Տ.Տ. Գարեգին Բ. Ամենայն Հայոց Կաթողիկոսը երէկ Մայր Աթոռ Սուրբ Էջմիածնի մէջ ընդունեց Երեւանի մօտ Գանատայի նորանշանակ դեսպան Էնտրու Թըրները։ Զրոյցի ընթացքին Վեհափառ Հայրապետը շնորհաւորեց դեսպանին նշանակումը եւ յաջողութիւններ մաղթեց անոր առաքելութեան համար։
Երէկ, Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեանի ձեռամբ պաշտամունքի վերաբացուեցաւ Էյուպի Ս. Աստուածածին եկեղեցին նորոգութեան եւ բարեզարդման աշխատանքներէ յետոյ պաշտամունքի վերաբացուեցաւ։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ ընդունեց Սամաթիոյ Ս. Գէորգ եկեղեցւոյ Սահակեան դպրաց դաս-երգչախումբի վարիչները։ Ներկայ էր նաեւ Տ. Գասպար Աբեղայ Կարապետեան։
Մայր Աթոռ Սուրբ Էջմիածինը կը շարունակէ դրամական աջակցութեան ծրագիր յառաջ տանիլ՝ Արցախէն բռնի տեղահանուածներու համար։ Տ.Տ. Գարեգին Բ. Ամենայն Հայոց Կաթողիկոսի տնօրինութեամբ եւ օրհնութեամբ, Մայր Աթոռ Սուրբ Էջմիածնի Ընկերային ծառայութեան գրասենեակը կ՚իրականացնէ դրամական աջակցութեան ծրագիր՝ 19 սեպտեմբեր 2023 թուականին, Ատրպէյճանի կողմէ սանձազերծուած ռազմական գործողութիւններուն հետեւանքով բռնի տեղահանուած, Հայաստանի Հանրապետութեան տարածքին մէջ բնակութիւն հաստատած արցախցի այն ընտանիքներուն, որոնք ունին չորս եւ աւելի անչափահաս երեխայ։
Խոր ցաւով վերահասու եղանք, որ Հայաստանեայց Առաքելական Եկեղեցւոյ եպիսկոպոսաց դասու երէց անդամներէն Տ. Տարօն Եպսկ. Ճէրէճեան վախճանած է 86 տարեկան հասակին։ Մայր Աթոռ Սուրբ Էջմիածնի երիցագոյն անդամներէն սրբազանի վախճանումը խոր ցաւ յառաջացուցած է եկեղեցական շրջանակներէն ներս։
Տ.Տ. Գարեգին Բ. Ամենայն Հայոց Կաթողիկոսը նախընթաց օր Մայր Աթոռ Սուրբ Էջմիածնի մէջ ընդունեց Եւրոխորհրդարանի պատգամաւորներէն Ժոֆրուա Տիտիէն, որուն ընկերացաւ Երեւանի մօտ Ֆրանսայի դեսպան Օլիվիէ տը Քոթինյի։
Տ.Տ. Գարեգին Բ. Ամենայն Հայոց Կաթողիկոսը երէկ Մայր Աթոռ Սուրբ Էջմիածնի մէջ հիւրընկալեց Հայաստանեայց Առաքելական Եկեղեցւոյ Հիւսիսային Ամերիկայի Արեւմտեան թեմէն պատուիրակութիւն մը։ Թեմի հոգեւորականաց դասէն քահանայ հայրերու առընթեր, պատուիրակութեան մաս կազմեց նաեւ թեմական խորհուրդի ատենապետ Վարդան Նազիլեան։
Արեւելագիտութեան քահանայապետական կաճառէն ներս բովանդակալից զեկուցումներով երկօրեայ աշխատանք:
Վատիկան դրոշմաթուղթ մը թողարկեց Ս. Ներսէս Շնորհալի Հայրապետի յիշատակին. «Աստուածաբան եւ ինքնատիպ հոգեւոր հեղինակ՝ իր եկեղեցւոյ վարդապետութեան իրազեկագիտութեամբ եւ Քրիստոսի չարչարանքներուն լիակատար նուիրումով»:
Հայաստանեայց Առաքելական Եկեղեցին շաբաթավերջին յիշատակեց հայոց առաջին լուսաւորիչները՝ Ս. Թադէոս եւ Ս. Բարթողիմէոս առաքեալները։ 2015 թուականէն ի վեր այս տօնը Տ.Տ. Գարեգին Բ. Ամենայն Հայոց Կաթողիկոսի սրբատառ կոնդակով հռչակուած է՝ աստուածամուխ Ս. Գեղարդի ուխտի օր։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ նախագահեց Ենիգաբուի Ս. Թադէոս-Ս. Բարթողիմէոս եկեղեցւոյ տարեկան անուան տօնախմբութեան հանդիսութիւններուն։ Արարողութեանց ներկայ էր նաեւ Տ. Յովակիմ Աբեղայ Սերովբեան։
