Գուզկունճուքի Ս. Գրիգոր Լուսաւորիչ եկեղեցւոյ մէջ շաբաթավերջին տեղի ունեցան հանդիսաւոր արարողութիւններ։ Հայոց հաւատքի հօր՝ Ս. Գրիգոր Լուսաւորչի Խոր Վիրապէ ելքը յիշատակուեցաւ աւանդական շուքով։
Պաքըրգիւղի ընտանիքը ջերմ մթնոլորտի մը մէջ հրաժեշտ տուաւ Տատեան վարժարանի այս տարուան շրջանաւարտներուն։ Դպրոցի «Տիգրան Կիւլմէզկիլ» հանդիսասրահին մէջ կազմակերպուած շրջանաւարտութեան հանդէսի ներկաներու շարքին էին Տ. Յարութիւն Աբեղայ Տամատեան, Պաքըրգիւղի Ծնունդ Ս. Աստուածածին եկեղեցւոյ թաղային խորհուրդի ատենապետ Մեսուտ Էօզտեմիր եւ իր գործակից ընկերները, վարժարանի տնօրէնուհի Ալիս Պայրամ, ուսուցչական կազմը, Պաքըրգիւղի ընտանիքէն պատասխանատուներ, ծնողներ եւ այլ հիւրեր։
Մխիթարեան վարժարանի 2018-2019 շրջանի ընթացաւարտները վերջերս փայլուն հանդիսութիւնով մը հրաժեշտ առին ու բռնեցին կեանքի նոր փուլի մը ճանապարհը։ Դպրոցի պարտէզին մէջ տեղի ունեցաւ շրջանաւարտութեան հանդէսը, որ առիթ հանդիսացաւ իսկապէս մեծ խանդավառութեան։ Մխիթարեան վարժարանը այս տարի ունի 9 շրջանաւարտ։
Գարակէօզեանի ընտանիքը երէկ երեկոյեան մեծ խանդավառութիւն ապրեցաւ՝ դպրոցի 2018-2019 կրթական շրջանի ընթացաւարտներու շրջանաւարտութեան հանդէսին առթիւ։ Ներկայ էին խնամակալութեան ներկայացուցիչները, վարժարանի հիմնադրի ներկայացուցիչ Գարուն Քովան, տնօրէնուհի Արուսեակ Մոնէ, ուսուցչական կազմը, սանուց միութեան վարչայինները, Գարակէօզեանի ընտանիքէն պատասխանատուներ եւ շրջանաւարտներու ընտանիքները։
Գնալը կղզիի Ս. Գրիգոր Լուսաւորիչ եկեղեցւոյ մէջ, վերջերս, Ս. Եղիայի յիշատակութեան տօնին հոգեւոր արարողութիւններ տեղի ունեցան։ Նկատի ունենալով Համաշխարհային հայրերու օրը եւ երանաշնորհ Մեսրոպ Պատրիարքի ծննդեան տարեդարձի զուգադիպութիւնը, մասնաւոր յիշատակութեան արժանացաւ նաեւ մեր հոգեւոր պետը։
Պէզճեան Մայր վարժարանի 2018-2019 շրջանի հունձքին համար երէկ երեկոյեան հրաժեշտի հանդիսութիւն մը տեղի ունեցաւ Գումգաբուի համանուն սրահին մէջ։ Երեկոյթը պատուեց Պատրիարքական ընդհանուր փոխանորդ Տ. Արամ Արք. Աթէշեան, որու կողքին էր Մայր եկեղեցւոյ հոգեւոր հովիւ Տ. Անդրէաս Ա. Քհնյ. Յակոբեան։
Ֆէրիգիւղի ընտանիքը երէկ երեկոյեան հանդիսաւոր արարողութիւնով մը հրաժեշտ տուաւ Մէրամէթճեան վարժարանի 2018-2019 կրթական շրջանի հունձքին։ Շրջանաւարտներուն ի պատիւ դպրոցի պարտէզին մէջ տեղի ունեցաւ հանդիսաւոր երեկոյթ մը։
Պատրիարքական ընդհանուր փոխանորդ Տ. Արամ Արք. Աթէշեան նախընթաց օր Գումգաբուի մէջ ընդունեց Գուզկունճուքի Ս. Գրիգոր Լուսաւորիչ եկեղեցւոյ թաղային խորհուրդի ատենապետ Եդուարդ Այվազեանն ու իր գործակից ընկերները։ Ներկայ էր նաեւ եկեղեցւոյ հոգեւոր հովիւ Տ. Շահէն Քահանայ Օհանեան։
Կրօնական ժողովի երէկուան նիստէն վերջ համայնքին ուշադրութիւնը կեդրոնացած է յառաջիկայ շաբաթ նախատեսուած Եկեղեցականաց համագումարին վրայ:
Պատրիարքական ընտրութեան գործընթացին հեռանկարները հետզհետէ կը յստակենան՝ Պոլսոյ Աթոռի դարաւոր նախընթացներուն եւ աւանդութիւններուն համապատասխան:
Ս. Խաչ դպրեվանքի մէջ 2018-2019 կրթական շրջանը եզրափակուեցաւ վկայականներու բաշխման արարողութեամբ։ Ամբողջ աշակերտութեան, ուսուցչական կազմի եւ խնամակալութեան ներկայացուցիչներու մասնակցութեամբ տեղի ունեցաւ հանդիսութիւնը։
