Լրահոս

Արժանթինահայ յայտնի գործարար ու ազգային բարերար Էտուարտօ Էօրնէքեան վերջին օրերուն մեծ պատիւի մը արժանացաւ Իտալիոյ մէջ։ Այսպէս, ան հռչակուեցաւ Ֆլորանսա քաղաքի պատուոյ քաղաքացի։

Հայաստանի փրկարարներու խումբը Ատըեամանի մէջ աշխատանքի ձեռնարկեց փլատակներու տակ:
Թուրքիոյ տասն քաղաքները ցնցած երկրաշարժի զոհերուն թիւը արդէն կը հասնի տասներեք հազարի սահմանին:

ԳԷՈՐԳ ՊԵՏԻԿԵԱՆ

2023-ի փետրուար 6-ն ալ պատմութեան անցաւ եւ համայն աշխարհի համար դարձաւ աւերակներով, արցունքներով, ցաւով եւ վիշտով խառնուած նոր թուական մը: Եթէ կ՚ուզէք, կրկին Սպիտակի երկրաշարժը յիշեցնող սակայն այս անգամ 21-րդ դարու սարսափազդու թուական մը:

Անգարա բարձր կը գնահատէ Երեւանի աջակցութիւնը՝ այս քայլը կարեւորելով նաեւ կողմերու միջեւ երկխօսութեան ապագայ խորացման տեսակէտէ:
Աղէտի ծանր հետեւանքով պայմանաւորուած մթնոլորտին մէջ Հայաստանէն փրկարարներու ջոկատ մը հասաւ Թուրքիա. Էրտողան եւ Փաշինեան երէկ ունեցան հեռախօսազրոյց մը:

Թուրքիոյ արեւելքի, հարաւի եւ հարաւ-արեւելքի քաղաքները ցնցած երկրաշարժին հետեւանքով յառաջացած ընդհանուր պատկերը հետզհետէ կը դառնայ աւելի ծանր եւ ցնցիչ։ Ըստ պաշտօնական աղբիւրներու կողմէ հրապարակուած վերջին տուեալներուն, երկրաշարժի զոհերուն թիւը հասած է 6957-ի։

Քահրամանմարաշի մէջ երէկ կէսօրուան ժամերուն պատահած 7.6 սաստկութեամբ նոր ցնցումին ալ ազդեցութեամբ զոհերու եւ վիրաւորներու թիւը բազմապատկուեցաւ: Երկիրը բազմաթիւ քաղաքներու պարագային կը դիմագրաւէ աննկարագրելի փլուզումի մը մարտահրաւէրը՝ մինչ պետութիւնը կը ջանայ բոլոր ուղղութիւններով հոգալ կարիքները:

Երեւանի ղեկավարութիւնը ամենաբարձր մակարդակի վրայ արձագանգեց սաստիկ երկրաշարժին, որու ծանր հետեւանքներու լոյսին տակ զօրակցութեան եւ վշտակցութեան պատգամներ հնչեցուց Անգարայի եւ Դամասկոսի ղեկավարութիւններուն։

Հուլուսի Աքար տեսակցեցաւ Սերտար Քըլըչի հետ, Մեհմէտ Մուշ խօսեցաւ սահմանադուռերու բացման մասին:
Անգարա ուշադրութեան կիզակէտին կը պահէ Երեւանի հետ յարաբերութիւններու բնականոնացման գործընթացը:

Լեռնային Ղարաբաղը արդէն ուր որ է երկու ամիսէ ի վեր պաշարուած վիճակի մէջ է։ Ատրպէյճանի կողմէ Լաչինի միջանցքի փակման հետեւանքով Արցախը կտրուած է թէ՛ Հայաստանէն եւ թէ՛ աշխարհէն։

Արտաքին գործոց նախարար Մեւլիւտ Չավուշօղլու յայտարարեց, որ Կովկասի մէջ Հայաստան-Ատրպէյճան պատերազմէն յետոյ խաղաղութեան ու կայունութեան համար կարեւոր հնարաւորութիւն մը ի յայտ եկած է։ Նախարարի խօսքով՝ Թուրքիոյ նպատակն է, որ Հարաւային Կովկասը եւս ըլլայ խաղաղութեան ու կայունութեան տարածաշրջան մը։