Շիշլի մարզակումբը հետեւողական ջանքեր կը գործադրէ՝ անցեալի իր վաստակեալներու յիշատակին նկատմամբ երախտագիտական թերացումներ չընելու համար։ Այս ամբողջին մէջ կ՚առանձնանայ ակումբի անմոռանալիներէն հոգելոյս Կարօ Գալէնտէրի ի յիշատակ կազմակերպուած պասքեթպոլի մրցաշարքը, որու հերթականը վերջին օրերուն տեղի ունեցաւ Գնալը կղզիի մէջ։
Շիշլի մարզակումբի ֆութսալի կազմը ձեռնունայն վերադարձաւ Մենչըսթըրէն, ուր Եւրոպայի ախոյեաններու լիկի նախաորակաւորման փուլի հանդիպումներուն մասնակցեցաւ՝ որպէս Թուրքիոյ ներկայացուցիչը։
Ֆութսալի Եւրոպայի ախոյեաններու լիկի նախաորակաւորման փուլի հանդիպումներու ծիրէն ներս, երէկ, Շիշլի մարզակումբը 6-2 արդիւնքով ծանր պարտութիւն մը կրեց Մենչըսթըրի խումբին դիմաց։
Գնալը կղզիի ջրային մարզակումբի համալիրէն ներս երէկ երեկոյեան տեղի ունեցաւ ընթրիք մը, որ համախմբեց բարձրաստիճան դիւանակալներ եւ փոքրամասնութեանց շրջանակներէն ներկայացուցիչներ։ «Բարեկամութեան ընթրիք» կոչուած էր այս հաւաքոյթը, որու ընթացքին ստեղծուեցաւ դրական մթնոլորտ եւ բարձր տրամադրութիւն։
Շիշլի մարզակումբի ֆութսալի կազմը երէկ Մենչըսթըրի մէջ հանդիպում մը ունեցաւ «Tigers Roermond» խումբին հետ, որուն դիմաց 4-1 արդիւնքով պարտութիւն կրեց։
Շիշլի մարզակումբի ֆութսալի խումբը մեկնած է Մենչըսթըր, Անգլիա։ Ֆութսալի ախոյեաններու լիկի նախաորակաւորման փուլի հանդիպումներուն կը մասնակցին շիշլիցիները։ ՈՒԷՖԱ-ի այս կարեւոր մրցաշարքին Շիշլի արդէն երկրորդ անգամ կը մասնակցի՝ անընդմէջ երկու տարի Թուրքիոյ ախոյեանի տիտղոսը նուաճած ըլլալով։
Ամրան շրջանին Պատրիարքական Աթոռի հովանաւորութեամբ կազմակերպուած «Մենք երգ ենք» համերգաշարը երէկ երեկոյեան շարունակուեցաւ Մեծ կղզիի մէջ։ Գնալը կղզիի մէջ տեղի ունեցած ձեռնարկներէն վերջ, ծրագրի հերթական փուլը կեանքի կոչուեցաւ Մեծ կղզիի Ս. Աստուածածին հայ կաթողիկէ եկեղեցւոյ երդիքին տակ, ինչ որ մեծ խանդավառութիւն առթեց տեղւոյն հայութեան:
Համայնքային շրջանակները շաբաթավերջին ոգեկոչեցին բարեյիշատակ Նշան Եաղուպեանը՝ մահուան երկրորդ տարելիցին առթիւ։ Նշան Եաղուպեան, որ երկու տարի առաջ մահացած էր, ճարտարապետութեան բնագաւառին մէջ դարձած էր կենդանի առասպել մը, նաեւ իր կարեւոր նպաստը բերած՝ թրքահայ զանազան հաստատութիւններու։
Երէկ, Պաքըրգիւղի Ծն. Ս. Աստուածածին եկեղեցւոյ մէջ Վերափոխման տաղաւարին առթիւ ստեղծուեցաւ շատ խանդավառ մթնոլորտ։ Տօնակատարութիւններուն նախագահեց, տաղաւարի Ս. Պատարագը մատոյց եւ օրուան պատգամը տուաւ Տ. Արամ Արք. Աթէշեան, որ հաւատացեալներուն առատօրէն բաշխեց իր օրհնութիւնը։
Գնալըի բարձունքին Ս. Աստուածածնի վերափոխման տաղաւարը այս տարի եւս հոգեւոր ցնծութեան առիթ դարձաւ։ Ս. Գրիգոր Լուսաւորիչ եկեղեցւոյ մէջ երէկուան տօնակատարութիւններուն հանդիսապետեց Տ. Յարութիւն Վրդ. Տամատեան՝ մինչ հոծ թիւով հաւատացեալներ համախմբուեցան օրուան խորհուրդին շուրջ։
