Թրքահայ կեանք

Գատըգիւղի ընտանիքը Նոր տարին կը դիմաւորէ աւանդական ոգեւորութեամբ ու բարձր տրամադրութեամբ։ Թաղի Արամեան-Ունճեան վարժարանի Կաղանդի հանդէսը այս ամբողջին մէջ առանձնացաւ՝ ստեղծուած ջերմ մթնոլորտով։

Ս. Խաչ դպրեվանքի ընտանիքը աւանդական խանդավառ հաւաքոյթով մը ողջունեց Ամանորը։ Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեանի հովանաւորութեան ներքեւ, դպրոցի ճաշարանին մէջ տեղի ունեցաւ դպրեվանքցիներու աւանդական Կաղանդի հանդիսութիւնը, որու ընթացքին բարձր տրամադրութիւն ստեղծուեցաւ։

Շիշլի մարզակումբի ընտանիքը շատ խանդավառ մթնոլորտի մը մէջ կը դիմաւորէ Նոր տարին։ Շիշլիցիներուն համար այս տարիները արտասովոր նշանակութիւն ունին, որովհետեւ ակումբը կ՚ընթանայ դէպի հիմնադրութեան 100-ամեակը։

Շաբաթ երեկոյեան, Պէյօղլուի Ս. Երրորդութիւն եկեղեցւոյ մէջ տեղի ունեցաւ Լուսաւորիչ դպրաց դաս-երգչախումբի մանկապատանեկան կազմի համերգը, որու պատուոյ հիւրն էր Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան։ Հրանդ Չիզմէճեանի մականին ներքեւ տղաքը փայլուն յաջողութիւն մը արձանագրեցին՝ արժանանալով բոլոր ունկնդիրներու ծափահարութիւններուն։

Էսաեան սանուց միութեան «Մարալ» համոյթը Նոր տարին կը դիմաւորէ խանդավառ մթնոլորտի մը մէջ։ Մարալցիները շաբաթավերջին Ամանորի աւանդական խրախճանքին համար համախմբուեցան Էսաեան սանուց միութեան երդիքին տակ։

Երէկ, Պէզճեան Մայր վարժարանին մէջ տեղի ունեցաւ մանկապարտէզի փոքրիկներու Ամանորի հանդէսը, որ անցաւ շատ խանդավառ մթնոլորտի մը մէջ։ Փոքրիկները մեծ յաջողութեամբ գործադրեցին հանդէսի յայտագիրը՝ արժանանալով ծափահարութիւններու։

Սուրբ Փրկիչ Ազգային հիւանդանոցի հոգաբարձութիւնը այս տարի եւս Ամանորի առթիւ մասնաւոր ճաշասեղան մը սարքեց հաստատութեան մնայուն բնակիչներուն համար։ Խրախճանքի մը մթնոլորտին մէջ տեղի ունեցաւ ճաշկերոյթը, որուն ներկայ գտնուեցան հոգաբարձութեան ներկայացուցիչները՝ գլխաւորութեամբ փոխ-ատենապետ Հերման Պալեանի։

Մինչ քրիստոնեայ աշխարհը սկսած է նշել Ս. Ծնունդը, Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան այս մեծ տօնին առթիւ երէկ այցելութիւններ տուաւ քաղաքիս կարգ մը քրիստոնեայ յարանուանութիւններու հոգեւոր կեդրոնները։

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ ընդունեց Երեւանէն լրագրող-հրապարակագիր Սագօ Արեանը, որ ԺԱՄԱՆԱԿ-ի սիւնակագիրներէն է ու միեւնոյն ժամանակ կը խմբագրէ «Արեւելք» կայքէջը։

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ Գումգաբուի մէջ հիւրընկալեց «Բարեկամ» խումբի անդամները եւ համայնքային վարժարաններէն խումբ մը աշակերտներ։ Աւետիս Սէյրանի կողմէ գլխաւորուած հիւրերը ստացան Ամեն. Ս. Պատրիարք Հօր օրհնութիւնը եւ Ամանորի ընդառաջ իրենց համար մասնաւոր նշանակութիւն ունեցաւ այս զրոյցը։