Կրօնական ժողովի ատենապետ Տ. Սահակ Եպսկ. Մաշալեան երէկ ընկերային ցանցերու վրայ հանդէս եկաւ հերթական յայտարարութեամբ՝ պատրիարքական ընտրութեան գործընթացին շուրջ։ Յառաջիկային նախատեսուած է պատրիարքական տեղապահի մը ընտրութիւնը։
Թոփգաբուի Լեւոն-Վարդուհեան վարժարանին մէջ նախընթաց օր տեղի ունեցաւ շրջանաւարտութեան հանդէս։ 2018-2019 կրթական շրջանի հունձքը դպրոցէն հրաժեշտ առաւ խանդավառ մթնոլորտի մը մէջ։
Խոր ցաւով վերահասու եղանք, թէ այս առաւօտեան կանուխ ժամերուն իր մահկանացուն կնքած է պոլսահայ կրթական կեանքի նուիրեալներէն, Սուրբ Խաչ դպրեվանքի նախկին բազմամեայ ու վաստակաշատ տնօրէն Հայկ Նշան։
Իր կորուստը շատ ցաւալի է, որովհետեւ Հայկ Նշան կը խորհրդանշէր իսկապէս նուիրեալ, ուխտեալ հայ կրթական մշակի մը կերպարը։
Պատրիարքական ընդհանուր փոխանորդ Տ. Արամ Արք. Աթէշեան երէկ Գումգաբուի մէջ հիւրընկալեց Անգարայի մօտ Դանիոյ դեսպան Սվենտ Օլլինկը։ Բարձրաստիճան դիւանագէտը փափաքած էր Պատրիարքարան այցելել՝ տեղեկութիւններ քաղելու համար թրքահայ համայնքային կեանքի վերաբերեալ զանազան նիւթերու շուրջ։
Պատրիարքական ընդհանուր փոխանորդ Տ. Արամ Արք. Աթէշեան երէկ Գումգաբուի մէջ հիւրընկալեց Գերմանիայէն խումբ մը ուսանողներ՝ գլխաւորութեամբ Գերման աւետարանական եկեղեցւոյ Իսթանպուլի պատուելի Կապրիելա Փաչէյի։ Հիւրերը Աստուածաբանական ճիւղի ուսանողներ էին։ Անոնք Իսթանպուլի իրենց կեցութեան ընթացքին փափաքած էին տեղեկութիւններ քաղել հայոց պատրիարքութեան մասին։
Գալֆաեան Տան մանկապարտէզի սաները վերջերս այցելեցին Կէտիկփաշայի «Հրանդ Տինք» վարժարանը։ Երկու դպրոցներու նախակրթարաններու տղաքը մէկտեղուեցան իսկապէս խանդավառ մթնոլորտի մը մէջ։ Փոքրիկները անկեղծ մթնոլորտի մը մէջ ժամանց ունեցան իրարու հետ։
Պաքըրգիւղի Տատեան վարժարանին մէջ մանկապարտէզի տարեվերջի հանդէսը առիթ հանդիսացաւ մեծ խանդավառութեան։ Դպրոցի «Տիգրան Կիւլմէզկիլ» հանդիսասրահի երդիքին տակ տեղի ունեցաւ ձեռնարկը։
Պոմոնթիի Մխիթարեան վարժարանին մէջ նախընթաց օր տեղի ունեցաւ շրջանաւարտից հանդէս։
Սամաթիոյ Անարատ Յղութիւն վարժարանին մէջ նախընթաց օր տեղի ունեցաւ վկայականներու բաշխման հանդիսութիւն։ Այս տարուան շրջանաւարտները խանդավառ մթնոլորտի մը մէջ հրաժեշտ առին դպրոցէն՝ մինչ տնօրէն Շահին Չընար հանդէս եկաւ շնորհաւորութեան խօսքով մը։
Սամաթիոյ Սահակեան դպրաց դաս-երգչախումբի մանկապատանեկան կազմը երէկ երեկոյեան համերգով մը հանդէս եկաւ Պաքըրգիւղի Տատեան վարժարանի «Տիգրան Կիւլմէզկիլ» հանդիսասրահի երդիքին տակ։ Երեկոյթը պատուեց Պատրիարքական ընդհանուր փոխանորդ Տ. Արամ Արք. Աթէշեան, որու կողքին էին Կրօնական ժողովի ատենապետ Տ. Սահակ Եպսկ. Մաշալեան, Տ. Յարութիւն Աբեղայ Տամատեան, Տ. Գրիգոր Ա. Քհնյ. Տատմատեան եւ Տ. Զօհրապ Քհնյ. Ճիվանեան։ Սամաթիոյ Ս. Գէորգ եկեղեցւոյ թաղային խորհուրդի ատենապետ Եսայի Տեմիր եւ իր գործակից ընկերներն ալ հետեւեցան ձեռնարկին, որ անցաւ շատ խանդավառ մթնոլորտի մը մէջ։
