Եկեղեցական

Ս. Ներսէս Շնորհալի Հայրապետի վախճանման 850-րդ տարելիցին առթիւ Հռոմի մէջ նախատեսուած ձեռնարկները յետաձգուեցան անորոշ ժամանակով։ «Աստուածային շնորհաց հայոց առաքեալ» կարգախօսով մշակուած ծրագիրը կեանքի պիտի կոչուէր Հայաստանեայց Առաքելական եւ Հռոմէական Կաթոլիկ եկեղեցիներու համատեղ նախաձեռնութեամբ, օրհնութեամբ Տ.Տ. Գարեգին Բ. Ամենայն Հայոց Վեհափառ Հայրապետին, Ֆրանսիսքոս Ա. Սրբազան Քահանայապետին, Մեծի Տանն Կիլիկիոյ Արամ Ա. Կաթողիկոսին եւ Հայ Կաթողիկէ եկեղեցւոյ Տ. Ռաֆայէլ-Պետրոս ԻԱ. Կաթողիկոս-պատրիարքին։

Տ.Տ. Գարեգին Բ. Ամենայն Հայոց Կաթողիկոսը երէկ Մայր Աթոռ Սուրբ Էջմիածնի մէջ ընդունեց Անդրկովկասէ ներս Վատիկանի Սուրբ Աթոռի առաքելական նուիրակ Ժոզէ Աւելինօ Պեթանքուր Արքեպիսկոպոսը, որ իր առաքելութեան ժամկէտի աւարտին հասած է։ Հրաժեշտի հանդիպման ընթացքին Վեհափառ Հայրապետը ջերմօրէն ողջունեց պապական նուիրակը եւ իր բարձր գնահատանքը յայտնեց անոր կողմէ երկու աթոռներու փոխյարաբերութիւններու առաւել սերտացման ուղղեալ ջանքերուն համար։

Խոր ցաւով վերահասու եղանք, թէ Երուսաղէմի մէջ իր մահկանացուն կնքած է Շահան Սրկ. Քէօսէեան։ Ան նախկին պոլսահայ մըն էր, որ երկար տասնամեակներէ առաջ մեկնած էր Սուրբ Քաղաք։

«Իր ծառայութեան մէջ եպիսկոպոսը կոչուած է նմանելու մեր Տիրոջ եւ իր վրայ վերցնելու անոր քաղցր լուծը»:
Տ.Տ. Գարեգին Բ. Ամենայն Հայոց Վեհափառ Հայրապետին պատգամը նորաօծ սրբազաններուն. «Մեր նախ­նեաց պէս ար­թուն պա­հա­պա­նը ե­ղէք հո­գե­ւոր ու ազ­գա­յին մեր արժէք­նե­րու եւ սրբու­թիւն­նե­րու։ Ա­ռաջ­նոր­դե­ցէք մեր ժո­ղո­վուր­դը աս­տուա­ծա­պա­տուէր շա­ւիղ­նե­րով հայ­րե­նի­քի լու­սա­ւոր ու ա­պա­հով գա­լի­քը կեր­տե­լու տես­լա­կա­նով»:

Տ.Տ. Գարեգին Բ. Ամենայն Հայոց Կաթողիկոսը նախընթաց օր Մայր Աթոռ Սուրբ Էջմիածնի մէջ ընդունեց իրաքահայ խումբ մը ուխտաւորներ։ Ուխտաւորները գլխաւորեց Իրաքի հայոց թեմի առաջնորդ Տ. Օշական Եպսկ. Կիւլկիւլեան։

Ամենայն Հայոց Վեհափառ Հայրապետը նորաօծ սրբազաններուն յորդորեց հաստատուն պահել իրենց ուխտը:
Նորին Սրբութիւնը շնորհաւորեց հինգ նոր եպիսկոպոսները, որոնք երէկ մատուցին իրենց ուխտի սուրբ պատարագները:

Վատիկանէ ներս ընթացքի մէջ է Հռոմէական Կաթոլիկ Եկեղեցւոյ Ս. Սինոդի ժողովը, որու ծիրէն ներս շաբաթավերջին առ Աստուած աղօթք բարձրացուեցաւ Լեռնային Ղարաբաղի համար։ Հռոմէական Կաթոլիկ Եկեղեցւոյ Քահանայապետ Ֆրանսիսքոս Ա. Սրբազան Պապի նախագահութեամբ կ՚ընթանան Սինոդի նիստերը, որոնց կը մասնակցի նաեւ Արեւմտեան Եւրոպայի հայրապետական պատուիրակ եւ Վատիկանի Ս. Աթոռի մօտ Ամենայն Հայոց Կաթողիկոսի ներկայացուցիչ Տ. Խաժակ Արք. Պարսամեան։

Երէկ, Մայր Աթոռ Սուրբ Էջմիածնի մէջ տեղի ունեցաւ եպիսկոպոսական ձեռնադրութիւն եւ օծում։ Թէեւ համազգային ցնցումի ընդհանուր մթնոլորտը անխուսափելիօրէն ազդած է ամէն ինչի վրայ, սակայն, Մայրավանքի համալիրէն ներս յամենայնդէպս ստեղծուեցաւ արտասովոր մթնոլորտ։ Սուրբ Էջմիածնի Մայր Տաճարի վսեմ հովանիին ներքեւ անոր շրջապատի նուիրական մթնոլորտին մէջ, Հայաստանեայց Առաքելական Եկեղեցւոյ եպիսկոպոսաց դասը համալրուեցաւ հինգ նոր արժանաւոր անդամով։

Տ.Տ. Գարեգին Բ. Ամենայն Հայոց Կաթողիկոսը շաբաթավերջին Մայր Աթոռ Սուրբ Էջմիածնի մէջ ընդունեց Հայաստանեայց Առաքելական Եկեղեցւոյ Հիւսիսային Ամերիկայի Արեւմտեան եւ Ֆրանսայի թեմերէն ուխտաւորներ։ Նորին Սրբութեան կողքին էր ֆրանսահայոց թեմակալ առաջնորդ Տ. Գրիգոր Վրդ. Խաչատրեան։

Տ.Տ. Գարեգին Բ. Ամենայն Հայոց Վեհափառ Հայրապետը երէկ Մայր Աթոռ Սուրբ Էջմիածնի մէջ հիւրընկալեց Քենթըրպըրիի Արքեպիսկոպոս Նորին Սրբազնութիւն Ճասթին Ուէլպին։