Թրքահայ կեանք

Պատրիարքական ընդհանուր փոխանորդ Տ. Արամ Արք. Աթէշեան երէկ հիւրընկալեց Թոփգաբուի Ս. Նիկողայոս եկեղեցւոյ թաղային խորհուրդի ատենապետ Շանթ Չաքմաքճըն եւ իր գործակից ընկերները։ Ներկայ էր նաեւ հոգեւոր հովիւ Տ. Մինաս Ա. Քհնյ. Ճիհանկիւլեան։ Խումբին միացած էր նաեւ թաղի պատուոյ ատենապետուհին՝ համայնքային յայտնի բարերարուհի Մոնիք Երկանեան։

Այս առաւօտ հաճոյքն ունեցանք խմբագրատանս մէջ հիւրընկալելու Գումգաբուի Ս. Աստուածածին Աթոռանիստ Մայր եկեղեցւոյ թաղային խորհուրդի ներկայացուցիչները։ Այսպէս, ատենապետ Հրանդ Մոսկոֆեան եւ իր գործակից ընկերները շաբաթավերջի մատաղօրհնութեան ընդառաջ խմբագրատունս փութացին՝ բացատրութիւններ տալու համար թաղի ընդհանուր կացութեան, մասնաւորապէս Պէզճեան Մայր վարժարանի շուրջ։

Պատրիարքական ընդհանուր փոխանորդ Տ. Արամ Արք. Աթէշեան երէկ Գումգաբուի մէջ հիւրընկալեց Պուլկարիոյ Շումէն քաղաքէն Պոլիս փութացած ուխտաւորներու խումբ մը։ Թէ՛ պուլկար եւ թէ պուլկարահայ ուխտաւորներէ բաղկացեալ այս խումբը դէպի Իսթանպուլ ուղեւորութեան օրերուն փափաքած էր այցելել Պատրիարքարան։

Գատըգիւղի Ս. Թագաւոր եկեղեցւոյ մէջ, շաբաթավերջին, Վարագայ Ս. Խաչի տօնին, Ս. Պատարագի մատուցմամբ կատարուած հոգեհանգստեան պաշտօնով յիշատակուեցաւ երանաշնորհ Տ. Շահան Արք. Սվաճեան։
Արարողութեանց հանդիսապետեց ու Ս. Պատարագը մատոյց՝ եկեղեցւոյ քարոզիչ Տ. Յարութիւն Աբեղայ Տամատեան, որու կողքին էր թաղին երէցը՝ Տ. Գրիգոր Ա. Քհնյ. Տամատեան։ 

Ս. Գէորգ եկեղեցւոյ անուան տօնախմբութեան եւ Սահակեան-Նունեան վարժարանի ի նպաստ սիրոյ սեղանին առթիւ կրօնական եւ աշխարհիկ արարողութիւններ:
Պատրիարքական ընդհանուր փոխանորդ Տ. Արամ Արք. Աթէշեան օծեց նորակերտ զանգակը: Շիշլիի նախկին քաղաքապետ Մուսթաֆա Սարըկիւլ հերթական անգամ առարկայ դարձաւ համայնքային շրջանակներու անվերապահ համակրանքին: Հանգանակութեան արդիւնքը գոհացուցիչ եղաւ՝ յոյս ներշնչելով ներկայ դժուարին տնտեսական պայմաններուն ներքեւ:

Գուզկունճուքի Ս. Գրիգոր Լուսաւորիչ եկեղեցւոյ թաղային խորհուրդը կը շարունակէ իր հնարաւորութիւններու սահմանին մէջ զօրակցութիւն ցուցաբերել մեր վարժարաններուն՝ մասնաւորապէս Գալֆաեան Տան, որ կը դիմագրաւէ լուրջ դժուարութիւններ։ Ատենապետ Եդուարդ Այվազեանի կողմէ գլխաւորուած թաղային խորհուրդը վերջերս ապահոված է՝ որպէսզի Գալֆաեան Տան դասարանները օժտուին «խելացի գրատախտակներով»։

Խոր ցա­ւով վե­րա­հա­սու ե­ղանք, որ իր մահ­կա­նա­ցուն կնքած է մեր հա­մայն­քի սի­րուած ու յար-գըւած դէմ­քե­րէն Ա­րեգ Էրք­ման, ո­րու ան­ժա­մա­նակ կո­րուս­-­տը սու­գի մատ­նած է թէ՛ իր ըն­տա­նի­քը եւ թէ ըն­կե­րա­յին շրջա­նա­կը։ 
Ա­րեգ Էրք­ման ծնած էր 1947-ին Պոլ­սոյ մէջ։

Տ. Եզրաս Արքեպիսկոպոս Ներսիսեանի յատկանշական նուէրը՝ Սամաթիոյ Ս. Գէորգ եկեղեցւոյ համար:
Այս շաբաթավերջի տարեկան աւանդական անուան տօնախմբութեան ժամանակ կը լսուի նոր կոչնակին ձայնը:

Պատրիարքական ընդհանուր փոխանորդ Տ. Արամ Արք. Աթէշեան երէկ հիւրընկալեց Ղալաթիոյ Ս. Գրիգոր Լուսաւորիչ եկեղեցւոյ եւ Կեդրոնական վարժարանի խնամակալութեան ատենապետ Յարութիւն Էպէօղլուն եւ իր գործակից ընկերները։ Ներկայ էր նաեւ Ղալաթիոյ հոգեւոր հովիւ Տ. Զատիկ Վրդ. Պապիկեան։

Պատրիարքական ընդհանուր փոխանորդ Տ. Արամ Արք. Աթէշեան նախընթաց երեկոյեան Գումգաբուի մէջ հիւրընկալեց Երիտասարդաց յանձնախումբի անդամները։ Նորին սրբազնութիւնը ուրախութիւն յայտնեց Պատրիարքարանի երդիքին տակ երիտասարդներու ներկայութեան համար։