Լրահոս

Վենետիկի Ս. Ղազար կղզիին մէջ վերջին օրերուն տեղի ունեցաւ «Աւրորա» համաշխարհային մարդասիրական տարեկան մրցանակի պարգեւատրման արարողութիւնն ու յարակից կարգ մը ձեռնարկներ։

Օրթագիւղի Ս. Աստուածածին եկեղեցւոյ թաղային խորհուրդի կազմի վերանորոգութեան համար երէկ կատարուած ընտրութեան 3 հազար 527 հոգի մասնակցեցաւ։ Բացի Օրթագիւղէն, քուէատուփեր տեղադրուած էին նաեւ Ֆէրիգիւղի, Սամաթիոյ, Գումգաբուի եւ Ենիգիւղի մէջ։

Փաշինեան. «Ատրպէյճան մտադիր է Հայաստանի նոր տարածքներ գրաւել, ինչ որ պէտք է կանխել»:
Հայաստանի, Ռուսաստանի եւ Ատրպէյճանի արտաքին գործոց նախարարները՝ Միրզոյեան, Լաւրով եւ Պայրամով երէկ հանդիպում մը ունեցան Աստանայի մէջ: Քրեմլին եռակողմանի նոր գագաթաժողով մը կազմակերպելու հետամուտ:

Հանրապետութեան նախագահ Ռեճեփ Թայյիպ Էրտողան երէկ հանդիպում մը ունեցաւ Ռուսաստանի նախագահ Վլատիմիր Փութինի հետ։ Երկու երկիրներու ղեկավարները կը գտնուէին Աստանայի մէջ, ուր մասնակցեցան Ասիոյ համագործակցութեան եւ փոխադարձ վստահութեան ուղղեալ նախազգուշական միջոցներու խորհրդաժողովին։

Անկախ պետութիւններու համագործակցութեան (ԱՊՀ) շրջանակներէն ներս այս օրերուն Աստանայի մէջ տեղի կ՚ունենան կարեւոր հանդիպումներ, որոնք, միեւնոյն ժամանակ, հարթակ կը հանդիսանան նաեւ Հարաւային Կովկասի իրադրութիւնը ամենաբարձր մակարդակի վրայ քննարկելու համար։

92-րդ ընդհանուր ժողովին Կեդրոնական վարչութեան նախագահին ելոյթը. «ՀԲԸՄ կը յատկանշուի իր ստեղծարար ոգիով, կենսունակութեամբ եւ ապագային յարած բնոյթով»:
«Դիմակայելու պատրաստ ենք առկայ մարտահրաւէրներուն դիմաց, որովհետեւ կը քաջալերենք նորարարութիւնը, համահունչ ենք զանազան սերունդներու պահանջներուն եւ քայլ կը պահենք յարափոփոխ ժամանակներուն հետ»:

Օրթագիւղի Սուրբ Աստուածածին եկեղեցւոյ թաղային խորհուրդի ընտրութեան ընդառաջ Սպիտակ ցանկի ներկայացուցիչները երէկ խմբագրատունս այցելեցին:
Մատակարար մարմնի գործող կազմի ատենապետ Իսքէնտէր Շահինկէօզ եւ գործակից ընկերները շաբաթավերջի քուէարկութեան սեմին ի ցոյց կը դնեն իրենց գործունէութեան հաշուեկշիռը:

Արտաքին գործոց նախարար Մեւլիւտ Չավուշօղլու երէկ հեռուստակայանի մը տուած հարցազրոյցին մէջ յայտարարեց, որ Փրակի մէջ Հանրապետութեան նախագահ Ռեճեփ Թայյիպ Էրտողանի եւ Հայաստանի վարչապետ Նիկոլ Փաշինեանի միջեւ տեղի ունեցած հանդիպումը դրական կը համարուի։ Նոյն հարցազրոյցին մէջ նախարարը Թուրքիոյ կողմէ Հայաստանին ուղղեալ դրական ժեսթեր նկատած է օդային մարզի բացումն ու ուղիղ թռիչքներուն սկսիլը։

Եւրոմիութեան անդամ երկիրներու դեսպանները համաձայնութիւն գոյացուցին, որպէսզի Հայաստան ուղարկուի քաղաքացիական առաքելութիւն մը, որ պիտի տեղակայուի Ատրպէյճանի հետ սահմանի երկայնքով՝ վստահութիւնը ամրապնդելու եւ սահմանազատման աշխատանքներուն նպաստելու համար։

ՀԲԸՄ-ի Երեւանի մէջ կազմակերպուած 92-րդ ընդ. ժողովի եզրափակիչ յայտարարութեան մէջ ընդգծուեցաւ հայ ժողովուրդի գոյապահպանումի հազարամեայ անկոտրում բնազդը:
«Համագումարը կը յայտնէ իր անխախտ զօրակցութիւնը Հայց. Առաքելական Ս. Եկեղեցւոյ նկատմամբ, որ կը պահպանէ մեր հոգեւոր ժառանգութիւնը եւ կը բնորոշէ մեր դիմագիծը ազգերու ընտանիքէն ներս»: