շահինար Պոշնաքը։
Ուրախութեամբ կը տեղեկանանք, որ մեր համայնքի արժէքաւոր երիտասարդուհիներէն Ժպիտ Ալլահվերտեան վկայուած է Իսթանպուլի թեքնիք համալսարանի Ուսողութեան ճարտարագիտութեան բաժնէն։
