Լրահոս

Հայաստանի Ընդհանուր սպայակոյտի նախագահ եւ Պաշտպանութեան առաջին փոխ-նախարար զօրավար Էտուարտ Ասըրեանի կողմէ գլխաւորուած պատուիրակութիւնը վերջին օրերուն աշխատանքային այցելութիւն մը տուաւ Ուաշինկթըն, ուր մասնակցեցաւ Ամերիկայի Միացեալ Նահանգներու ազգային զօրախումբի նահանգային համագործակցութեան ծրագրի երեսնամեակի յոբելենական համաժողովին։

Ատրպէյճանի նախագահ Իլհամ Ալիեւ երէկ Պաքուի մէջ հիւրընկալեց Հիւսիսային Իրաքի Քրտական Ինքնավարութեան նախագահ Նեչիրվան Պարզանին։

Մինչ Արցախի ամբողջական պաշարումը կը շարունակուի՝ մարդասիրական ծանր աղէտի մը դուռ բանալով, Ռուսաստան-Ատրպէյճան յարաբերութիւններուն մէջ այս շրջանին յառաջացած են սուր հարցեր

Ֆրանսայի Արտաքին գործոց նախարարութեան կրօնի գործերու խորհրդականը երէկ այցելեց Գումգաբու:
Ամենապատիւ Ս. Պատրիարք Հայրը դեսպան Ժան-Քրիստոֆ Փոսելին տեղեկութիւններ տուաւ թրքահայ կեանքին շուրջ:

Հանրապետութեան նախագահը ուղեւորութիւն մը կ՚իրականացնէ՝ դէպի Արաբական ծոցի երկիրները:
Էրտողան իրերայաջորդ շփումներ կ՚ունենայ Սէուտական Արաբիոյ, Քաթարի եւ Արաբական Միացեալ Էմիրութիւններու մէջ:

Հայաստանի արտաքին գործոց նախարար Արարատ Միրզոյեան այսօր շփումներ կ՚ունենայ Վիեննայի մէջ։ Այսպէս, ան կ՚ընդունուի Աւստրիոյ արտաքին գործոց նախարար Ալեքսանտր Շալենպերկի կողմէ։

Ամբողջութեամբ պաշարեալ Արցախի մէջ մարդասիրական տագնապը կը խորանայ վտանգաւոր թափով։ Լեռնային Ղարաբաղի նախագահ Արայիկ Յարութիւնեան ստեղծուած ծանր իրավիճակին մէջ երէկ հանդէս եկաւ ժողովուրդին ուղղեալ ելոյթով մը։

Երեւանի Մատենադարանին մէջ երէկ տեղի ունեցաւ նոր տնօրէնի ընտրութիւն։ Այսպէս, «Մեսրոպ Մաշտոց» հին ձեռագրերու թանգարան-կաճառի ղեկը վստահուեցաւ Արա Խզմալեանին, որ ներկայիս կը վարէ Հայաստանի Կրթութեան, գիտութեան, մշակոյթի եւ մարմնամարզի փոխ-նախարարի պաշտօնը։

Մինչ Հարաւային Կովկասէ ներս հաղորդակցութիւններու ապաշրջափակման հարցը առաջնահերթօրէն կը շարունակէ օրակարգը զբաղեցնել, Իրան մտադիր է Հայաստանի տարածքով միանալ Ռուսաստանի ելեկտրացանցին։ Այսպէս, Իրանի ուժանիւթի նախարար Ալի Աքպար Մեհրապիան յայտնեց, որ իր երկիրն ու Ռուսաստանը ելեկտրական ուժանիւթ պիտի փոխանակեն Հայաստանի, Վրաստանի եւ Ատրպէյճանի տարածքներով։

Երեւանի Նկարիչներու տան երդիքին տակ երէկ բացուեցաւ Սերկէյ Փարաճանովի գործերով ցուցահանդէս մը։ Անմոռանալի վարպետի ծննդեան 100-ամեակի յոբելենական շրջանին կը զուգադիպի այս նախաձեռնութիւնը։ Հայաստանի Նկարիչներու միութեան փոքր դահլիճի երդիքին տակ բացուած ցուցահանդէսը անուանուած է՝ «Փարաճանով-100. քոլաժ/պաստառ»։