Լրահոս

Պրիւքսելի եռակողմ հանդիպումը եւս ծրարային բովանդակութիւն քննարկեց: Արցախ-Ատրպէյճան, Հայաստան-Ատրպէյճան հակամարտութիւններ եւ անշուշտ՝ տարածաշրջանային համագործակցութիւններ ներառած է:

Երեւանի Պետական համալսարանը (ԵՊՀ) արդէն ունի նոր վերատեսուչ մը. յանձին՝ Յովհաննէս Յովհաննիսեանի։ ԵՊՀ-ի հոգաբարձուներու խորհուրդը երէկ կատարեց նոր վերատեսուչի ընտրութիւնը եւ այդ պաշտօնին կոչեց Յովհաննէս Յովհաննիսեանը, որ վերջին շրջանին արդէն ժամանակաւոր պաշտօնակատարի կարգավիճակով կը գլխաւորէր այս կարեւոր գիտական կառոյցը։

Երեւանի մէջ, Մատենադարանի երդիքին տակ բացուեցաւ յայտնի նկարիչ, քանդակագործ, ճարտարապետ ու արուեստաբան Վան Խաչատուրի (Վանիկ Խաչատուրեան) ծննդեան 90-ամեակին նուիրուած ցուցահանդէս մը։ Երախտաշատ գործունէութիւն ծաւալելէ վերջ ան մահացած էր 2019 թուականին։

Մեծ քաղաքը խտութիւն է, բազմութիւն ու ժխոր… Պոլիսը, իր հերթին, ի՛նչ խօսք՝ ծովով հատուած, պատկառելի…
Մեծ քաղաքը կրնաս իւրացնել, եթէ գիտես այնտեղ կեանքէն թաքնուելու պահեր գտնելու ձեւերը, հնարքները՝ այն աստիճան, որ զգաս կորսուած, նոյնիսկ մեկուսացած, բայց ո՛չ երբեք մոլորուած։

Հայաստանի Հանրապետութեան նախագահ Արմէն Սարգսեան երէկ այցելութիւն մը տուաւ Երեւանի մօտ Վատիկանի Ս. Աթոռի դիւանագիտական ներկայացուցչութիւնը, որու պաշտօնական բացումը տեղի ունեցած էր վերջերս։ Այս առթիւ ան ջերմ մթնոլորտի մը մէջ հիւրընկալուեցաւ Ս. Աթոռի առաքելական նուիրակ արքեպիսկոպոս Ժոզէ Աւելինու Պեթանփուրի կողմէ։

Երեւանի եւ Պաքուի ղեկավարութիւնները վերահաստատեցին Երասխ-Ջուլֆա-Օրտուպատ-Մեղրի-Հորատիզ երկաթուղիի կառուցման վերաբերեալ որոշումը:
Հայաստանի վարչապետ Փաշինեան եւ Ատրպէյճանի նախագահ Ալիեւ Պրիւքսելի մէջ դարձեալ մէկտեղուեցան՝ այս անգամ Ֆրանսայի Հանրապետութեան նախագահ Մաքրոնի միջնորդութեամբ:

Արտաքին գործոց նախարար Մեւլիւտ Չավուշօղլու յայտարարեց, որ Թուրքիա-Հայաստան յարաբերութիւններու բնականոնացման գործընթացէն ներս Անգարայի կողմէ՝ որպէս յատուկ ներկայացուցիչ պաշտօնի կոչուելիք անունը արդէն յայտնի է։ Այսպէս, այդ առաքելութիւնը պիտի իրականացնէ փորձառու դիւանագէտ մը՝ Սերտար Քըլըչ, որ եղած է Ուաշինկթընի մօտ Թուրքիոյ նախկին դեսպանը։

Հայաստանի Ազգային անվտանգութեան խորհուրդի քարտուղար Արմէն Գրիգորեան Ուաշինկթընի մէջ հանդիպում մը ունեցաւ Սպիտակ տան Ազգային անվտանգութեան գծով խորհրդական Ճէյք Սալըվընի հետ։

Վանի շրջանէն ներս, Մուրատիյէ, Սուրբ Ստեփանոս հայկական պատմական եկեղեցւոյ մատնուած անմխիթար վիճակը տեղական մամուլի ուշադրութեան առարկայ դարձած է։

Սոչիի գագաթէն վերջ Շարլ Միշել երէկ Պրիւքսելի մէջ մէկտեղեց Նիկոլ Փաշինեանն ու Իլհամ Ալիեւը:
Տարածաշրջանային հաղորդակցութիւններու ապաշրջափակման հարցերը միջազգային օրակարգի վրայ կը դառնայ առաջնահերթ: