Արխիւ

Երէկուան մեր րըբօրթաժին մէջ Գումգաբուի ամենէն հին ձկնորսներէն Գրիգոր րէիսի խօսքը ըրած էինք: Այս ազգասէր եւ բարեսիրտ անձը օրինակելի զաւակներ պարգեւած է համայնքիս:

Գատըգիւղի Արամեան-Ունճեան վարժարանին մէջ առաջին դասարանի փոքրիկներու ընթերցման տօնը մեծ խանդավառութեան առիթ դարձաւ։ Ուսուցչուհի Վերա Հեմենկիւլի հսկողութեան ներքեւ պատրաստուած էր հանդէսին յայտագիրը, որու ընթացքին փոքրիկները ծափահարութիւններու արժանացան իրենց յաջող ելոյթներով։

ԱՆՈՒՇ ԹՐՈՒԱՆՑ

Ակնը՝ հայ գրչութեան նշանաւոր կեդրոններէն մէկը, այսօր իր յիշատակները կը պարզէ գիրքերու էջերէն: Հայոց կորսուած աշխարհներէն է Ակնը, իրմէ անբաժան են հայոց պատմութեան նշանակալի դրուագներ, հռչակաւոր անուններ եւ իրադարձութիւններ:

ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ

«Թզենիէն առակ մը սորվեցէք. երբ անոր ոստերը կը կակուղնան եւ տերեւները կը ցցուին, կը հասկնաք թէ՝ ամառը մօտ է». (ՄԱՐԿ. ԺԳ 28)։
Բնութիւնը ուսուցի՛չ է։ Ծառերը եւ բոյսերը իրենց վրայ կը կրեն համապատասխան եղանակի նախանշանները շատ աւելի կանուխ, քան այն յայտնի կը դառնայ։

ԱՐԱ ԳՕՉՈՒՆԵԱՆ

Խնդիր մը, որու կապակցութեամբ Պատրիարքական Աթոռը այլեւս պէտք է դադրի լռութիւն պահելէ:
Տ. Շիրվան Քհնյ. Միւրզեան ընկերային ցանցերու վրայ հանդէս կու գայ զգայացունց եւ գայթաղեցուցիչ յայտարարութիւններով:

Տ.Տ. Գարեգին Բ. Ամենայն Հայոց Կաթողիկոսը երէկ մէկտեղուեցաւ՝ Մայր Աթոռ Սուրբ Էջմիածնի մէջ վերապատրաստման դասընթացքներու մասնակից եկեղեցականներու հերթական խումբին հետ։

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ ընդունեց յայտնի պղնձագործ Գարեգին Քայա Քալայճըն, որ Գումգաբու փութացած էր նուիրելու համար իր գիրքերը։ Ան համբաւ ձեռք բերած է իր վարպետութեամբ եւ այդ հիման վրայ հրատարակուած են երկու գիրքեր, որոնք իր արհեստն ու արուեստը խոշորացոյցի տակ կը բերեն։

Գալֆաեան տան խնամակալութիւնը երէկ ընկերային ցանցերու վրայ ամփոփ լուսաբանութիւնով մը հանդէս եկաւ՝ դպրոցի ապագային վերաբերեալ շրջանառութեան մէջ մտած լուրերուն մասին։ Երէկ արձագանգ հանդիսացած էինք, որ Հոգեգալստեան տօնին ժամանակ Պէյօղլուի սուրբ եկեղեցեաց թաղային խորհուրդի ատենապետ Աքսէլ Թոփալեան յայտնած էր, որ յառաջիկայ տարի դպրոցը պիտի վերածուի մանկապարտէզի եւ աշակերտները պիտի ուղարկուին Գատըգիւղի Արամեան-Ունճեան վարժարանը։

Հայաստանի Անվտանգութեան խորհուրդի քարտուղար Արմէն Գրիգորեան երէկ շփումներ ունեցաւ Տոհայի մէջ, ուր տեսակցեցաւ նաեւ Քաթարի ղեկավարութենէն դէմքերու հետ։ Ան կը մասնակցի Տոհայի Համաշխարհային անվտանգութեան ֆորումին, որու ծիրէն ներս այլ երկկողմանի յարաբերութիւններ ալ կ՚ունենայ։