Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ ընդունեց Էրիթրէի եկեղեցիէն պատուիրակութիւն մը՝ գլխաւորութեամբ Եւրոպայի առաջնորդ Ապունա Փաուլոս Եպիսկոպոսի եւ ընկերակցութեամբ Տ. Զէրիսենայ Աւագ Քահանայի։
Վեհափառ Հայրապետը եկեղեցականներուն յորդորեց հոգեխնամ առաքելութիւն իրականացնել՝ իրենց հօտերուն համար:
Մայր Աթոռ Սուրբ Էջմիածնի «Գարեգին Ա.» կրթական կեդրոնին կողմէ կարեւոր նախաձեռնութիւն՝ հոգեւորականներու կատարելագործման նպատակով:
Տ.Տ. Գարեգին Բ. Ամենայն Հայոց Վեհափառ Հայրապետը երէկ Մայր Աթոռ Սուրբ Էջմիածնի մէջ ընդունեց Ղազարաւանի Սուրբ Նարեկ մենաստանի քոյրերն ու յարակից գիւղերու դպրոցներէն զանազան դասարաններու աշակերտներ։
Գիւտ Խաչի տօնին առթիւ երէկ Պէյօղլուի Ս. Երրորդութիւն եկեղեցւոյ մէջ արարողութիւններուն հանդիսապետեց Տ. Յարութիւն Վրդ. Տամատեան, որ խօսեցաւ քարոզ մը։ Ս. Պատարագը մատոյց Տ. Գէորգ Աւ. Քհնյ. Չընարեան։
Մայր Աթոռ Սուրբ Էջմիածնի աղբիւրները հաղորդեցին, որ Հայաստանեայց Առաքելական Եկեղեցւոյ Եւրոպայի երկիրներու հայրապետական պատուիրակներն ու առաջնորդները հանդիպում մը ունեցան ԵԱՀԿ-ի ընդհանուր քարտուղար Հելկա Շմիտի հետ։
Մայր Աթոռ Սուրբ Էջմիածնի մէջ տեղի ունեցաւ «Գաւիթ» հարթակին հանդիպումը, որ կազմակերպուած էր «Հայաստան եւ Արցախ. գոյաբանական մարտահրաւէրներ եւ յաղթահարման ուղիներ» նիւթով։ Այս հարթակը կը համախմբէ հոգեւորականներ, հասարակական գործիչներ, մասնագիտական ու փորձագիտական շրջանակներէ ներկայացուցիչներ։
Վատիկանէ ներս ընթացքի մէջ է Հռոմէական Կաթոլիկ եկեղեցւոյ սինոդի ժողովը։ Ֆրանսիսքոս Ա. Սրբազան Քահանայապետին՝ իր տեսակին մէջ 16-րդ այս վեհաժողովը կը համախմբէ կաթողիկէ կարտինալներն ու եպիսկոպոսները։
Մեծի Տանն Կիլիկիոյ Տ.Տ. Արամ Ա. Կաթողիկոսը նախընթաց օր հանդիպում մը ունեցաւ Լիբանանի հայոց թեմի եկեղեցիներու թաղականութեանց, դպրաց դասերու, տիկնանց յանձնախումբերու, կիրակնօրեայ վարժարաններու եւ աղքատախնամ մարմիններու ներկայացուցիչներուն հետ։
Տ.Տ. Գարեգին Բ. Ամենայն Հայոց Վեհափառ Հայրապետը Մայր Աթոռ Սուրբ Էջմիածնի մէջ նախընթաց օր հիւրընկալեց Երեւանի մօտ Իրանի դեսպանութեան մշակոյթի կեդրոնի ղեկավար Ասատի Մովահետին։ Զրոյցի ընթացքին անդրադարձ կատարուեցաւ Մերձաւոր Արեւելքի ցաւալի իրադարձութիւններուն։
Ամսթերտամի Ս. Հոգի Հայ Առաքելական եկեղեցւոյ բակին մէջ շաբաթավերջին զետեղուեցաւ խաչքար մը, որ ձօնուած է Արցախի 44-օրեայ պատերազմի նահատակներու յիշատակին։ Օծման արարողութեան նախագահեց Արեւմտեան Եւրոպայի հայրապետական պատուիրակ Տ. Խաժակ Արք. Պարսամեան, որ իր պատգամին մէջ կոչ ուղղեց, որպէսզի բոլորը աղօթեն միասնութեան համար։
