Տ.Տ. Գարեգին Բ. Ամենայն Հայոց Կաթողիկոսը երէկ Մայր Աթոռ Սուրբ Էջմիածնի մէջ ընդունեց Երեւանի մօտ Եգիպտոսի դեսպան Սերենատ Մուհամմէտ Սոլիման Կամիլին։ Հանդիպման ներկայ էր նաեւ Ղպտի Ուղղափառ եկեղեցիէն Հայր Իլարիոն, որ իր աստուածաբանական կրթութիւնը կը շարունակէ Երեւանի Պետական համալսարանի Աստուածաբանութեան ֆաքիւլթէին մէջ։
Տ. Յովնան Արք. Տէրտէրեան յորդորեց հայեացքը մշտապէս ուղղել դէպի Մայր Աթոռ Սուրբ Էջմիածին:
Հայց. Առաքելական Եկեղեցւոյ Հիւսիսային Ամերիկայի Արեւմտեան թեմէն ներս հոգեւորականաց դասու հերթական հաւաքը:
Տ.Տ. Գարեգին Բ. Ամենայն Հայոց Կաթողիկոսը Մայր Աթոռ Սուրբ Էջմիածնի մէջ վերջին օրերուն հիւրընկալեց Հունգարիայէն՝ «Հալածեալ քրիստոնեաներու օգնութեան եւ հունգարական աջակցութեան ծրագրի» պետական քարտուղար Թրիսթան Ազպէյը։ Ներկայ էր նաեւ Երեւանի մօտ Հունգարիոյ դեսպան Աննա Մարիա Շիքօ։
Թուրքիոյ Հայոց Պատրիարք Ամենապատիւ Տ. Սահակ Սրբազան Արքեպիսկոպոս Մաշալեան շաբաթավերջին Սրբոց Աւետարանչաց տօնին առթիւ նախագահեց Նարլըգաբուի Ս. Յովհաննէս Աւետարանիչ եկեղեցւոյ արարողութիւններուն, որոնց ընթացքին խօսեցաւ նաեւ քարոզ մը։
Տ.Տ. Գարեգին Բ. Ամենայն Հայոց Կաթողիկոսը երէկ Մայր Աթոռ Սուրբ Էջմիածնի մէջ ընդունեց Երեւանի մօտ Պելժիոյ նորանշանակ դեսպան Էրիք տը Միւնքը։ Զրոյցի ընթացքին անդրադարձ կատարուեցաւ Հայաստանի առջեւ ծառացած անվտանգային եւ գոյաբանական հարցերուն։
Մեծի Տանն Կիլիկիոյ Կաթողիկոսութիւնը շարժման անցած է Արցախէն բռնի տեղահանուած ընտանիքներուն աջակցելու համար։ Տ.Տ. Արամ Ա. Կաթողիկոսի օրհնութեամբ նախաձեռնութիւն մը սկսած է՝ մարդասիրական աջակցութեան նպատակով։
Տ.Տ. Գարեգին Բ. Ամենայն Հայոց Վեհափառ Հայրապետը երէկ Մայր Աթոռ Սուրբ Էջմիածնի մէջ շքանշաններ շնորհեց Հայաստանեայց Առաքելական Եկեղեցւոյ խումբ մը երախտաշատ աշխարհական սպասաւորներու։ Այսպէս, Մայր Աթոռ Սուրբ Էջմիածնի Վերստուգիչ յանձնախումբի անդամներէն Խաչատուր Մութաֆեան եւ Լիուտվիկ Հարոյեան պարգեւատրուեցան «Սուրբ Ներսէս Շնորհալի» շքանշանով։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ առաւօտ Գումգաբուի մէջ հիւրընկալեց Մայր Աթոռ Սուրբ Էջմիածնէն՝ Մասիացոտնի թեմի առաջնորդ Տ. Գէորգ Եպսկ. Սարոյեանը, որ միօրեայ այցելութիւն մը տուաւ քաղաքս ու իջեւանեցաւ Պատրիարքարանի համալիրէն ներս։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ հիւրընկալեց խումբ մը կաթոլիկ հոգեւորականներ։ Ֆրանսիսքեան միաբանութեան անդամ վարդապետներէ բաղկացեալ այս խումբը կը գլխաւորէր Հայր Մաքութօ։
Տ.Տ. Գարեգին Բ. Ամենայն Հայոց Կաթողիկոսը երէկ Մայր Աթոռ Սուրբ Էջմիածնի մէջ հիւրընկալեց՝ տեղեկատուութեան թեքնոլոժիներու ոլորտէն ներս Հայաստանի Հանրապետութեան պետական մրցանակին արժանացած դափնեկիրները։
