Արխիւ

Հայաստանի Պատմութեան թանգարանին եւ Բրիտանական թանգարանին համատեղ նախաձեռնութեամբ, յառաջիկայ սեպտեմբերի 1-ին, Երեւանի մէջ պիտի բացուի «Մայր աստուածուհին. Անահիտէն Մարիամ» ժամանակաւոր ցուցադրութիւնը։

Երեւան-Ուաշինկթըն յարաբերութիւններու նոր՝ ռազմավարական գործընկերութեան թեւակոխման համար հերթական ապացոյց. Ուզրա Զէյա համոզուած է, թէ ՀԱՊԿ-ի անդամակցութիւնը խոչընդոտ մը չէ, իսկ Ռուսաստանի ներկայութիւնը չի նպաստեր տարածաշրջանի խաղաղութեան ու կայունութեան:
Հայաստանի Պաշտպանութեան նախարարութենէն ներս պիտի սկսի աշխատիլ ԱՄՆ-ի բանակի ներկայացուցիչ մը:

ՀՐԱՅՐ ՏԱՂԼԵԱՆ

Մարդկային միտքը մշտապէս համեմատական մը կը կատարէ հինին եւ նորին միջեւ եւ այդ համեմատականով կ՚արտացոլայ ժամանակի փոփոխութիւնը, ինչ որ կ՚օգնէ աւելիով հասկնալ մեր ունեցած ճանապարհորդութիւնը: Հինի եւ նորի համեմատականը հաշուեյարդար մըն է տեսնելու համար, թէ ո՞ւր էինք, ո՞ւր ենք եւ ո՞ւր պիտի հասնինք:

ՀՐԱՅՐ ՏԱՂԼԵԱՆ

Մարդիկ ի սկզբանէ՞ դերասան կը ծնին, թէ ոչ ժամանակի ընթացքին դերասան կը դառնան... իսկ եթէ ի ծնէ չէ, մենք ի՞նչ գործ ունինք համաշխարհային այս բեմին վրայ՝ որ կեանք կը կոչուի. ո՞վ տուած է այս դերերը եւ պարտադրած, որ մեր ինքնութիւնը քօղարկենք այս դիմակներուն տակ. թատերագի՞րն է դերասանը դժբախտացնողը. դե՞րն է դժբախտ, թէ դերասանը:

Ռուսաստանի արտաքին գործոց նախարար Սերկէյ Լաւրով Նիւ Եորքի մէջ հանդիպում մը ունեցաւ Իրանի արտաքին գործոց նախարարի պաշտօնակատար Ալի Պաղերի Քանիի հետ։ Իրանի մօտաւոր անցեալի արտահերթ նախագահական ընտրութեան յաջորդած ժամանակաշրջանին սա առաջին բարձր մակարդակի ուղղակի շփումն է Մոսկուա-Թեհրան առանցքին վրայ։

Հայկական լրահոսին մէջ արձագանգ գտաւ, որ երէկ ժամը 18.00-ի դրութեամբ Ատրպէյճանի սահմանապահները արդէն հաստատուած են Հայաստանի սահմանակից Կիրանց գիւղի՝ սահմանազատուած մասին մէջ։ Կիրանցի քաղաքապետ Կամօ Շահինեան այս կապակցութեամբ յայտարարութիւններ ըրաւ «www.tert.am» կայքէջին։

Հանրապետութեան նախագահ Ռեճեփ Թայյիպ Էրտողան յայտարարեց, որ Թուրքիա ո՛չ Արեւմուտքի համար կռնակը կը դարձնէ Արեւելքին եւ ոչ ալ Արեւելքի համար անփոյթ կը գտնուի Արեւմուտքի դէմ։

Ամերիկայի Միացեալ Նահանգներու պետական քարտուղարութեան բանբեր Մեթիու Միլըր յայտնեց, որ Հայաստան եւ Ատրպէյճան անհաւանական յառաջընթաց արձանագրած են, բանակցութիւններուն մէջ երկար ճանապարհ անցած են, յամենայնդէպս, ենթադրեալ խաղաղութեան պայմանագրին հասնիլը կողմերէն կը պահանջէ կարգ մը բարդ ընտրութիւններ եւ դժուար զիջումներ կատարել։

Այս առաւօտ հաճոյքն ունեցանք խմբագրատանս մէջ հիւրընկալելու սփիւռքահայ յայտնի մտաւորական՝ տքթ. Յակոբ Այնթապլեանը, որ վերջին տարիներուն Հայաստան հաստատուած է եւ այս օրերուն ձեռնարկի մը առթիւ քաղաքս կը գտնուի։ Այցելութեան ընթացքին իրեն ընկերացան Երեւանէն՝ լրագրող Վահագն Զաքարեան եւ մեր համայնքէն մեներգիչ Արթիւր Պաղտասարեան, որ կ՚ուղեկցի իրեն։