Եկեղեցական

ՎԱՐԱՆԴ ՔՈՐԹՄՈՍԵԱՆ

Մեծ պահքի ութերորդ օրն է:
Համատեսական Աւետարաններուն մէջ կը կարդանք, թէ Տէր Յիսուս Քրիստոս քառասուն օր եւ քառասուն գիշեր ծոմապահութեան շրջան մը անցուց, որու աւարտին փորձութեան ենթարկուեցաւ (Մտ 4.1-11: Մր 1.12-13: Ղկ 4.1-13):

Տ.Տ. Գարեգին Բ. Ամենայն Հայոց Կաթողիկոսը շաբաթավերջին Մայր Աթոռ Սուրբ Էջմիածնի մէջ ընդունեց Հայկական գրադարանային ընկերակցութեան անդամները։ Ներկայ էր նաեւ Մայր Աթոռ Սուրբ Էջմիածնի Հրատարակչութեան բաժնի եւ «Վաչէ եւ Թամար Մանուկեան» մատենադարանի տնօրէն Տ. Արարատ Քհնյ. Պօղոսեան։

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ Կէտիկփաշայի Ս. Յովհաննէս եկեղեցւոյ մէջ նախագահեց Մեծ պահոց Արտաքսման կիրակիի արարողութիւններուն։ Օրուան Ս. Պատարագը մատոյց Տ. Տրդատ Աւ. Քհնյ. Ուզունեան։

Գումգաբուի Ս. Աստուածածին Աթոռանիստ Մայր եկեղեցւոյ մէջ շաբաթավերջին նշուեցաւ Ս. Թէոդորոս զօրավարի յիշատակութեան տօնը։ Արարողութիւններուն հանդիսապետեց Տ. Յարութիւն Վրդ. Տամատեան, որ խօսեցաւ նաեւ օրուան քարոզը։

ՎԱՐԱՆԴ ՔՈՐԹՄՈՍԵԱՆ

Մեծ պահքի վեցերորդ օրն է:
Եկեղեցւոյ հայրերը յաճախակի կերպով կրկնելով կը յիշեցնեն, թէ պահեցողութիւնը ո՛չ միայն ֆիզիքական հասկացողութիւն պէտք է ունենայ, այլ՝ առաւել եւս հոգեւոր հասկացողութիւն, եւ ամենէն կարեւորը հոգեւոր նպատակ:

ՎԱՐԱՆԴ ՔՈՐԹՄՈՍԵԱՆ

Մեծ պահքի հինգերորդ օրն է:
Պահեցողութեան առաջին հրամանը կը գտնենք Ծննդոց գիրքին առաջին գլուխներուն մէջ, ուր կը ներկայացուի աշխարհի եւ մարդուն ստեղծագործութիւնը:

Տ.Տ. Գարեգին Բ. Ամենայն Հայոց Կաթողիկոսը երէկ Մայր Աթոռ Սուրբ Էջմիածնի մէջ ընդունեց Անգլիոյ խորհրդարանէն Սըր Ճոն Ուիթինկտէյլի կողմէ գլխաւորուած պատուիրակութիւնը, որ վերջին օրերուն շփումներ ունեցաւ Երեւանի մէջ՝ հիւրընկալուելով Հայաստանի ղեկավարութեան կողմէ։

ՎԱՐԱՆԴ ՔՈՐԹՄՈՍԵԱՆ

Մեծ պահքի չորրորդ օրն է:
Եսայիի մարգարէութեան մէջ հետեւեալ հետաքրքրական հատուածը կը կարդանք.
• Բարձրաձայն կանչէ եւ մի՛ խնայեր, ձայնդ փողի պէս բարձրացուր եւ Իմ ժողովուրդիս՝ իրենց յանցանքը ու Յակոբին տանը՝ իրենց մեղքերը յայտնէ:

Տ.Տ. Գարեգին Բ. Ամենայն Հայոց Կաթողիկոսը երէկ Մայր Աթոռ Սուրբ Էջմիածնի մէջ հիւրընկալեց Երեւանի մօտ Լիթվայի նորանշանակ դեսպան Էտիթ Մետնէն։ Զրոյցի ընթացքին Ամենայն Հայոց Վեհափառ Հայրապետը նորանշանակ դեսպանին յաջողութիւն մաղթեց իր առաքելութեան մէջ։

Մայր Աթոռ Սուրբ Էջմիածնի մէջ երէկ տեղի ունեցան Տեառնընդառաջի աւանդական տօնակատարութիւններ։ Ս. Գայիանէ վանքին մէջ պատարագեց Տ. Գրիգորիս Քհնյ. Պօղոսեան, որ խօսեցաւ նաեւ խրատական մը։