Երէկ երեկոյեան, Պատրիարքական տեղապահ Տ. Գարեգին Արք. Պէքճեան Պատրիարքարանի դահլիճին մէջ ընդունեց իսթանպուլահայ դպրաց դաս-երգչախումբերու ներկայացուցիչները։ Հանդիպման ներկայ էին Կրօնական ժողովի ատենապետ Տ. Սահակ Եպսկ. Մաշալեան եւ ժողովական հայրերէն Տ. Զաքէոս Ծ. Վրդ. Օհանեան եւ Տ. Գրիգոր Ա. Քհնյ. Տամատեան։
Տիրամայր Մարի Մութաֆեանի դէմ Գումգաբուի մէջ որդեգրուած դիրքորոշումը տեղի տուաւ աղմուկի մը:
Պատրիարքարանը կը հերքէ մամլոյ հրապարակումները, իսկ Տ. Արամ Արքեպիսկոպոս Աթէշեան՝ Պատրիարքարանը:
Երէկ, հաճոյքն ունեցանք խմբագրատանս մէջ հիւրընկալելու սփիւռքահայ երկու արժէքաւոր ակադեմականներ։ Այսպէս, մեր հիւրերն էին Վարագ Գեթսեմանեան եւ Հրակ Աւետանեան։
Պետրոս Շիրինօղլուի նախաձեռնութեամբ կարեւոր ժամադրութիւն Ս.Փ. Ազգային հիւանդանոցի մէջ:
Տեղապահ Տ. Գարեգին Արք. Պեքճեան շուրջ մէկուկէս ժամ տեսակցեցաւ Իսթանպուլի փոխ-կուսակալ Ազիզ Մերճանի հետ։ Ներկայ էր նաեւ Կրօնական ժողովի ատենապետ Տ. Սահակ Եպիսկոպոս Մաշալեան:
Նորին սրբազնութիւնը խնդրեց՝ որպէսզի պատրիարքական ընտրութեան վերաբերեալ կարգադրութիւնները արագացուին:
Գումգաբուի աղբիւրները երէկ տեղեկացուցին, որ տեղապահ Տ. Գարեգին Արք. Պեքճեանի տնօրինութեամբ Պատրիարքարանէն ներս կատարուած են կարգ մը նշանակումներ։
Պատրիարքական Աթոռի Կրօնական ժողովը նախընթաց օր գումարուեցաւ Պատրիարքական տեղապահ Տ. Գարեգին Արք. Պեքճեանի նախագահութեամբ։
Պէյքոզի Սուրբ Նիկողայոս եկեղեցւոյ թաղային խորհուրդին առընթեր ստեղծուած խորհրդատու յանձնախումբին բանբերը՝ Յարութիւն Շանլը, որ միեւնոյն ատեն VADİP-ի դիւանի ատենադպիրն է ու կը գլխաւորէ Կէտիկփաշայի Սուրբ Յովհաննէս եկեղեցւոյ թաղային խորհուրդը, բացառիկ հարցազրոյց մը տուաւ ԺԱՄԱՆԱԿ օրաթերթին, խօսելով պետութեան կողմէ վճարուած հատուցման գումարներու արժեւորման հեռանկարներուն շուրջ:
«Այս դրամը տրուած է ազգապատկան տարածքի ապասեփականացման բերումով։ Այժմ կ՚աշխատինք առաւել արդիւնաւէտութեամբ տնօրինել զայն։ Նպատակասլաց մօտեցումով յառաջ պիտի ընթանանք։ Յամենայնդէպս, գալիք սերունդներուն արժէք մը փոխանցելու տեսանկիւնէ յարմարագոյնն է նոր կալուած մը գնելը»:
Թրքահայութեան տեսակէտէ ճակատագրական այս միջոցները պիտի կառավարուին ամենայն նախանձախնդրութեամբ ու հեռատեսութեամբ: Մօտաւոր ապագային կը սպասուի եւս 916 հազար լիրայի, բացի Իսթանպուլի գլխաւոր քաղաքապետութենէն ակնկալուած փոխանցումէն: Իրաւաբան Ալի Էլպէյօղլուի հետ պիտի մշակուին աւելի սերտ կապեր:
Երէկ, Պատրիարքական տեղապահ Տ. Գարեգին Արք. Պեքճեան Պատրիարքարանի մէջ ընդունեց Սամաթիոյ Ս. Գէորգ եկեղեցւոյ թաղային խորհուրդի անդամները՝ գլխաւորութեամբ ատենապետ Եսայի Տեմիրի։
Գնալը կղզիի Ս. Գրիգոր Լուսաւորիչ եկեղեցւոյ աշխատութեանց մասնակից պատանիներ, երիտասարդներ եւ ընտանիքներ, գլխաւորութեամբ եկեղեցւոյ հոգեւոր հովիւ Տ. Յարութիւն Աբեղայ Տամատեանի, շաբաթավերջին այցելեցին Հէյպէլի կղզիի յունաց վանքը։
Պատրիարքական տեղապահ Տ. Գարեգին Արք. Պեքճեան երէկ երեկոյեան վերադարձաւ քաղաքս։ Եշիլգիւղի «Աթաթիւրք» օդակայանին մէջ ան դիմաւորուեցաւ Կրօնական ժողովի ատենապետ Տ. Սահակ Եպսկ. Մաշալեանի եւ Տ. Զաքէոս Ծ. Վրդ. Օհանեանի կողմէ։
