Տ.Տ. Գարեգին Բ. Ամենայն Հայոց Կաթողիկոսը երէկ Մայր Աթոռ Սուրբ Էջմիածնի մէջ հիւրընկալեց Հայաստանեայց Առաքելական Եկեղեցւոյ Հիւսիսային Ամերիկայի Արեւմտեան թեմէն պատուիրակութիւն մը։ Թեմի հոգեւորականաց դասէն քահանայ հայրերու առընթեր, պատուիրակութեան մաս կազմեց նաեւ թեմական խորհուրդի ատենապետ Վարդան Նազիլեան։
Արեւելագիտութեան քահանայապետական կաճառէն ներս բովանդակալից զեկուցումներով երկօրեայ աշխատանք:
Վատիկան դրոշմաթուղթ մը թողարկեց Ս. Ներսէս Շնորհալի Հայրապետի յիշատակին. «Աստուածաբան եւ ինքնատիպ հոգեւոր հեղինակ՝ իր եկեղեցւոյ վարդապետութեան իրազեկագիտութեամբ եւ Քրիստոսի չարչարանքներուն լիակատար նուիրումով»:
Հայաստանեայց Առաքելական Եկեղեցին շաբաթավերջին յիշատակեց հայոց առաջին լուսաւորիչները՝ Ս. Թադէոս եւ Ս. Բարթողիմէոս առաքեալները։ 2015 թուականէն ի վեր այս տօնը Տ.Տ. Գարեգին Բ. Ամենայն Հայոց Կաթողիկոսի սրբատառ կոնդակով հռչակուած է՝ աստուածամուխ Ս. Գեղարդի ուխտի օր։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ նախագահեց Ենիգաբուի Ս. Թադէոս-Ս. Բարթողիմէոս եկեղեցւոյ տարեկան անուան տօնախմբութեան հանդիսութիւններուն։ Արարողութեանց ներկայ էր նաեւ Տ. Յովակիմ Աբեղայ Սերովբեան։
Ֆէնէրի Յունաց Պատրիարքարանէն ներս նախընթաց օր հանդիսաւորապէս նշուեցաւ Ս. Անդրէաս առաքեալի տօնը։ Ս. Գէորգ աթոռանիստ մայր եկեղեցւոյ մէջ պատարագեց Տ.Տ. Պարթոլոմէոս Ա. Տիեզերական Պատրիարքը։
Մայր Աթոռ Սուրբ Էջմիածնի հրատարակչութեան բաժինը լոյս ընծայեց Պատրիարքական Աթոռի միաբաններէն Տ. Յարութիւն Վրդ. Տամատեանի գիրքը։ Սա հայր սուրբին կողմէ պաշտպանուած վարդապետական թէզի գիրքի ձեւաչափով հրատարակութիւնն է։
Մեծի Տանն Կիլիկիոյ Տ.Տ. Արամ Ա. Կաթողիկոսը, Ամերիկայի Միացեալ Նահանգներու վերջին շփումներուն ծիրէն ներս, Նիւ Եորքի մէջ հանդիպում մը ունեցաւ՝ ՄԱԿ-ի մօտ Վատիկանի մշտական ներկայացուցիչ Կապրիէլ Քաչիա Արքեպիսկոպոսին հետ։ Ըստ Անթիլիասի աղբիւրներուն, զրոյցը տեւեց շուրջ երկու ժամ՝ մտերմիկ մթնոլորտի մէջ։
Եգիպտոսէն ղպտի յայտնի գործարար Նակիպ Սավիրիսի վերջին օրերուն շփումներ ունեցաւ Երեւանի մէջ, ուր ընդունուեցաւ Հայաստանի վարչապետ Նիկոլ Փաշինեանի կողմէ։ Կեցութեան օրերուն ան այցելեց նաեւ Մայր Աթոռ Սուրբ Էջմիածին, ուր հիւրընկալուեցաւ Տ.Տ. Գարեգին Բ. Ամենայն Հայոց Կաթողիկոսին կողմէ։
Հայորդեաց տուներու այս տարուան մրցանակակիր սաները այցելեցին Մայր Աթոռ Սուրբ Էջմիածին:
Վեհափառ Հայրապետը մաղթեց, որ նոր սերունդի ներկայացուցիչները հասակ առնեն եւ մասնակցին բարօր երկրի կերտման:
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան, շաբաթավերջին նախագահեց Պէյքոզի Ս. Նիկողայոս եկեղեցւոյ անուան տօնախմբութեան արարողութեան։ Ս. Պատարագը մատոյց Տ. Յուսիկ Քահանայ Հերկելեան։
