Թրքահայ կեանք

Պէյօղլուի Ս. Եկեղեցեաց թաղային խորհուրդի՝ շաբաթավերջին նախատեսուած ընտրութիւններուն ընդառաջ կազմակերպչական հարցերու վերաբերեալ պղտորութիւնները կը շարունակեն զբաղեցնել համայնքին օրակարգը։

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան նախընթաց օր ընդունեց Կէտիկփաշայի «Հրանդ Տինք» վարժարանի պատասխանատուները։ Այսպէս, Նորին Ամենապատուութեան ներկայացաւ Արթօ եւ Դալար Հորոզօղլու ամոլը, որ կը գլխաւորէ կամաւոր հոգաբարձուները, ինչպէս նաեւ տնօրէնուհի Հերիքնազ Աւագեան, ուսուցիչներէն Լուսինէ Յարութիւնեան եւ երկու սաներ։

Համայնքային ընտրութիւններու երկարաշունչ գործընթացը այս շաբաթավերջին կը հասնի իր աւարտին:
Շաբաթ օր պիտի ընտրուին Ղալաթիոյ, Գարակէօզեանի, Գալֆաեանի եւ Դպրեվանքի նոր խնամակալները, նաեւ Սուրբ Աստուածածին Աթոռանիստ Մայր եկեղեցւոյ նոր թաղականները՝ շրջանային նորահաստատ համակարգի պայմաններով:

Գոհունակութեամբ վերահասու կ՚ըլլանք, թէ բանաստեղծ Իգնա Սարըասլան 6-րդ անգամ անընդմէջ վերընտրուեցաւ PEN-ի պատուոյ խորհուրդի անդամ։
Համաշխարհային գրողներու միութեան՝ PEN-ի Թուրքիոյ մասնաճիւղը վերջերս գումարեց իր ընդհանուր ժողովը, որուն մասնակցեցան երկրի գրական եւ մամլոյ աշխարհէն վառ ներկայացուցիչներ

Համայնքային շրջանակներուն ուշադրութիւնը այս շրջանին ամբողջութեամբ կեդրոնացած է Պէյօղլուի սուրբ եկեղեցեաց թաղային խորհուրդի շաբաթավերջին նախատեսուած ընտրութեան վրայ։ Քուէարկութեան ընդառաջ թեկնածուները կը շարունակեն իրենց զօրակցութեան որոնումները համայնքային շրջանակներէն ներս։

Երէկ, հաճոյքն ունեցանք խմբագրատանս մէջ հիւրընկալելու՝ վերջերս հրատարակուած «Անի» գիրքին հեղինակը՝ Վետաթ Աքչայէօզն ու ՀԱՅՃԱՐ-ի վարչութեան ատենապետուհի Կիւլիւզար Արթուչը։ Վետաթ Աքչայէօզ, որ Կարս քաղաքէն է, ուսումնասիրութիւններ ունի պատմական Անի քաղաքի մասին եւ իր ծով պաշարը ցոլացուցած է այս նոր գիրքով։

Սուրբ Աստուածածին Աթոռանիստ Մայր եկեղեցւոյ Գողթան դպրաց դաս-երգչախումբը վերջին օրերուն նշեց իր հիմնադրութեան տարեդարձը։ Կրօնական եւ աշխարհիկ հանդիսութիւններ տեղի ունեցան դպրաց դասու հիմնադրութեան 109-րդ տարեդարձին առթիւ։

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ ընդունեց Ֆէրիգիւղի Ս. Վարդանանց եկեղեցւոյ նորընտիր թաղային խորհուրդի ատենապետ Մանուկ Էօղէրն ու գործակից ընկերները։ Ներկայ էր նաեւ հոգեւոր հովիւ Տ. Շիրվան Քհնյ. Միւրզեան։

Թուրքիոյ Հայոց Պատրիարք Ամեն. Տ. Սահակ Ս. Արքեպիսկոպոս Մաշալեան երէկ ընդունեց Պէշիկթաշի Ս. Աստուածածին եկեղեցւոյ թաղային խորհուրդի ատենապետ Կարօ Վարժապետեանը եւ գործակից ընկերները։ Ներկայ էին նաեւ Պատրիարքական փոխանորդ Տ. Գրիգոր Աւագ Քահանայ Տամատեան եւ եկեղեցւոյ հոգեւոր հովիւը՝ Տ. Սարգիս Աւագ Քահանայ Գույումճեան։

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ ընդունեց Գումգաբուի Դրսի Ս. Յարութիւն եկեղեցւոյ թաղային խորհուրդի ատենապետուհի Նազլը Տանաճըօղլուն եւ գործակից ընկերները։ Ներկայ էր նաեւ հոգեւոր հովիւ Տ. Նաթան Քհնյ. Արապեան։