Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ Գումգաբուի մէջ հիւրընկալեց Պոլսոյ քրիստոնեայ յարանուանութիւններու հոգեւոր առաջնորդները՝ որոնք Ամանորի եւ Սուրբ Ծնունդի տօներուն առթիւ շնորհաւորութեան փութացած էին։
Տանն Կիլիկիոյ Կաթողիկէ Հայոց Ռաֆայէլ-Պետրոս ԻԱ. Կաթողիկոս-պատրիարքը աւարտեց իր շփումները Պոլսոյ մէջ։ Ան վերջին օրերուն հովուական այցելութիւն մը տուաւ Թուրքիոյ Հայ կաթողիկէ հասարակութեան՝ Արքեպիսկոպոսարանի Պատրիարքական կառավարիչ Տ. Վարդան Ծայրագոյն Վարդապետ Գազանճեան Գերապայծառի իշխանական նշաններու տուչութեան եւ այդ պաշտօնին մէջ վերահաստատման արարողութեան առթիւ։
Թրքահայութիւնը Ս. Ծնունդի տաղաւարը նշեց մեծ ոգեւորութեամբ։ Մինչ մեր բոլոր եկեղեցիներուն մէջ տօնական ուրախութիւն ստեղծուեցաւ, Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան տաղաւարի Ս. Պատարագը մատոյց Գումգաբուի Ս. Աստուածածին Աթոռանիստ Մայր եկեղեցւոյ մէջ, ուր տուաւ նաեւ օրուան պատգամը։
Սուրբ Փրկիչ Ազգային հիւանդանոցի մէջ ներկայ տարեմուտին աւանդութիւնները վերակենդանացան՝ ընտանեկան ջերմ մթնոլորտի պայմաններով։ Ս. Ծնունդի տաղաւարին առթիւ նախընթաց օր տեղի ունեցաւ աւանդական ճաշկերոյթ մը, որով տօնական բարձր տրամադրութիւն ստեղծուեցաւ։
Պաքըրգիւղի Տատեան վարժարանին մէջ Ամանորի եւ Ս. Ծնունդի առթիւ կազմակերպուած հանդէսը բացառիկ ոգեւորութեան առիթ դարձաւ։ Մանկապարտէզի հինգ դասարանները հանդէսի յայտագիրը այնպիսի ոգեւորութիւնով մը գործադրեցին, որ Պաքըրգիւղի ընտանիքի տօնական հրճուանքը բազմապատկուեցաւ։
Տակաւ կ՚արձագանգէ հրեշտակներու օրհներգը Բեթղեհէմի քարքարուտ հովիտներուն մէջ, բայց այս անգամ՝ երգակցութեամբը մանկանց Եկեղեցւոյ՝ սփռուած ողջ աշխարհի մէն մի անկիւն։
ԿՈՐԻՒՆ ԱՒ. ՔՀՆՅ. ՖԷՆԷՐՃԵԱՆ
Մանուկի մը ծնունդը իրենց ծնողներուն եւ ընտանիքին մէյմէկ հրաշալի նուէր, մէյմէկ աւետիսներ են։ Ամէն զոյգ, որ զաւակ կը սպասէ, իր յոյսը իր զաւակներուն վրայ կը դնէ։ Ամէն զաւակ իր ծնողքին ծիները եւ բնաւորութիւնը իր վրայ կը կրէ, կը ստանայ անոնց նմանութիւնը, նաեւ կ՚առնէ իր ծնողաց կողմէ դրուած անունը։
Երէկ, Գումգաբուի «Պէզճեան» սրահին մէջ տեղի ունեցաւ՝ Պատրիարքական Աթոռի հովանաւորութեամբ կազմակերպուած մանկանց Ամանորի աւանդական խրախճանքը, որ առիթ հանդիսացաւ մեծ խանդավառութեան։ Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեանի նախագահութեամբ տեղի ունեցաւ ձեռնարկը, որուն մասնակցեցան համայնքային բոլոր վարժարաններէն աշակերտական խումբեր։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ ընդունեց Վաքըֆլըգիւղի Ս. Աստուածածին եկեղեցւոյ ծխական խորհուրդի ներկայացուցիչներէն Միսաք Հերկելեանը։
Պատրիարքական Աթոռը վիճակագրական տուեալներ հրապարակեց վերջին երեք տարիներուն մասին:
2022-ին, 2023-ին եւ 2024-ին յուղարկաւորութիւններու թիւը ուշագրաւ ձեւով անհամեմատօրէն գերազանցած է պսակի եւ մկրտութիւններու խորհրդակատարութեանց թիւը, ինչ որ կու գայ հերթական անգամ օրակարգի վրայ բերել թրքահայ ազգային-եկեղեցական կեանքէ ներս առկայ ժողովրդագրական կացութեան մտահոգիչ հեռանկարները:
