Ուղղափառաց Տ.Տ. Պարթոլոմէոս Ա. Տիեզերական Պատրիարքի գահակալութեան 30-ամեակին առթիւ այս շրջանին կը գործադրուի յոբելենական ծրագիր մը։ Երէկ երեկոյեան Նորին Սրբութեան գործունէութեան վերաբերեալ պատրաստուած փաստավաւերագրական ժապաւէնի մը առաջին ցուցադրութիւնը տեղի ունեցաւ հանդիսաւոր մթնոլորտի մը մէջ։
Հռոմէական Կաթոլիկ Եկեղեցւոյ Քահանայապետ Ֆրանսիսքոս Ա. Սրբազան Պապը Վատիկանի մէջ հաւատացեալներու հետ տեսակցելու ժամանակ անդրադարձաւ Ուքրայնայի տագնապին։ «Ուքրայնայի մէջ պատերազմը խելագարութիւն կ՚ըլլայ», ըսաւ Սրբազան Պապը՝ ընդգծելով, որ Քիեւի եւ Մոսկուայի միջեւ լարուածութեան յաղթահարումը անհրաժեշտ է։
Մայր Աթոռ Սուրբ Էջմիածինը երէկ հերթական անգամ ահազանգ հնչեցուց՝ 44-օրեայ պատերազմէն վերջ Ատրպէյճանի վերահսկողութեան տակ անցած տարածքներէն ներս հայկական պատմամշակութային ժառանգութեան ոչնչացման հարցին շուրջ։ Ամենայն Հայոց Կաթողիկոսութիւնը երէկ հանդէս եկաւ յայտարարութիւնով մը, որու մէջ ըսուած է հետեւեալը։
ՅԱՐՈՒԹԻՒՆ ԱԲԵՂԱՅ ՏԱՄԱՏԵԱՆ
Պատրիարքական Աթոռի երիտասարդ միաբաններէն Տ. Յարութիւն Աբեղայ Տամատեան, որ ուսման համար մեկնած է Մայր Աթոռ Սուրբ Էջմիածին, անցեալ կիրակի պատարագեց Ս. Գայիանէ պատմական վանքին մէջ։ Միջնադարեան խորհրդաւոր աղօթատան սրբազան կամարներուն ներքեւ ան խօսեցաւ նաեւ քարոզ մը։
Հոլանտահայութիւնը երէկ յատկանշական օր մը ապրեցաւ՝ Մաստրիխտ քաղաքի Ս. Կարապետ Հայաստանեայց Առաքելական եկեղեցւոյ տարեկան անուան տօնախմբութեան առթիւ։ Այսպէս, ինն տարիներ առաջ պաշտամունքի բացուած այս աղօթատան հիմնադրութեան տարեդարձին առթիւ տեղի ունեցան կրօնական եւ աշխարհիկ աւանդական արարողութիւններ։
Մեծի Տանն Կիլիկիոյ Կաթողիկոսութեան աղբիւրները հաղորդեցին, թէ «Ռիչըրտ եւ Թինա Քարոլան» հրատարակչական հիմնադրամի դատակազմը յայտնած է, թէ բացուած է 2022 թուականի համար նոր ծրագրեր ներկայացնելու շրջանը։
Մեծի Տանն Կիլիկիոյ Տ.Տ. Արամ Ա. Կաթողիկոսը երէկ Անթիլիասի մէջ ընդունեց Պէյրութի մօտ Ամերիկայի Միացեալ Նահանգներու դեսպան Տորոթի Շին։ Աւելի քան ժամ մը տեւեց այս հանդիպումը, որուն ներկայ գտնուեցաւ ԱՄՆ-ի դեսպանատան քաղաքական հարցերով պատասխանատու Էթհան Լինչ։
Ամենայն Հայոց Տ.Տ. Գարեգին Բ. Կաթողիկոսը ուղեւորութեան ձեռնարկած է դէպի Ամերիկայի Միացեալ Նահանգներ։ Ամենայն Հայոց Կաթողիկոսութեան Տեղեկատուութեան համակարգը տեղեկացուց, որ Վեհափառ Հայրապետի ճամբորդութիւնը սկսած է այսօր։
Արեւմտեան Եւրոպայի հայրապետական պատուիրակ եւ Վատիկանի Ս. Աթոռի մօտ Հայաստանեայց Առաքելական Եկեղեցւոյ մշտական ներկայացուցիչ Տ. Խաժակ Արք. Պարսամեան երէկ մասնակցեցաւ՝ Հռոմէական Կաթոլիկ Եկեղեցւոյ Քահանայապետ Ֆրանսիսքոս Ա. Սրբազան Պապի նախագահութեամբ կազմակերպուած էքիւմենիք արարողութեան մը։
Հայ Կաթողիկէ եկեղեցւոյ Ս. Սինոդի տարեկան ժողովը յառաջիկայ շաբաթ տեղի պիտի ունենայ Հռոմի մէջ։ Ռաֆայէլ-Պետրոս ԻԱ. Կաթողիկոս-պատրիարքի նախագահութեամբ պիտի գումարուի Ս. Սինոդը։
