Պատրիարքական տեղապահ Տ. Գարեգին Արքեպիսկոպոս Պեքճեան երէկ նախագահեց Աթոռանիստ Մայր եկեղեցւոյ մէջ կազմակերպուած տարեկան մատաղօրհնութեան:
Համայնքային շրջանակները անվերապահօրէն կը գնահատեն Սուրբ Խաչ դպրեվանքի կարեւոր ու կենսական առաքելութիւնը՝ թրքահայ կրթական իրականութենէն ներս:
Պատրիարքական տեղապահ Տ. Գարեգին Արք. Պեքճեան շաբաթավերջին Գումգաբուի մէջ հիւրընկալեց Եշիլգիւղի Ս. Ստեփանոս եկեղեցւոյ թաղային խորհուրդի ատենապետ Հապիպ Էօզֆուրունճուն եւ իր ընկերները։ Ներկայ էր նաեւ թաղի հոգեւոր հովիւ Տ. Կորիւն Ա. Քհնյ. Ֆէնէրճեան։
Պատրիարքական տեղապահ Տ. Գարեգին Արք. Պեքճեան շաբաթավերջին հիւրընկալեց Կէտիկփաշայի Ս. Յովհաննէս եկեղեցւոյ թաղային խորհուրդի ներկայացուցիչները։ Տարուան վերջին օրը նախատեսուած է Ս. Յովհաննէս եկեղեցւոյ անուան տօնախմբութիւնը, իբր այդ թաղային խորհուրդի ներկայացուցիչները նախօրէին փափաքած էին այցելել Պատրիարքարան՝ ստանալու համար Տ. Գարեգին Արք. Պեքճեանի օրհնութիւնը։
Սամաթիոյ Անարատ Յղութիւն վարժարանի երդիքին տակ վերջերս հիւրընկալուեցաւ հոգեբան Սելին Էօզքան։
Պատրիարքական տեղապահ Տ. Գարեգին Արք. Պեքճեան երէկ պատգամ մը հրապարակեց Երուսաղէմի առկայ տագնապին առընչութեամբ։ Նորին սրբազնութիւնը տեղեկացուց, որ մեծ ցաւով ու մտահոգութեամբ կը հետեւի Ամերիկայի Միացեալ Նահանգներու Նախագահ Տանըլտ Թրամփի յայտնի որոշումով ստեղծուած իրավիճակին, որով վնաս կրած է Մերձաւոր Արեւելքի հաշտութեան գործընթացը։
Այս շաբաթավերջին Գումգաբուի մէջ տեղի պիտի ունենայ Ս. Խաչ դպրեվանքի ի նպաստ տարեկան հանգանակութիւնը։ Ինչպէս ամէն տարի, այս տարի եւս տարեկան հանգանակութեան զուգահեռ պիտի նշուի հաստատութեան արդի վիճակով հիմնադրութեան տարեդարձը։
Երէկ, Ֆէրիգիւղի «Շիրինօղլու» սրահին մէջ տեղի ունեցաւ թաղի Մէրամէթճեան վարժարանին ի նպաստ կազմակերպուած՝ Ամանորի աւանդական քէրմէսը։
Պաքըրգիւղի ընտանիքը վերջին երկու օրերուն մեծ ոգեւորութիւն ապրեցաւ՝ Տատեան վարժարանին ի նպաստ կազմակերպուած Ամանորի աւանդական քէրմէսին առթիւ։
Հանգուցեալ Թադէոս Կիւնթէրի յիշատակին ձօնուած միջմիութենական նարտի մրցաշարքի այս տարուան ախոյեանը հանդիսացաւ Տատեան սանուց միութեան խումբը։
Պատրիարքական տեղապահ Տ. Գարեգին Արք. Պեքճեան անցեալ Կիրակի նախագահեց Գատըգիւղի Ս. Թագաւոր եկեղեցւոյ արարողութիւններուն։ Ս. Պատարագը մատոյց Տ. Գրիգոր Ա. Քհնյ. Տամատեան։ Ներկայ էր նաեւ Տ. Յարութիւն Աբեղայ Տամատեան։
