Հայաստանի Արտաքին գործոց նախարար Արարատ Միրզոյեան երէկ յայտնեց, որ Թուրքիա՝ Անթալիայի դիւանագիտական ֆորումի մասնակցութեան համար հրաւէր ուղարկած է իրեն եւ Ռուբէն Ռուբինեանին, որ Երեւանի յատուկ ներկայացուցիչն է Անգարայի հետ յարաբերութիւններու բնականոնացման գործընթացին մէջ։ Իր խօսքով՝ Անթալիայի դիւանագիտական ֆորումին մասնակցելու շուրջ հայկական կողմի որոշումը մեծապէս կախում կ՚ունենայ՝ յատուկ ներկայացուցիչներու յառաջիկայ հանդիպումներու արդիւնքներէն։
Պէյրութի «Ազդակ» օրաթերթի գլխաւոր խմբագիր Շահան Գանտահարեանի յայտարարութիւնները՝ «Արմէնփրէս» գործակալութեան:
«Լիբանանահայութեան լայն բաժին կը վիճակի երկրի առկայ տագնապէն, համայնքի անդամները կը դիտարկեն Հայաստան հաստատուելու հեռանկարը»:
«Ատրպէյճանի հետ խաղաղութեան պայմանագիր կնքելը եւ Թուրքիոյ հետ յարաբերութիւններու կարգաւորումը մեր նպատակներու շարքին են»:
Վարչապետ Նիկոլ Փաշինեան երէկ Հայաստանի Ազգային ժողովի ամպիոնէն յայտնեց, որ Երեւան պատրաստ է առարկայական, յստակ խօսակցութիւններ ծաւալել:
Արտաքին գործոց նախարար Մեւլիւտ Չավուշօղլուի եւ Ամերիկայի Միացեալ Նահանգներու պետական քարտուղար Էնթընի Պլինքընի վերջին հեռախօսազրոյցին արձագանգները կը շարունակուին։ Պաշտօնական աղբիւրները հաղորդած էին, որ անոնք անդրադարձած են Թուրքիա-Հայաստան յարաբերութիւններու կարգաւորման գործընթացին։
Ռուսաստանի Արտաքին գործոց նախարարութիւնը երէկ արձագանգեց՝ նախօրէին Ատրպէյճանի կողմէ եւս 8 ռազմագերիի Հայաստան վերադարձուելուն։ Այսպէս, Մոսկուա կարեւոր կը համարէ հնարաւորինս շուտ աւարտել պահուած անձերու փոխանակումը՝ բոլորը բոլորին դիմաց սկզբունքով։
Ատրպէյճանի Արտաքին գործոց նախարար Ճէյհուն Պայրամով յայտարարեց, որ անհրաժեշտ է սահմանազատման եւ սահմանագծման հարցը լուծել՝ Հայաստանի հետ յարաբերութիւններու կարգաւորման համար։ Իր խօսքով՝ Պաքու պատրաստ է անվերապահօրէն Երեւանի հետ ձեռնարկել համապատասխան գործընթացին։
Լիպիոյ վարչապետ Ապտիւլհամիտ էլ Տիպէյպէի դէմ այս առաւօտ մահափորձ մը կատարուած է։ Մայրաքաղաք Թրապլուսի մէջ զինեալ յարձակման ենթարկուեցաւ վարչապետին ինքնաշարժը։
Թրքական պետութիւններու կազմակերպութեան աւագներու խորհուրդի 12-րդ ժողովը՝ Իսթանպուլի մէջ:
«Հիմնական նպատակներու շարքին են անդամ երկիրներու միջեւ համարկումը, ներդաշնակութիւնը թէ՛ առեւտուրի ու փոխադրութեան եւ թէ հաղորդակցութեան զարգացումը՝ ըստ ղեկավարներու կողմէ որդեգրուած ուղղութեան»:
Ատրպէյճանի նախագահ Իլհամ Ալիեւ երէկ հիւրընկալեց «Պայրաքթար» հոլտինկի ընդհանուր տնօրէն Հալուք Պայրաքթարն ու թեքնոլոժիի գծով ղեկավար Սելչուք Պայրաքթարը, որոնք այցելեցին Պաքու։ Ծանօթ է, որ Սելչուք Պայրաքթար Հանրապետութեան նախագահ Էրտողանի փեսան է։
Մարմնի անդամներն ու զգայարանքները կու գան մարդուն համար կերտել ներաշխարհ մը՝ իրենց բազմակողմանի դերակատարութիւններով ու թերացումներով։ Վերիվայրումներն ու մաքառումները միշտ ուղեկից են այդ ներաշխարհին։
