Թրքահայ կեանք

Թուրքիոյ մէջ ապաստան գտած հայ գաղթականներուն առկայ հարցերն ու կարիքները հրատապ նշանակութիւն ստացած են մեր համայնքի օրակարգին վրայ:
Պատրիարքական Աթոռի բարձր հովանաւորութեան ներքեւ պաշտօնապէս կազմուեցաւ մասնաւոր յանձնախումբ մը, որ պիտի համակարգէ աշխատանքները:

Պատրիարքական Ընդհանուր Փոխանորդ Տ. Արամ Արք. Աթէշեան նախագահեց Սուրբ Յովհաննէս եկեղեցւոյ արարողութիւններուն:
Կէտիկփաշայի մէջ երէկ խանդավառ օր մը ապրուեցաւ՝ Ամանորի ընդառաջ բարեմաղթանքներու փոխանակումով: Թաղային խորհուրդի ատենապատ Յարութիւն Շանլը եւ իր ընկերները հետեւողական աշխատանք կը տանին կալուածներու արդիւնաւէտ արժեւորման ուղղութեամբ:

Պա­քըր­գիւ­ղի Տա­տեան սա­նուց միու­թեան մէջ շա­բա­թա­վեր­ջին տե­ղի ու­նե­ցաւ կա­ղան­դուան խրախ­ճանք մը։ Միու­թեան եր­դի­քին տակ կազ­մա­կեր­պուած գծագ­րու­թեան, դաշ­նա­կի եւ պա­րի դա­սըն­թաց­քնե­րուն մաս­նա­կից աշ­ա­կերտ­նե­րուն հա­մար նա­խա­տե­սուած էր այս հա­ւա­քոյ­թը, ո­րու ըն­թաց­քին ստեղ­ծուե­ցաւ մեծ ո­գե­ւո­րու­թիւն։

Կա­թո­ղի­կէ աշ­խար­հի Ս. Ծննդեան առ­թիւ Պատ­րիար­քա­կան Ընդ­հա­նուր Փո­խա­նորդ Տ. Ա­րամ Արք. Ա­թէ­շեան շա­բա­թա­վեր­ջին այ­ցե­լեց Ֆէ­նէ­րի Յու­նաց Պատ­րիար­քա­րա­նը՝ շնոր­հա­ւո­րե­լու հա­մար Ուղ­ղա­փա­ռաց Տ.Տ. Պար­թո­լո­մէոս Ա. Տիե­զե­րա­կան Պատ­րիար­քը։ Ի­րեն կ՚ըն­կե­րա­նա­յին Տ. Սա­հակ Եպսկ. Մա­շա­լեան եւ Յա­րու­թիւն Ա­բե­ղայ Տա­մա­տեան։ 

Գա­րա­կէօ­զեա­նի ըն­տա­նի­քը շա­բա­թա­վեր­ջին մեծ ո­գե­ւո­րու­թիւն ապ­րե­ցաւ՝ Ա­մա­նո­րի առ­թիւ կազ­մա­կերպուած խրախ­ճան­քին բե­րու­մով։ Վար­ժա­րա­նի պար­տէ­զէն սկսեալ մին­չեւ դպրո­ցի շէն­քի մուտքն ու ա­պա­կե­պատ սրա­հը եր­կա­րած ըն­դար­ձակ տա­րած­քի մը մէջ ի­րա­կա­նա­ցաւ այս խրախ­ճան­քը, ո­րու մաս­նա­կից­նե­րու տրա­մադ­րու­թեան տակ դրուած էին նաեւ Ա­մա­նո­րի բնո­րոշ զա­նա­զան ի­րե­ղէն­ներ կամ նուէր­ներ։

Է­սաեան սա­նուց միու­թեան եր­դի­քին տակ «Մա­րալ» հա­մոյ­թի փոք­րիկ­նե­րուն հա­մար շա­բա­թա­վեր­ջին կազ­մա­կեր­պուած Կա­ղան­դի խրախ­ճան­քը ան­ցաւ ան­նա­խըն­թա­ցօ­րէն խան­դա­վառ մթնո­լոր­տի մը մէջ։ Ծնող­նե­րուն պատ­րաս­տու­թեամբ փոք­րիկ­նե­րուն հա­մար կազ­մա­կեր­պուած այս ձեռ­նար­կին ըն­թաց­քին գոր­ծադրուե­ցաւ ե­րաժշ­տա­կան յայ­տա­գիր։

Հայ մշա­կոյ­թի եւ զօ­րակ­ցու­թեան միու­թեան վար­չու­թեան նա­խա­ձեռ­նու­թեամբ ե­րէկ կազ­մա­կեր­պուե­ցաւ Ա­մա­նո­րի հա­ւա­քոյթ մը։ Յի­շեալ միու­թեան Պէ­յօղ­լուի հա­ւա­քա­տե­ղիին մէջ տե­ղի ու­նե­ցաւ «Նոր զար­թօնք»ի Կա­ղան­դի այս ձեռ­նար­կը, ո­րու մաս­նա­կից­նե­րուն բաժ­նուե­ցաւ ա­ւան­դա­կան ա­նու­շա­պու­րը։

Սուրբ Փրկիչ Ազ­գա­յին հի­ւան­դա­նո­ցի «Պի­լէք» հանգս­տա­րա­նի սրա­հին մէջ ե­րէկ տե­ղի ու­նե­ցաւ ZİBEÇ-ի ըն­տա­նի­քին ա­մա­նո­րեան խրախ­ճան­քը։ Տօ­նա­կա­տա­րու­թեան մաս­նակ­ցե­ցան ZİBEÇ-ի ա­շա­կերտ­նե­րը, ծնող­նե­րը, մաս­նա­գէտ­ներն ու վար­չա­յին պա­տաս­խա­նա­տու­նե­րը։

Մխի­թա­րեան միա­բա­նու­թեան Իս­թան­պու­լի վա­նա­տան հա­մա­լի­րէն ներս ե­րէկ ե­րե­կո­յեան ապ­րուե­ցաւ Կա­թո­ղի­կէ աշ­խար­հի Ս. Ծննդեան հրճուան­քը։ Ա­նա­րատ Յղու­թեան մատ­րան մէջ մա­տու­ցուե­ցաւ Ճրա­գա­լոյ­ցի Ս. Պա­տա­րագ, ձե­ռամբ Հայր Յա­կով­բոս Ծ. Վրդ. Չօ­փու­րեա­նի։

Ֆէ­րի­գիւ­ղի ըն­տա­նի­քը ե­րէկ ե­րե­կո­յեան խան­դա­վառ խրախ­ճանք մը ի­րա­կա­նա­ցուց Նոր տա­րուան ըն­դա­ռաջ։ Վար­ժա­րա­նի պար­տէ­զին վրայ լա­րուած մեծ վրա­նին ներ­քեւ տե­ղի ու­նե­ցաւ այս խրախ­ճան­քը, որ կազ­մա­կեր­պուած էր «Բա­րի գա­լուստ 2016» կար­գա­խօ­սով։ Ֆէ­րի­գիւ­ղի ըն­տա­նի­քին բո­լոր ան­դամ­նե­րուն հա­մա­խումբ աշ­խա­տան­քով կեան­քի կո­չուած ծրա­գիր մըն էր այս մէ­կը։