Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ կիրակնօրեայ Ս. Պատարագին նախագահեց Գնալը կղզիի Ս. Գրիգոր Լուսաւորիչ եկեղեցւոյ մէջ, ուր տուաւ նաեւ օրուան պատգամը։
Գնալը կղզիի Ջրային մարզաձեւերու ակումբին մէջ երէկ երեկոյեան տեղի ունեցաւ ընթրիք մը, որուն մասնակցեցաւ նաեւ Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան։
Համակրելի երգիչ Պարթեւ Կարեան երէկ երեկոյեան համերգով մը հանդէս եկաւ Գնալըի բարձունքին։ Վերջին տարիներուն ձեւաւորուած է ողջունելի աւանդութիւն մը, որով իւրաքանչիւր ամրան Պարթեւ Կարեան համերգով մը կը ներկայանայ կղզեբնակ երաժշտասէրներուն:
Խոր ցաւով վերահասու եղանք, որ երէկ իր մահկանացուն կնքած է յայտնի լուսանկարիչ Կարպիս Էօզաթայ։ Նախախնամութեան տնօրինութեամբ՝ անոր մահը զուգադիպեցաւ օգոստոսի 19-ին, որ կը նշուի՝ իբրեւ Համաշխարհային լուսանկարչութեան օր։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ ընդունեց Ֆէրիգիւղի Ս. Վարդանանց եկեղեցւոյ թաղային խորհուրդի ատենապետ Մանուկ Էօղէրն ու գործակից ընկերները։
Գնալըի բարձունքին երէկ տեղի ունեցաւ 2025 թուականի ամրան եղանակի 3-5 տարեկան փոքրիկներու ուղղեալ վերջին հաւաքոյթը։
Գնալը կղզիի Մեթամորֆոսիս յունաց վանքի համալիրի ամառնային ճամբարէն ներս երէկ արդէն կը տիրէր լռութիւն։ Մեր համայնքի մանուկներն ու պատանիները, որոնք այնտեղ հիւրընկալուեցան, արդէն վերադարձած են իրենց ընտանիքներուն մօտ։
Գնալը կղզիի Մեթամորֆոսիս յունաց վանքի համալիրի ամրան ճամբարէն ներս արձակուրդի համար հիւրընկալւած մեր համայնքի մանուկներն ու պատանիները երէկ հիւրընկալուեցան Գատըգիւղի Արամեան սանուց միութեան կողմէ։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան շաբաթավերջին Ս. Աստուածածնի տօնակատարութիւններուն նախագահեց՝ Մուսա լերան Վաքըֆլըգիւղի համանուն եկեղեցւոյ մէջ։ Մօտաւոր անցեալի երկրաշարժով ցնցուած գիւղը թէեւ տակաւին աւերի հետքերը կը կրէ, սակայն, անոր գողտրիկ եկեղեցւոյ տարեկան անուան տօնախմբութիւնը եւ աւանդական ժողովրդական խրախճանքը անցան բարձր տրամադրութեան մթնոլորտի մէջ։
Ս. Աստուածածնի տօնը երէկ մեծ խանդավառութեամբ նշուեցաւ Գնալը կղզիի Ս. Գրիգոր Լուսաւորիչ եկեղեցւոյ մէջ, ուր պատարագեց եւ քարոզեց Տ. Յարութիւն Վրդ. Տամատեան։ Երգեցողութիւնները կատարուեցան Ներսէսեան դպրաց դասուն կողմէ՝ ղեկավարութեամբ Արթուն Սրկ. Թեքիրօղլուի։
