Թրքահայ կեանք

Թոփգաբուի ընտանիքը աւանդական խանդավառութեամբ կը դիմաւորէ 2025 թուականը։ Թաղի Լեւոն-Վարդուհեան վարժարանին մէջ նախընթաց օր տեղի ունեցաւ Կաղանդի հանդէս մը, որ թատերաբեմը հանդիսացաւ ընտանեկան անմիջականութեան եւ ուրախութեան մթնոլորտի։

Մխիթարեան վարժարանի մէջ Ամանորի շրջանին ստեղծուեցաւ մեծ խանդավառութիւն։ Մանկապարտէզի փոքրիկներու հանդէսը առանձնապէս ուշագրաւ էր՝ քանի անոնց երկարատեւ պատրաստութիւնները պսակուեցան բացառիկ յաջողութեամբ։

Նոր տարին նոր յոյսերով կը լեցնէ մեր սրտերը: Բարի օրերու եւ յաջողութեան երազանքը կը տիրէ ամէնուրեք:
Նոր տարին դիմաւորելը պճնազարդ կաղանդի ծառերով, խրախճանքի սեղաններով եւ լուսաւորուած փողոցներով, սրահներով, զմայլելի արարողութիւններով ու գոյնզգոյն նուէրներով՝ արտայայտութիւնն է այս լաւատես ակնկալութեանց:

ՊԻԱՆՔԱ ՍԱՐԸԱՍԼԱՆ

Իւրաքանչիւր տարին կը սպասենք նոր սպասումներով, յոյսերով, երազներով։ Այնուամենայնիւ, յաճախ հիասթափութեան պատճառ կը դառնան մեր ակնկալիքները՝ այլ մարդոցմէ կամ ընդհանրապէս կեանքէն։

ԱՐՄԷՆ ՍԱՐՈՒԽԱՆԵԱՆ

Թուրքիոյ հայերուն համար կրթութիւնը միայն անհատական զարգացում մը չէ, այլ՝ մշակութային տեւականութեան կարեւոր միջոց մըն է։ Դպրոցները մեր մշակութային ինքնութեան պահպանման եւ փոխանցման հիմնասիւներն են։

ՄԱՐԱԼ ԷՊԷՕՂԼՈՒ ՍԱԹԱՐ

Նոր տարին շատերս պիտի դիմաւորենք մեր տուներուն մէջ, ընտանեկան յարկի տակ՝ համախմբուելով տօնական սեղաններու շուրջ, անցեալի ապրումները շալկած ու նոր ապրումներու ճամբայ բանալով։ Ինչպէս ամէն տարի, այս տարի ալ նոր սպասումներու, փափաքներու, մաղթանքներու, յոյսերու ցանկով 365 օրը կը սկսի։

Գատըգիւղի ընտանիքը Նոր տարին կը դիմաւորէ աւանդական ոգեւորութեամբ ու բարձր տրամադրութեամբ։ Թաղի Արամեան-Ունճեան վարժարանի Կաղանդի հանդէսը այս ամբողջին մէջ առանձնացաւ՝ ստեղծուած ջերմ մթնոլորտով։

Ս. Խաչ դպրեվանքի ընտանիքը աւանդական խանդավառ հաւաքոյթով մը ողջունեց Ամանորը։ Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեանի հովանաւորութեան ներքեւ, դպրոցի ճաշարանին մէջ տեղի ունեցաւ դպրեվանքցիներու աւանդական Կաղանդի հանդիսութիւնը, որու ընթացքին բարձր տրամադրութիւն ստեղծուեցաւ։

Շիշլի մարզակումբի ընտանիքը շատ խանդավառ մթնոլորտի մը մէջ կը դիմաւորէ Նոր տարին։ Շիշլիցիներուն համար այս տարիները արտասովոր նշանակութիւն ունին, որովհետեւ ակումբը կ՚ընթանայ դէպի հիմնադրութեան 100-ամեակը։

Շաբաթ երեկոյեան, Պէյօղլուի Ս. Երրորդութիւն եկեղեցւոյ մէջ տեղի ունեցաւ Լուսաւորիչ դպրաց դաս-երգչախումբի մանկապատանեկան կազմի համերգը, որու պատուոյ հիւրն էր Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան։ Հրանդ Չիզմէճեանի մականին ներքեւ տղաքը փայլուն յաջողութիւն մը արձանագրեցին՝ արժանանալով բոլոր ունկնդիրներու ծափահարութիւններուն։