Գոհունակութեամբ վերահասու կ՚ըլլանք, թէ վերջերս տեղի ունեցած է «Մենհեթըն» միջազգային երաժշտական մրցոյթը, որու ընթացքին երիտասարդ արուեստագէտներու անուանակարգին մէջ դափնեկիր դարձած է հայազգի 19-ամեայ քլարինէթահար Էտուարտ Խորոզեան։ Ան այս մրցանակով իրաւունք շահած է ելոյթ ունենալու Նիւ Եորքի «Carnegie Hall»ի մէջ։ Քլարինէթահար Էտուար Խորոզեան սոյն ելոյթի ընթացքին իր բնատուր տաղանդով առինքնած է ունկնդիրները։
Ամբողջութեամբ պաշարուած Արցախին մէջ կացութիւնը հետզհետէ կը լրջանայ։ Ստեփանակերտէն շարունակ ահազանգներ կը հասնին, թէ Լեռնային Ղարաբաղի մէջ կացութիւնը ժառ առ ժամ կը վատթարանայ։ Կը հաղորդուի, որ Արցախի խանութները արդէն իսկ դատարկ են։
Թուրքիա-Հայաստան յարաբերութիւններու բնականոնացման գործընթացին ներքեւ միշտ օրակարգի վրայ կը մնայ նաեւ երկու երկիրներու միջեւ ցամաքային սահմանի բացման հաւանականութիւնը։ «Արմէնփրէս»ի հաղորդումներով, ներկայիս սահմանի Հայաստանի կողմէն՝ Մարգարայի անցակէտին մօտ աշխոյժ շինարարական աշխատանքներ կ՚ընթանան։
«Ո՛չ Պաքուի, ոչ ալ Մոսկուայի մէջ այս պահուն ռուս խաղաղապահները դուրս բերելու նախաձեռնութիւն կայ. ամենահաւանականն է, որ 2025-ի մայիսին Ատրպէյճան վեթօ կը դնէ ռուսական խաղաղապահ ուժերու ներկայութեան երկարաձգման դէմ, որպէսզի անոնք հեռանան 2025-ին։ Բայց, ի հարկէ, մինչ այդ, շատ բան կրնայ տեղի ունենալ»:
«Քարնեկի» հիմնարկի աւագ վերլուծաբան Թոմաս տը Վաալի խորհրդածութիւնները՝ Արցախի առկայ վիճակին եւ Հարաւային Կովկասի հեռանկարներուն շուրջ. «Խնդիրը 2020 թուականի պատերազմէն ի վեր այն է, որ Ատրպէյճան ռազմական, քաղաքական, աշխարհագրական առումով շատ գերիշխող դիրքերու վրայ է։ Ան ուղղակի կը վերահսկէ Ղարաբաղի շուրջ բոլոր շրջանները։ Ան պայմաններ թելադրողի դիրքն ունի։ Այնպէս որ, կը կարծեմ՝ որոշումը իսկապէս կ՚առնուի մասամբ Պաքուի, մասամբ՝ Մոսկուայի, մասամբ ալ՝ արեւմտեան մայրաքաղաքներու մէջ ու կը վախնամ, միայն վերջին հերթին՝ Երեւանի մէջ».
Հանրապետութեան նախագահ Ռեճեփ Թայյիպ Էրտողան երէկ աւարտեց իր ուղեւորութիւնը՝ դէպի Արաբական ծոցի երկիրներ։ Այս այցելութեան վերջին կանգառը հանդիսացաւ Ապու Տապին, ուր Էրտողան հիւրընկալուեցաւ Արաբական Միացեալ Էմիրութիւններու ղեկավար Շէյխ Մուհամմէտ պին Զաիտ էլ Նահիանի կողմէ։
Երէկ, Հայաստանի վարչապետ Նիկոլ Փաշինեան հեռախօսազրոյց մը ունեցաւ Ռուսաստանի վարչապետ Միխայիլ Միշուսթինի հետ։ Կը հաղորդուի, որ զրուցակիցները քննարկեցին Երեւան-Մոսկուա տնտեսական համագործակցութեան օրակարգային հարցերն ու ընթացիկ ծրագրերը։
Հայաստանի արտաքին գործոց նախարար Արարատ Միրզոյեան յայտարարեց, որ իր երկիրը չի պատրաստուիր Ռուսաստանի դէմ սահմանուած պատժամիջոցներու շրջանցման միջավայր դառնալու։
Պրիւքսելի եռակողմանի հանդիպումէն բխած Շարլ Միշելի յայտարարութիւնները, ինչպէս կ՚ակնկալուէր, բեկումնային կամ շրջադարձային նորութիւն մը չեն բերեր: Հանդիպումը կը ծառայէ բանակցային գործընթացի ղեկը Եւրոպական Միութեան ձեռքերուն մէջ պահելու ծրագիրի գործնականացման:
Անգարա-Երեւան առանցքին վրայ կան քանի մը նախագծեր, որոնք եւս քննարկման առարկայ են:
Արարատ Միրզոյեան խօսեցաւ Թուրքիա-Հայաստան յարաբերութիւններու բնականոնացման գործընթացին մասին:
Հանրապետութեան նախագահը Ռիյատէն անցաւ Տոհա, ուր եւս հիւրընկալուեցաւ բարձր արարողակարգով:
Թուրքիա-Քաթար համագործակցութիւնը կը խորանայ՝ տարածաշրջանի նոր իրադրութեան պայմաններուն ներքեւ:
