Արեւմտեան Եւրոպայի հայրապետական պատուիրակ Տ. Խաժակ Արք. Պարսամեան, որ վերջերս այցելեց Պրիւքսէլ, կեցութեան օրերուն հանդիպում մը ունեցաւ Յոյն Ուղղափառ եկեղեցւոյ Պելժիոյ, Հոլանտայի եւ Լիւքսեմպուրկի մետրապոլիտ Աթենակորասի հետ։
Երուսաղէմի Հայոց Պատրիարքութիւնը տեղեկացուց, որ իր դիմագրաւած կալուածական հարցերուն վերաբերեալ՝ փետրուարի 24-ին նախատեսուած դատական նիստը տեղի չէ ունեցած անբարենպաստ եղանակի հետեւանքով։
Հայաստանեայց Առաքելական Եկեղեցին երէկ տօնախմբեց Սրբոց Ղեւոնդեանց քահանաներու յիշատակը։ Մայր Աթոռ Սուրբ Էջմիածնի մէջ, Տ.Տ. Գարեգին Բ. Ամենայն Հայոց Կաթողիկոսի նախագահութեամբ տեղի ունեցան տօնակատարութիւնները։
Գումգաբուի Ս. Աստուածածին Աթոռանիստ Մայր եկեղեցւոյ մէջ երէկ աւանդական տօնակատարութիւններ տեղի ունեցան Ս. Ղեւոնդեանց քահանայից տօնին առթիւ։ Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան նախագահեց արարողութիւններուն, որոնց մասնակցեցան Տ. Արամ Արք. Աթէշեան եւ պոլսահայ հոգեւորականաց դասու գրեթէ բոլոր անդամները
Երուսաղէմի Հայոց Պատրիարք Ամեն. Տ. Նուրհան Ս. Արք. Մանուկեան երէկ հիւրընկալեց Սուրբ Երկրի պապական նուիրակ Ալֆոնսօ Տիտօ Ըլանա արքեպիսկոպոսը, որուն ընկերացաւ իր առաջին քարտուղարը՝ Հ. Նիքոլա տի Պոնզոյի։ Ամեն. Ս. Պատրիարք Հօր կողքին էին Սուրբ Աթոռի կալուածոց տեսուչ Տ. Կորիւն Եպսկ. Պաղտասարեան եւ դիւանապետ Տ. Աղան Վրդ. Գոգճեան:
Մեծի Տանն Կիլիկիոյ Կաթողիկոսութեան երեք միաբան երէկ եպիսկոպոսական օծում ստացան Անթիլիասի մէջ։ Այսպէս, Ս. Գրիգոր Լուսաւորիչ Մայր տաճարին մէջ, Տ.Տ. Արամ Ա. Կաթողիկոս յընթացս Ս. Պատարագի եպիսկոպոս ձեռնադրեց Տ. Սահակ Ծայրագոյն Վարդապետ Եմիշեանը, Տ. Պետրոս Ծայրագոյն Վարդապետ Մանուէլեանը, Տ. Տաճատ Ծայրագոյն Վարդապետ Աշըգեանը։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան կը պատրաստուի սարքել մամլոյ ասուլիս մը։
Երուսաղէմի Հայոց Պատրիարք Ամեն. Տ. Նուրհան Ս. Արք. Մանուկեան երէկ նամակ մը ուղարկեց Իսրայէլի վարչապետ Պենիամին Նեթանիյահուին։ Սուրբ Աթոռի դիմագրաւած ծանր անարդարութեան դիմաց Ամեն. Ս. Պատրիարք Հայրը ահազանգ հնչեցուց ամենաբարձր մակարդակի վրայ։
Երուսաղէմի Հայոց Պատրիարքութիւնը չի մարսեր իր ազգապատկան կալուածներու սեփականութեան իրաւունքին դէմ ձեռնարկուած անակնկալ յափշտակութեան քայլը:
Ս. Աթոռը իսկական զօրաշարժի մէջ:
Սրբոց Յակոբեանց զինուորեալ միաբանութիւնը առկայ ծանր մարտահրաւէրներուն բոլոր հարթութիւններու վրայ կը ջանայ հակազդել իր դէմ կատարուած անարդարանալի ոտնձգութեան:
Կալուածոց տեսուչ Տ. Կորիւն Եպիսկոպոս Պաղտասարեան եւ դիւանապետ Տ. Աղան Վարդապետ Գոգճեան հրատապ հանդիպում մը ունեցան պապական նուիրակ Ըլանա Գերապայծառին հետ:
Երուսաղէմի պատրիարքներն ու եկեղեցիներու հոգեւոր պետերը կը դատապարտեն Հայոց Պատրիարքութեան կալուածի բռնագրաւման անարդար որոշումը եւ անյապաղ միջամտութիւն կը պահանջեն։
