Եկեղեցական

Հայաստանի զինեալ ուժերու կազմաւորման երեսնամեայ յոբելեանին առթիւ հանդիսաւոր աղօթք:
Վեհափառ Հայրապետի նախագահութեամբ, եկեղեցական արարողութենէն վերջ Մայր Աթոռ Սուրբ Էջմիածնի մէջ ընդունելութիւն:

Մեծի Տանն Կիլիկիոյ Տ.Տ. Արամ Ա. Կաթողիկոսը երէկ Անթիլիասի մէջ հիւրընկալեց ՄԱԿ-ի ընդհանուր քարտուղար Անթոնիօ Կութերեսի ներկայացուցիչ տքթ. Եոաննա Վրոնեցքան։ Այցելութեան ընթացքին ներկայացուցիչը Նորին Սրբութեան նամակ մը յանձնեց ընդհանուր քարտուղարին կողմէ։

Ամենայն Հայոց Տ.Տ. Գարեգին Բ. Կաթողիկոսը երէկ Մայր Աթոռ Սուրբ Էջմիածնի մէջ ընդունեց Աշոտ Մինասեանի պաշտպանութեան խորհուրդի ներկայացուցիչները։ Ներկայ էր նաեւ Սիւնեաց թեմի առաջնորդական տեղապահ Տ. Մակար Վրդ. Յակոբեան։

Գոհունակութեամբ վերահասու կ՚ըլլանք, թէ Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան վերագտած է իր առողջութիւնը՝ վերջին շրջանին իր ենթարկուած դարմանումէն վերջ։

Արեւմտեան Եւրոպայի հայրապետական պատուիրակ Տ. Խաժակ Արք. Պարսամեան անցեալ շաբաթավերջին հովուական այցելութիւն մը տուաւ դէպի Սպանիա։ Նորին Սրբազնութեան ուղեւորութեան առաջին հանգրուանը հանդիսացաւ Պարսելոնա քաղաքը, ուր ան հանդիպում մը ունեցաւ տեղւոյն եկեղեցական խորհուրդի անդամներուն հետ։

Մեծի Տանն Կիլիկիոյ Տ.Տ. Արամ Ա. Կաթողիկոսի նախագահութեամբ, երէկ երեկոյեան, Անթիլիասի մէջ տեղի ունեցաւ վանաբնակ միաբաններու հաւաք։ Կաթողիկոսարանի դահլիճին մէջ հաւաքուած միաբանները ուշադրութիւն կեդրոնացուցին «Սփիւռքի տարի»ի շրջանակներէն ներս նախատեսուած աշխատանքներուն եւ անոնց արժեւորման անհրաժեշտութեան վերաբերեալ նիւթերու վրայ։

Թաքսիմի Այա Թրիատա յոյն ուղղափառ եկեղեցւոյ մէջ երէկ տեղի ունեցաւ էքիւմենիք արարողութիւն մը։ Քրիստոնէից միութեան օրուան առթիւ կազմակերպուած այս միջեկեղեցական աղօթքին հանդիսապետեց Տ.Տ. Պարթոլոմէոս Ա. Ուղղափառաց Տիեզերական Պատրիարքը, որ խօսեցաւ նաեւ քարոզ մը։

«progressarmenia.com» կայքէջին վրայ Կարինէ Սարգսեանի ստորագրութեամբ հետաքրքրական հարցազրոյց մը:
Տ. Արամ Արքեպիսկոպոս Աթէշեան. «Մեր եկեղեցին նոր ժամանակներու ոգիին եւ նոր մարտահրաւէրներուն համահունչ պէտք է վերափոխէ առաքելութիւնը, որպէսզի կարողանայ ձգողականութիւնը բարձրացնել յաչս իր հօտին»:

Կը տեղեկանանք, որ այս տարի կը լրանայ Մայր Աթոռ Սուրբ Էջմիածնի «Վաչէ եւ Թամար Մանուկեան» մատենադարանի հիմնադրութեան 10-ամեակը։ 2012 թուականին գործել սկսած է ներկայ մատենադարանը, որ մայրավանքի համալիրէն ներս առանցքային խարիսխ մըն է։

Հայց. Առաքելական Եկեղեցւոյ Հիւսիային Ամերիկայի Արեւմտեան թեմէն ներս նախընթաց օր տեղի ունեցաւ վարչական կարեւոր հաւաք մը։ Թեմը այս տարի կը նշէ իր հաստատման 95-ամեակը եւ յոբելենական շրջանին առթիւ ստեղծուած է արտասովոր աշխուժութիւն։