Լրահոս

ԷՕԶԿԻՒՐ ԷՕԶԷԼ ՎԵՐԸՆՏՐՈՒԱԾ

Գլխաւոր ընդդիմադիր քաղաքական ուժը վերահաստատեց վստահութիւնը կուսակցապետին նկատմամբ:
Պետական աւագանին բուռն ձեւով հակազդեց ՃՀՓ-ի համագումարին հնչած՝ հերձատիրութեան որակումներուն:

«Doing Digital Forum 2025»ի քննարկումներ Երեւանի մէջ. «Ապագայի փողը, տնտեսական ազդեցութիւնները»:
Նոր իրականութեան արժեւորում՝ միջազգային դէմքերու, պետական պաշտօնատարներու եւ մասնագէտներու մասնակցութեամբ:

ՖՈՆ ՏԷՐ ԼԷՅԷՆ. «ՀԱՅԱՍՏԱՆԻ՝ ԹՈՒՐՔԻՈՅ ԵՒ ԱՏՐՊԷՅՃԱՆԻ ՀԵՏ ՍԱՀՄԱՆՆԵՐՈՒ ԲԱՑՈՒՄԸ ԿԸ ՓՈԽԷ ԽԱՂԻ ԿԱՆՈՆՆԵՐԸ»

Եւրոյանձնաժողովի նախագահ Ուրսուլա ֆոն տէր Լէյէն յոյս ունի, թէ Թուրքիոյ, Ատրպէյճանի եւ Հայաստանի միջեւ սահմաններու բացումը նոր հնարաւորութիւններ կը ստեղծէ Եւրոպայի եւ Կեդրոնական Ասիոյ միջեւ համագործակցութեան համար։ Իր խօսքով՝ Հայաստանի՝ Թուրքիոյ եւ Ատրպէյճանի հետ սահմաններու բացումը կը փոխէ խաղի կանոնները։

ԹՐԱՄՓ ԱՆՀԱՄԲԵՐ ԿԸ ՍՊԱՍԷ ԵՐԵՒԱՆ-ՊԱՔՈՒ ԽԱՂԱՂՈՒԹԵԱՆ ՊԱՅՄԱՆԱԳՐԻ ՍՏՈՐԱԳՐՄԱՆ

Ուաշինկթընի ղեկավարութիւնը անհամբեր կը սպասէ Երեւան-Պաքու խաղաղութեան պայմանագրի ստորագրման։ «Ազատութիւն» ռատիոկայանի հաղորդումներով, Ամերիկայի Միացեալ Նահանգներու պետական քարտուղարութեան ուժանիւթային պաշարներու պետական գրասենեակի աւագ խորհրդական Էրիք Ճէյքըփ այս մասին տեղեկացուց՝ Ատրպէյճանի կառավարութեան կողմէ կազմակերպուած, ուժանիւթի հարցերով հաւաքի մը ընթացքին։

ՀԱՔԱՆ ՖԻՏԱՆ ԵՒ ՏԷՅՎԻՏ ԼԵՄԻ ՏԵՍԱԿՑԵՑԱՆ ՊՐԻՒՔՍԷԼԻ ՄԷՋ

Արտաքին գործոց նախարար Հաքան Ֆիտան երէկ կարեւոր հանդիպում մը ունեցաւ Անգլիոյ արտաքին գործոց նախարար Տէյվիտ Լեմիի հետ։ Տեսակցութիւնը տեղի ունեցաւ Պրիւքսէլի մէջ, ուր Ֆիտան եւ Լեմի կը գտնուէին ՆԱԹՕ-ի անդամ երկիրներու արտաքին գործոց նախարարներու հաւաքին մասնակցելու նպատակով։

ՃՀՓ ԱՅՍ ՇԱԲԱԹԱՎԵՐՋԻՆ ԱՐՏԱՀԵՐԹ ՀԱՄԱԳՈՒՄԱՐԻ Կ՚ԵՐԹԱՅ

Գլխաւոր ընդդիմադիր ՃՀՓ-ի վերաբերեալ իրադարձութիւնները կը շարունակեն առաջնահերթօրէն զբաղեցնել Թուրքիոյ ներքին քաղաքական օրակարգը։ Իսթանպուլի գլխաւոր քաղաքապետ Էքրէմ Իմամօղլուի եւ այլ ՃՀՓ-ական քաղաքապետներու, նաեւ ուրիշ գործիչներու կալանաւորումով պայմանաւորուած գործընթացը երկրէն ներս արտասովոր մթնոլորտ մը ստեղծած է։