Պաքըրգիւղի Տատեան վարժարանի «Տիգրան Կիւլմէզկիլ» սրահին մէջ, շաբաթավերջին տեղի ունեցաւ յատկանշական ձեռնարկ մը։ Համանուն սանուց միութեան կողմէ ձմրան շրջանին կազմակերպուած դասընթացքներու եզրափակիչ հանդէսը առիթ հանդիսացաւ մեծ խանդավառութեան։
Պէյօղլուի Լուսաւորիչ դպրաց դաս-երգչախումբը շաբաթավերջին հանդիսաւոր համերգով մը հանդէս եկաւ՝ իր հիմնադրութեան 95-ամեակին առթիւ։ Յոբելենական ձեռնարկը տեղի ունեցաւ Պէյօղլուի Ս. Երրորդութեան եկեղեցւոյ մէջ, ուր շաբաթ երեկոյեան երաժշտասէրներու հոծ բազմութիւն մը հաւաքուած էր։
Շիշլի մարզակումբի նախաձեռնութեամբ կազմակերպուած 2023-2024 շրջանի ձմրան դասընթացքները շաբաթավերջին եզրափակուեցան խանդավառ մթնոլորտի մը մէջ։ Ակումբի կեդրոնին, Գարակէօզեան տան եւ Տատեան վարժարանի մարզասրահներուն մէջ կազմակերպուած դասընթացքները այս տարի եւս պսակուեցան յաջողութեամբ։
Գալֆաեան տան մէջ առաջին դասարանի փոքրիկներու ընթերցման տօնը շաբաթավերջին մեծ խանդավառութեան առիթ հանդիսացաւ։ Տղաքը ամբողջ տարուան իրենց աշխատանքին արդիւնքը ներկայացուցին՝ արժանանալով ծափահարութիւններու:
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան շաբաթավերջին արարողութիւններուն նախագահեց Գուզկունճուքի Ս. Գրիգոր Լուսաւորիչ եկեղեցւոյ մէջ, ուր խօսեցաւ նաեւ քարոզ մը։
Երէկ երեկոյեան Ս. Խաչ դպրեվանքի մէջ տեղի ունեցաւ գեղարուեստական երեկոյթ մը, որու պատուոյ հիւրն էր Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան։ Դպրոցի թատրոնի ակումբի ջանքերով պատրաստուած ներկայացում մըն էր այս մէկը, որու առանցքին կը գտնուէր անմոռանալի նկարիչ Արշիլ Կորքի։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան Գումգաբուի «Պէզճեան» սրահին մէջ երէկ մէկտեղուեցաւ պոլսահայ վարժարաններու կրօնագիտութեան ուսուցիչներուն հետ, որոնք անցեալ շրջանին Պատրիարքարանի կողմէ կազմակերպուած վերապատրաստման դասընթացքներուն մասնակցեցան։
Սկիւտարի Ս. Խաչ եկեղեցւոյ մէջ երէկ երեկոյեան տեղի ունեցաւ համերգ մը, որու ընթացքին հանդէս եկան այն երիտասարդները, որոնք վերջին շրջանին կը մասնակցին տեղւոյն դպրաց դասու աշխատանքներուն։ Ձեռնարկը հովանաւորեց Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան։
Սամաթիոյ Սահակեան-Նունեան վարժարանին մէջ առաջին դասարաններու ընթերցման տօնը առիթ դարձաւ մեծ խանդավառութեան։ Թաղի «Հրաչեայ Աճառեան» սրահին մէջ կազմակերպուած հանդէսին մասնակցեցան նաեւ Սամաթիոյ ընտանիքի վարիչները։
Շիշլիի քաղաքապետ Ռեսուլ Էմրահ Շահան երէկ երեկոյեան հիւրընկալեց ԺԱՄԱՆԱԿ օրաթերթի գլխաւոր խմբագիր Արա Գօչունեանը։ Հանդիպման ներկայ էր նաեւ քաղաքապետարանի արտաքին յարաբերութիւններու յանձնաժողովի նախագահ Թալին Էրկիւնէշ-Կազէր։
