Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ ընդունեց Կէտիկփաշայի Ս. Յովհաննէս եկեղեցւոյ թաղային խորհուրդի անդամները՝ գլխաւորութեամբ ատենապետ Մանուկ Գալայճըի։ Ներկայ էր նաեւ Տ. Տրդատ Աւ. Քհնյ. Ուզունեան։
Պէյօղլուի Թոքաթլեան խանին մէջ երէկ բացուեցաւ «Բաց դռներ» խորագրեալ մեծ ցուցահանդէս մը, որ պիտի շարունակուի մինչեւ դեկտեմբերի 20-ը։ Թոքաթլեան խանի երդիքին տակ բազմաթիւ արուեստագէտներ գործունէութիւն կը ծաւալեն եւ այնտեղ ունին աշխատանոցներ։
Գատըգիւղի Արամեան-Ունճեան վարժարանի աւարտական դասարանի աշակերտները այս տարի եւս մասնակցեցան թաղի Ս. Թագաւոր եկեղեցւոյ տօնածառի յարդարման։ Տնօրէնուհի Թալին Պէրպէրօղլուի գլխաւորութեամբ եւ ուսուցչուհիներէն Աննա Սարը Սեչքինի ուղեկցութեամբ տղաքը խանդավառ մթնոլորտի մը մէջ զարդարեցին եկեղեցւոյ տօնածառը։
Երէկ հաճոյքն ունեցանք խմբագրատանս մէջ հիւրընկալելու Եշիլգիւղի Ս. Ստեփանոս եկեղեցւոյ թաղային խորհուրդի ատենապետ Հապիպ Էօզֆուրունճուն եւ կազմի սիւներէն՝ Նուրիձա Կէզէրն ու Մուրատ Կէօրէյը։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ Գումգաբուի մէջ հիւրընկալեց Շիշլիի նախկին քաղաքապետ Հայրի Ինէօնիւն։ Հարկ է նշել, որ յառաջիկայ տարի նախատեսուած տեղական ինքնակառավարման մարմիններու ընտրութիւններուն համար Հայրի Ինէօնիւ դարձեալ առաջադրած է իր թեկնածութիւնը։
Թրքահայ վաքըֆներու միութիւնը (ԹՎՄ-ERVAB) երէկ երեկոյեան 2023 թուականի վերջին ժողովը գումարեց Սուրբ Փրկիչ Ազգային հիւանդանոցի «Կոմիտաս» սրահին մէջ։ Տարեվերջի այս ժողովին մասնակցեցաւ նաեւ Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան։
Թրքահայ վաքըֆներու միութիւնը (ԹՎՄ-ERVAB) այսօր կը գումարէ ներկայ տարուան վերջին ժողովը։ Նիստին կը մասնակցի նաեւ Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան։
Գալֆաեան տան հիմնադրութեան 157-րդ տարեդարձը շաբաթավերջին մեծ ոգեւորութեամբ նշուեցաւ մեր համայնքէն ներս։ Տարեդարձին զուգահեռ՝ երէկ տեղի ունեցաւ նաեւ հաստատութեան ի նպաստ տարեկան աւանդական սիրոյ սեղանը։
Կեդրոնականի ընտանիքը երէկ մեծ խանդավառութեամբ համակուած էր աւանդական բաժակի օրուան առթիւ։ Շրջանաւարտից տարեկան հաւաքը տեղի ունեցաւ դպրոցին մէջ։
Պէյօղլուի ընտանիքը Ամանորի ընդառաջ Էսաեան վարժարանին ի նպաստ կազմակերպուած քէրմէսով մը հիւրընկալեց համայնքային շրջանակները։ Շաբաթավերջին բացուեցաւ քէրմէսը, որ իր աւարտին կը հասնի այսօր։
