Թրքահայ կեանք

Ղալաթիոյ Ս. Փրկիչ հայ կաթողիկէ եկեղեցւոյ մէջ երէկ յետմիջօրէին տեղի ունեցաւ Կաթողիկէ հայոց վիճակաւոր Տ. Լեւոն Արք. Զեքիեանի վերջերս լոյս տեսած գիրքին շնորհանդէսը։

Այս առաւօտ հաճոյքն ունեցանք խմբագրատանս մէջ հիւրընկալելու Ֆէրիգիւղի Ս. Վարդանանց եկեղեցւոյ թաղային խորհուրդէն Նուրհան Փալաքօղլուն եւ Մէրամէթճեան վարժարանի ծնողաց միութենէն Ժիւլիէթ Տեմիրճիօղլուն եւ Լինտա Չաղլըն։

Գատըգիւղի ընտանիքը երէկ ուրախ Կիրակի մը ապրեցաւ թաղի Ս. Թագաւոր եկեղեցւոյ մէջ տեղի ունեցած Ս. Մկրտութեան խորհրդակատարութեան մը առթիւ։

Էսաեան սանուց միութեան «Մարալ» համոյթը երէկ երեկոյեան ելոյթ  մը ունեցաւ Ֆուլիայի գեղարուեստի կեդրոնին մէջ, որ կը գործէ Պէշիկթաշի քաղաքապետարանին առընթեր։

Շիշլիի «Քենթ» մշակոյթի կեդրոնին մէջ շաբաթավերջին կազմակերպուեցաւ «Հէքեաթատօն» մը, որ «Փոքրիկ» կայքէջի նախաձեռնութիւնն էր։

Կէտիկփաշայի «Հրանդ Տինք» վարժարանին մէջ տեղի ունեցաւ այս տարուան շրջանաւարտներու հրաժեշտի արարողութիւնը։ 9-րդ դասարանի սաներուն համար վերջին զանգը հնչեց յուզումնախառն մթնոլորտի մը մէջ։

Ֆէրիգիւղի Մէրամէթճեան վարժարանի տնօրէնութեան նախաձեռնութեամբ այս տարի չորրորդ անգամ կազմակերպուեցաւ միջվարժարանային ֆութպոլի մրցաշարք մը։ Թաքսիմ մարզակումբի անմոռանալիներէն Ալեքսան Տատեանի յիշատակին ձօնուած այս մրցաշարքը չորրորդն է իր նմաններու շարքին։

Խոր ցաւով վերահասու եղանք, թէ իր մահկանացուն կնքած է մեր համայնքի երիցագոյն սերունդի նուիրեալ ու բազմաշխատ իգական սերունդի գործիչներէն Հռիփսիմէ Պաքեան։ Ան երկար տարիներ եղած է Գարակէօզեանի մեծ ընտանիքի սիւներէն եւ իր գուրգուրանքին, խնամքին առարկայ դարձուցած է այդ պատմական դպրոցի շեմէն սերունդէ-սերունդ անցած պատանիները։

Յայտնի արուեստագէտներ Ըթըր Էսէն եւ Հալտուն Պոյսան նախընթաց օր ասուլիսի մը մասնակցեցան Գատըգիւղի Արամեան սանուց միութեան մէջ։ Հաճելի երեկոյթը վարեցին՝ Մասիս Գույումճու եւ Գարին Քիւրքճիւօղլու Ըշըքճը։

Գալֆաեան Տան մէջ վերջին օրերուն տեղի ունեցաւ մանկանց խրախճանք մը։ Սարըեէրի Rotaract ակումբին կողմէ գործադրուեցաւ այս ծրագիրը։ Դպրոցի պարտէզին մէջ ստեղծուեցան մասնաւոր խաղավայրի մը պայմանները։