Երուսաղէմի Հայոց Պատրիարքարանը շաբաթավերջին խումբ մը ծայրայեղականներու յարձակման ենթարկուեցաւ:
Հայկական թաղամասի վերջին օրերու անհանգստութիւնը գագաթնակէտին հասաւ՝ Սուրբ Աթոռի թիրախաւորումով. դիւանապետին կողմէ լուսաբանութիւն:
Եգիպտոս պատրաստակամութիւն կը յայտնէ Հայաստանի եւ Ատրպէյճանի միջեւ չէզոք միջնորդի դեր ստանձնելու ուղղութեամբ:
Ապտիւլֆեթթահ Էլ Սիսի. «Միայն ռազմական ուժը երբեք բաւարար չէ եղած տեւական, համապարփակ եւ արդար խաղաղութեան հասնելու համար»:
Ուաշինկթընի ղեկավարութիւնը կը շարունակէ անմիջական ուշադրութիւն ցուցաբերել Լաչինի միջանցքի շրջափակման եւ Արցախի պաշարման նկատմամբ։ Ամերիկայի Միացեալ Նահանգներու պետական քարտուղարի Եւրոպայի եւ Եւրոասիոյ գծով տեղակալ Քերըն Տոնֆրիտ յայտարարեց, որ Լաչինի միջանցքին շուրջ առկայ իրավիճակը կը խոչընդոտէ Հայաստան-Ատրպէյճան խաղաղութեան գործընթացի յառաջխաղացումը։
Իրանէն շաբաթավերջին հասան՝ անօդաչու թռչող սարքերով կատարուած յարձակումի մը վերաբերեալ ուշագրաւ լուրեր։ Այսպէս, անօդաչուներով յարձակում մը կատարուած է Իրանի զինամթերքի գործարաններէն մէկուն վրայ՝ Սպահան քաղաքին մէջ, յունուարի 28-ի կէս գիշերին, ժամը՝ 23.30-ին։
Եգիպտոսի նախագահ Ապտիւլֆեթթահ Էլ Սիսի երէկ ձեռնարկեց տարածաշրջանային այցելութեան մը՝ դէպի Հարաւային Կովկաս։ Իր ուղեւորութեան առաջին հանգրուանը հանդիսացաւ Պաքուն, ուր ան երէկ ընդունուեցաւ Ատրպէյճանի նախագահ Իլհամ Ալիեւի կողմէ։
Մինչ Եւրոպական Միութիւնը կը պատրաստուի դէպի Հայաստան-Ատրպէյճան սահմանը ուղարկել դիտորդական առաքելութիւն մը, Ռուսաստան երէկ պաշտօնապէս արձագանգեց այս նախաձեռնութեան։ Մոսկուա-Պրիւքսել առանցքին վրայ այս նիւթը դարձած է բաւական խնդրայարոյց։
Ռուսաստանի Արտաքին գործոց նախարարութեան բանբեր Մարիա Զախարովա յայտարարեց, որ Մոսկուա Լաչինի միջանցքին մէջ իրավիճակը կարգաւորելու համար կը շարունակէ աշխոյժ ջանքեր գործադրել։
Արցախի պաշարումով պայմանաւորուած մթնոլորտին մէջ Երեւանի ղեկավարութիւնը կը ջանայ բոլոր հարթութիւններու վրայ իր պատգամը հասցնել միջազգային հանրութեան:
Նախարար Արարատ Միրզոյեան. «Ատրպէյճան կ՚ակնկալէ, որ Հայաստան միայն ընդունի իր պահանջները եւ ուզածը չստանալու պարագային կ՚օգտագործէ ամէն միջոց՝ մինչեւ ուժի կիրառում»:
Հանրապետութեան նախագահ Ռեճեփ Թայյիպ Էրտողան երէկ Պեշթեփէի մէջ հիւրընկալեց Հիւսիսային Իրաքի Քրտական Ինքնավարութեան ղեկավար Նեչիրվան Պարզանին, որ շփումներ ունեցաւ Անգարայի մէջ։
Հայաստանի վարչապետ Նիկոլ Փաշինեան երէկ առաւօտ կառավարութեան նիստի ընթացքին հերթական անգամ անդրադարձաւ Արցախի շրջափակման. «Պաքուի ծրագիրը հետեւեալն է. քանի մը օրով բանալ Լաչինի միջանցքը՝ ակնկալելով, որ Լեռնային Ղարաբաղի հայերը լքեն իրենց տուները, ապա կրկին փակել, այսպէս շարունակ՝ մինչեւ որ վերջին հայը լքէ Արցախը»։
