Տ.Տ. Գարեգին Բ. Ամենայն Հայոց Կաթողիկոսը երէկ Մայր Աթոռ Սուրբ Էջմիածնի մէջ ընդունեց Միջազգային քրէական ատեանի նախկին դատախազ Լուիս Մորենօ Օքամփոն, որ վերջին շրջանին ներգրաւուած է՝ Արցախի գերեվարուած ու Պաքուի մէջ ի պահ դրուած ղեկավարներու ազատ արձակման ուղղեալ պայքարին։
Հայաստանեայց Առաքելական Սուրբ Եկեղեցւոյ Շիրակի թեմէն ներս շաբաթավերջին տեղի ունեցաւ շատ յատկանշական իրադարձութիւն մը, որ հոգեւոր հրճուանքի առիթ հանդիսացաւ։ Տ.Տ. Գարեգին Բ. Ամենայն Հայոց Կաթողիկոսի հանդիսապետութեամբ վերաօծուեցաւ ու պաշտամունքի վերաբացուեցաւ Կիւմրիի Սուրբ Ամենափրկիչ եկեղեցին, որ քաղաքի ամենայատկանշական կառոյցներէն մին է։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ ընդունեց Ալթըմէրմէրի Գլխադիր Ս. Յակոբ եկեղեցւոյ տիկնանց խնամակալութեան ատենապետուհի Սիլվա Ալաչամն ու գործակիցները։ Ներկայ էր նաեւ Տ. Գասպար Աբեղայ Կարապետեան։
Տ.Տ. Գարեգին Բ. Ամենայն Հայոց Կաթողիկոսը երէկ Մայր Աթոռ Սուրբ Էջմիածնի մէջ ընդունեց Երեւանի մօտ Գերմանիոյ նորանշանակ դեսպան Քլաուտիա Պուշը։ Վեհափառ Հայրապետը դեսպանը շնորհաւորեց նշանակման կապակցութեամբ եւ բարեյաջող առաքելութիւն մաղթեց՝ ի նպաստ երկու ժողովուրդներու կապերու առաւել զօրացման։
Հայաստանեայց Առաքելական Եկեղեցւոյ Շիրակի մարզէն ներս այս շաբաթավերջին պիտի վերաօծուի Կիւմրիի Ս. Ամենափրկիչ եկեղեցին։ Տ.Տ. Գարեգին Բ. Ամենայն Հայոց Կաթողիկոսը պիտի նախագահէ արարողութեան, որուն առթիւ Շիրակի թեմը բազմաթիւ ուխտաւորներ պիտի հիւրընկալէ։
Տ.Տ. Գարեգին Բ. Ամենայն Հայոց Կաթողիկոսը երէկ Մայր Աթոռ Սուրբ Էջմիածնի մէջ ընդունեց Երեւանի մօտ Իտալիոյ դեսպան Ալֆոնսօ տի Ռիցոն, որ դիւանագիտական առաքելութիւնը կ՚աւարտէ Հայաստանէ ներս։
Սպանահայութիւնը վերջին օրերուն հիւրընկալեց Արեւմտեան Եւրոպայի հայրապետական պատուիրակ Տ. Խաժակ Արք. Պարսամեանը, որ այցելեց Մալակա։ Տեղւոյն Ս. Մարիամ Աստուածածին հայկական եկեղեցւոյ մէջ, կիրակնօրեայ Ս. Պատարագէն վերջ կատարուեցաւ ջրօրհնէք։
Երուսաղէմի Հայոց Պատրիարք Ամեն. Տ. Նուրհան Ս. Արք. Մանուկեան երէկ հիւրընկալեց Իսրայէլի մօտ Հայաստանի Հանրապետութեան դեսպան Արման Յակոբեանը։ Նորանշանակ դեսպանը հայոց վանքէն ներս զրուցեց Ամեն. Ս. Պատրիարք Հօր հետ։
Գուրուչէշմէի Երեւման Ս. Խաչ եկեղեցւոյ մէջ նախընթաց օր տեղի ունեցան Ս. Մինասի տօնակատարութիւններ, որոնց նախագահեց Տ. Յովակիմ Վրդ. Սերովբեան, որ տուաւ նաեւ քարոզ մը։ Ս. Մինասի, Երմոգինեսի, Գրաբոսի եւ կամաւոր աղքատներ Յովհաննէսի եւ Ալէքսիանոսի յիշատակութեան տօնին առթիւ պատարագեց Տ. Գասպար Աբեղայ Կարապետեան։
Տ.Տ. Գարեգին Բ. Ամենայն Հայոց Կաթողիկոսը երէկ Մայր Աթոռ Սուրբ Էջմիածնի մէջ ընդունեց Իտալիոյ Պոլզանօ քաղաքի քաղաքապետ Ռենցօ Քարամաչին եւ նոյն երկրի «Եւրակ» հետազօտական կեդրոնի գիտնականները՝ ուղեկցութեամբ Հայաստանի Եւրոպական համալսարանի վերատեսուչ Հեղինէ Պիշարեանի։
